4

1 Furi goti, madjoi ni ba e kodhoro ngbari bbai ma ni ka ni di thothonga Gindr nji nari bbai nari, ndirigoti furi ni nji fu ni, korinzi ni tso tso ko tsoni kodhi bboke Yesu nji ro ni bbi afu dhe ddo kpakpa ro nzi. 2 Ni churi ngba, oro, ngba lo ma koddi nidho bboke Yesu djo nari ngba. 3 Gindr ji ni la djoro na lo ku ina, ni ju nitso bbe nji dha ro; 4 Ni kru ddiddiro nisi ni ndi jolu u le le u Gindr nyo djo nari na ndiri goti nzi doro pa ni ndi djo nalo kru lu, 5 Nzi ni bba nironga dza u nyo pi nidjo ddiddi nza u Yesu na ndru ra di nji nari bbai; 6 Nzi ni bba ddikpa le ma sha niro ilo na, dho na lo Gindr ku o ndi be o fulona na ke, ngba ko po e ni dho drdr na chari bbai 7 Dho nari Gindr nza nzi ngue ko le ndi ka ndi sa na lo dho ri, ro ke nzi e ko u le ka le uni na lo dho. 8 Ddikpa le gu ilo ro fuke nza gu ndru ri, ke gu Gindr, ndidza bblodhi ndi bbue nidho ro. 9 Lelai dza ji djo, nga ku go le ndi ni dho nari ki vi ri ; dho na lo ninganga dhe bae Gindr dhoro nikana nika ni jini ndirigoti dd'i ndru ma na nari, 10 Riku furi chu ni nji ko djoi Makedonia na kru na ndru nari. Ro korinzi nitso nira anzi dhe fujidha na, 11 Ndirigoti anidi bbo nidhi madha na, ninini thi li ninganga dhi nji djo ro, ndirigoti anidi njinji ni tho na ndjo, kongaeri ni dho nari bbai, 12 Furo chu ni ka ni e mala dhi kpa furugu ku na ndru nyo djo, furigoti rikandidhoni pulupulu niku ndru dyu na nga nji nji dha dho. 13 konza jiri, madjoi, ni di nza chulo checheni na ndru djori, nzi ni na nga ri dd'o dd'o nja nga dza ngabbodha ro ku na ndru bbai. 14 Dhonalo, njati kou Yesu Kristo dhedhe narigoti, ke ga ega nari ro, ako u iri maddi, Gindr si Yesu Kristo lu kodhi dhedhe na ndru pu bu ndru kanaro ni dhe. 15 Ani nja, riku i, Gindr chu na ko po ni dho na lo ku ina: Ko shi ku na ndru, ma gu ma nza Yesu Kristo dd'e ngu na ri si ba na ndru, koro nzi si da anji fundruro ri. 16 Dhonalo Gindr nganga si thu ranaro, bo le chu na, malaika chu na, furo Kristo na cheni na ndru si ga koro anji. 17 Furigoti, koshikunandru, ma kogu ma ro, kokru si ngbeni kpa ma na ndundu djo, furigoti kosi di Gindr na nunu. 18 Ani pi ni iso afulona ni kalu.