1

1 Polo ma,Silivano ma,Timatio ma na,Tesalonika dhi bbagu nju tso Ginri nju na wa kristu dho,Ginri baba ma,bboke Yesu kristu mana na nitso gbani ro Ginri dza zolo ma ngoi ma na di nidjo. 2 Ko ra di mbai po Ginri dho kru dyi ro nz'ko nz' ni kru djotsina;ndiri goti ko ni nga ddi Ginri na ko loti nanga ro kru, 3 Ginri kodhi baba nji ko ku na ngana,ko no nari ku iri: Ni nidho udha dho,ni dhi bblo nji na;ni lai nru ni ji nari ri li ni dju ni ronga;ndirigoti,kodhi bboke Yesu kristu ni bb'o nari kana ma ddi ni tuni kpa kpa. 4 Ji Ginri ji na ma djo i,ko chu ri chu,ni Ginri vu,nja ni che ndidho dd'e, 5 Bbubbu dhe,kwe dhi fu lo i nza ko tra e nidho,ko tsona lo kpali na ri;ri ko tra e Ginri dza kpa kpa ngana,Ginri dza bblo thi ko tso tso ko ro,ko chu e ri chu:furi e ni bbubbu lo ri.Ni be ngbari bbai ma ko ngu di ni kana,nidhi bbo nga dho kongu nji nji ro nari ma ngba ddi. 6 Ro ni ma ddi ngu ri nji ko nji ngue ri nari bbai chu,bboke Yesu nji ngue ri nari bbai ma : bbo ma ni nyo e nzadha ro,ni ko e Ginri dza fu lo,Ginri dza bblo thi dhoro si na kwe na ngo dhe. 7 Furi bbai,ni le ni bblo ji,Makedonia ma,Akea mana dhi ngu lu,Yesu u na nru kru dho. 8 O ro nibba ro,bboke Yesu kristu dza lo nya ndi na nga bi ku na nga lu,nga Makedonia ma,Akea ma na dhi ngu kpali lu ri;ni u Ginri na fu lo i ga kru ku na ngalu.Fulo dho dh'i ko ngu ti na ri ro ku nga. 9 Ddidho fu nru ndimaro kodhi lo i tra ngbari bbai ma ko tsu ngue,ngbari bbai ma ni leni ngue ni go ro ji ro ro Ginri na ngana,nika nji nji shinga na di na bbubbu Ginri dho dd'e. 10 Nde nika ve leddu si ranaro ri bb'o dd'e,ndike chu ke ngbe ngue dhe dhe na nru kanaro,Yesu nganga,kechu go ko aluti kasi na thu naro.