¹ Paulo obesangilé mufungo ó Yesu kristo na nduk'oni Timotéo na Filemoni basani na n'kaji mu Yesu kristo. ² Banduku ba ó mukali Apia na Archipo basitu mu numa le Mungunga. ³ Nimo nabânïnga balaka na amani mulina lé Mungunga na Tita ituu yesu kristo mokota. ⁴ Nashukuru Mungunga oni kuchulia malombi n'ongo. ⁵ Mosoo nasimilé mu imani se ulinabadjo mo Mokota Yesu Kristo na misako eongo ulinadjo mu batumishi ba Mungunga. ⁶ Nakokonga uïkokomenye muimani ulinadjo mu Yesu Kristo ni toô sée misako eongo ulina badjo. ⁷ Ni buumo nalonganino na inge misako niongo ukuketa,mosoo kuchulia ongo na banduku ni mitema le batakatifu elika boolu ⁸ Ni bumo nili na imani ko Kristo nili nabuka bo kuketa bepeya bili sawa. ⁹ Nimo mu ilina lé misako éongo ni nakoketea malombi bumo nilibo. ¹⁰ Nakokonga kwa ajili lé mwana nabutilé mukifungo,Onezime. ¹¹ Ambe buumo obesangilé otandi na faida alombena oke na faida kobe na koni. ¹² Namusinga ko umulisidje. ¹³ Nabesanga nkumusaka usie n'ano unchakiye muifasi lebe mosoo nilimufungo lé nkaji lé Mungunga. ¹⁴ Mosoo ntanyilé koketa kepeya bil'ongo mosoo ementi nina keta epasho kupuka ku motema obe; tandi kobuka koni. ¹⁵ Sembe tandjokanilé n'ongo mukubuwa buee moseane milele. ¹⁶ Tandi buli mufungo, lakini mukuu kuli bafungo buli nduku eni na ebe katikati lé imani. ¹⁷ Ambe onilisidje mu bulafiki umulisidjé buli ano. ¹⁸ Ambe okukitilé bubi, na sembe ulina njomii sebe beka bementi mumute oni. ¹⁹ Ano Paulo nakuandikia nakokonga koni, nikubua buee nalipé, na kilo komokonga ituu. ²⁰ Nalisija nduku oni bumo nasea kapeya kobe na motema oni uliké boolu nkati na Yesu Kristo. ²¹ Kuchulia ko eshima kobe nibumo ukaketé bingi kubime nabebuanga. ²² Nimo ntayalishiyé ifasi lékulikaa moso nikije nko kubabeta kuchulia malombi sinu ²³ Epafa musani na kufungu ko Yesu kristo ²⁴ Obasambija Marc,Aristarque,Démas, Luka basani munkaji. ²⁵ Nime neema lé mokota ituu Yesu kristo ilike mumitima inu.