1 Paulo, muisijebo o Kristo Yesu kukomoa ko Munkonga, kuuma babikolo muumpepe koketono ku mongonga belenko kuefeso tono uum'ma bakatija munkati na Kristo Yesu. 2 Mponga sibe kubiru na bububelelo bukotoka ko munkonga isitu na mokota Yesu kristo. 3 Monkonga na tita omu kota tito Yesu kristo uninko bukuchi gee ni otubikile koboko momusa omenti omotema, munkati na bulikelelo bo mwijoo munkati na Kristo. 4 Obesanga chungo ketamaa bumo, otukomole bitu uma bakagya monkati na kristo. Utokoomole bitu buo tukoche kuba bampenea tuube na mibianjongo naane. 5 Mukukomolo kone mokonga otukoma kulinga, kutotonua bole baana bane konjea ya Yesu Kristo okitile umo koketono otalaninilo koketa kinko okianyile. 6 Maapokeo ane kuumo monkonga okucho kumponga bebukuchi sene. keke niotuninkile buabua kunjia ekyelamo keni. 7 Kuumo munkati e kyelamu kyene, tuli nubukuluji kuchuila misii ene, isigililo le mubii. Tuli nala muketono ke ijuma le mponga ene. 8 Okitile eno mponga kuba siinyi ku ketono kitu munkati menye na busibikanyo. 9 Munkunga okitile busikane ku biitu ino gyela lebisile mupango kutukana na nkasa emabalekano muna na Kristo. 10 Nkungu yale ekijile kuku maanya o mupango une, Munkuga uka bibike akuba na kepea kementi ke mu ijuu nake muije ke onche munkati na Kristo. 11 Munkati na Kristo tabesanga takoo molo nkongo ita maakija. babo bobesanga. Kutukana na mupango uno uku keta bepea bamenti kuijelela kukomoa kone. Munkunga kane. 12 Mukunga akitile ommo boa tukoche kubempa kulutalanino bubuhuchu taabesanga bakulinga kuba na kelemanijo munaa Kristo. 13 Boli munjia e Kristo kubuo musingwa ketono ke gyela mukonu moongo loonio lweeto kionjea e Kristo ebesanga munaage buo muukatigya na beko kamenye kilo na motema umeenea ilaano. 14 Motema ni talanino. lentiko ito na ekabe ku soloma ko seekana. besono bili ku huta nuno bo bukucha bone. 15 Kubuo kutukia ku nkungu ino nsingwile ka ketono ke bukatijo bwinu munkati na mukota Yeso na ketono ke kuanya kwinyu uma ba menti ba anjokanibo ku ketono kene. 16 Ntamualekea kusima munkunga ku ketono kwinyu na babana munkati na kukonga konee. 17 Nkukonga buo mukunga o mukuta ita Yesu Kristo, bita obukuchi, ukubaninka biinu motema o meenge, koseya ko keseba kone. 18 Nkukonga buo miso inu a motema Etolochenyi ku binu koseba binu ninki kelemanijio ke kubeekelo kwinu. Nakonga buo musobe ijuna o bukucha bo ntiko bone munkati na uma banfikanine ka ku ketono kene. 19 Nakonga ku buo usebe bukili buchiilia buku bone munaa bitu umo tabukatijia. Buo bukili buli kutukea na kukamba mukamo munkati mo buka bone. 20 Buo ni buka bokitile mukamba munkani na Kristo. Mu mkungu munkunga emachichile mu njenda kutuka mu babuu na kumulikeecha munkati na kuboko kone koina buume munkati na bulikelelo bone bo muijuu. 21 Omu likelechile Kristo ku ijuu bole na bokota bamenti, bwengato bumanti, buuka bumenti, bangati bamenti, na lana ine lina liku teekule, omu likalichile Yesu tani to ku ino nkungu tono ku nkungu ekolo. 22 Munkunga ubeka bepea bementi ku nche kwa matini a Kristo. Okita ge mute antanta a bepea bamenti munkati na kanisa. 23 Bo kanisa ni mubee one, kusililo kone niko kolisja bepea bementi munkati na njea ementi.