¹ Mungunga o kalé Gayo, mupendwa oni na kuanya ndani se ukweli. ² Mupendwa nkuanya uliké na kuba na boongo na bea bamendi, buli uzima sebe ulikele. ³ Nilikile na ndongandonga wakati banduku sebe balulé bakitilé mukita bashuanda bulimubo, bumo ukutamua ndani le ukweli. ⁴ Ntalonganino na kusima buee baana bani bekutamua ndani le ukweli. ⁵ Mupendwa biime ukubikita mu banduku na beeni. ⁶ Biime bilina ushuhuda mu boongo sebe, mbele se numa le Mungunga, na ukita boongo kubasindikiza mu boongo bo Mungunga. ⁷ Nimo kuilina le Yesu Kristo badjilé kutani kosea kepea mu bapagani. ⁸ Tapashwa lino kosekela bibano buume tube nabo mu nkazi le ukweli. ⁹ Nandikilé ketono mu numa le Mungunga, lakini Diotrefa obesengilé mia mwima otanyilé kutupokea. ¹⁰ Nibuumo ambe nkuanya kubasea lakini nkabukumbushé inge mibako se mendi na kolengena ku bi utukitilé, ta bililo na buumo, na utani opekea itu banduku, na bime bikwanya ku bukite utanyilé bisingie mu numa le Mungunga. ¹¹ Wapendwa kilo kukita bubi, lakini beongo ongo ukite beongo uli ó Mungunga na ambe ukite bubi uli ó shetani. ¹² Bili ukweli, bekete bushuuda be Demetria, na biitu tamukitia bushuuda na ukuseba bushuuda buitu buli ukweli. ¹³ Nabesangilé na bepea biingi be kukuandikia lakini ntani na biketa na kalamu. ¹⁴ Nkwanya ku kusea muano matu, na tolengeniné kano ko kano. ¹⁵ Amani ibe naongo, basani bakusalimia, na ubukité ku bamendi.