¹ Nalapa mbele le Mungunga na Yesu kristo,opasho kuukum bea be kulé na bili muchungu,mu ilina le kulo na le ufalme. ² uli buli mokoonu bue kuli butu, mu mafundisho. ³ Mosoo kuli butu bea betani banya misako, mosoo, bili na tumaini le kubikidja bepea be maana, Kila Mungunga upasho kulo na mabekanyo leni. ⁴ Bime bea be kululé na mataa na kuanya ba mukali. ⁵ Lakini ongo, ube na mutema oku vumulia mateso, lakini kita boongo uduma sebe. ⁶ Onso ano kwe na koni kolo. ⁷ Nakita bita biongo, na maa lueno, na nabika imani leeni. ⁸ Mosoo kakumbu ka ufalme ekunilina, Mukota, juge mukamilifu okaninge bumo butu, ekabe mu ano gesine, lakini kobea beka mutumainie. ⁹ Lwa obio kooni. ¹⁰ Mosoo, Demasi onsile mukuanya na odjire ku obungulé Tesalonika, Kelesansi odjire mubungulé Bagalatia, na Tito obungulé ba Dalmatia. ¹¹ Luka gesine olinano, tunwa Maliko mulwe na ge, mosoo olina faida uduma se eni. ¹² Naa sinyilé Tishike mubungulé Efeze. ¹³ Bumo butu ukaloo, nuulie na ndulu seeni na siliee na Toloasi ko Kalipisi, na bitabu. ¹⁴ Alexandele, fundi lé biuma, onkitilé bubi biinyi. Mukota uka mu swidje kuchwa misako eeni. ¹⁵ Kilo ku mukendjela mosoo otanile betono biitu. ¹⁶ Buumo butu nabesangilé mo betono, alakini, ata mwima ku binu, obesangilé binu bamendi musilé kwa matana, alakini biime betono bita ni beebo. ¹⁸ Mukota mebalikia mubiime bemendi nkubi kita, na onchicha mu biime bemendi ni siinye k'o kalaga. Kalaga umo balikie mu biime bemendi ukubi kiita muilina le Mungunga. Amen. ¹⁹ Nakusambidja ongo ngba na omukali Pilisika na Akilasi, na banduku bamendi ba Onezifole. ²⁰ Elasitu osile ku Kolite na namusile Tolofime na losamo ku Milé. ²¹ Ni nimubwe olo ambe mulemaa. Ebulusu na Pudensi na Linusi na Kolodia e banduku bamendi bako samidja. ²² Na Mukota ube naongo bemendi kubikita, na inge neema ibe na bino bamendi.