¹ Ngaa beno ngodi,banadyi,kabika a Mokota ndeasu Yesu kilisto. na dondana moteke. ² Boko be mono na ma fazaiko ka kanisianu,boko tangale ka meema, ka nyongo,ao ka dundua,saa bundo atoki motenu,ka gea esa a Mokota adjo kidi. ³ Nkpa kano demege mono kapfe bubui, ka nyongonde esa ndo ka bika ande,ila djakema n'do atua mosa,na nkpa ndo bamaasi ao bukukana,miki ba djede. ⁴ Nkpa nde ana mazoezo na enyomisa sasake akema bubui baopfana Mokonga ao ka obebo,na ika subendu na Mokonga epfangie dje sasake ande Mokonga. ⁵ Boko okanisia wakati nde betu na benu, netu no ngodi benu nyongonde. ⁶ Na ka mbeno buuba kema nde ano pfenisi,apate funuliwa ka mbino ndeake. ⁷ Ka nyongonde osomeo ndea nyongo a Mokonga,lakini dye ambe alimisia ande npaka saa nde atokisa ande. ⁸ Saando n'tua ndea nyongo a Mokonga aukoka ande,wando unde Mokota Yesu adjongaande ka pfenoko ake sasake,na angamiza lake ka pfenoko ake sasake. ⁹ Bika kambo anadya(uwasi)nyongo a Mokonga ande mufano agea nketi na bodje dhe bubui,na alama a maajabu a mbea. ¹⁰ Na demaga bubui ndea ozalimu ka bunde ba bungigi,ka nyongo nde da ba ka pokei kondana ka dhoo bapate bodjeme. ¹¹ Na ka nyongo nde,Mokonga ebikisii bokpekpe a bungaga,na belekeye mbeya. ¹² M'be epfangisi apfe adjede bate ukumu, na bunde baobelekea mbea. ¹³ Ngaa bepashu sukulua Mokonga esa bubui ka nyongua anu,bana dyi benu Mokonga ano ngodhi,kanyongo nde Mokonga dha nosombu benu tangia mosa. bopate utakaso amema,na belekea ndo. ¹⁴ Ka nyongo ndo ato nofpani benu kalaba ndeasu,na kaopfa anu obebo a Mokota ndeanu Yesu kilisto. ¹⁵ Sungia,munadji,mamani ka pfe,bedhani mafundisho bano pfangisie,ao kalaba, ao ka dundua ndeasu. ¹⁶ Na Mokota ndeasu Yesu kilisto sasake, na Mokonga abasu aso ngodhi asopfande besu faraja esa bubui na sebelea andja subia neema. ¹⁷ Abise mema pfele na mesa lake ka kila kema nde ogea ka bondja na kila laba.