¹ Bo ubi sasanu,kidiasu motenu kadu kema echichi; ² Mbusa tekisa ke Filipo bitaindo boubi,debe bedi bokpekpe ka Mokonga, ka ngodeanu nyongondea Ababisa kemani asi. ³ Nyongo ndeasu kade mbemoo kambea, nakanyongwa djede na kuba. ⁴ Kanyongo nde Mokonga da sopfi mbino na nyongo nde beodjonga kaambe mono kekondi a ba kpa,anduu k'ekondi a Mokonga mbe aokengisia ba kpa. ⁵ N'na boabi nde debedjongi a odemo , bitainde boobi;n'na kemande de beobea, Mokonga aubi. ⁶ De bekekondi kageae ba kpa basobebe,ka benu na ka bunde,bedu otoka djuana ka bo kpekpe bea b'Apostolo ndea Kilisto. ⁷ De betumi na opfongo subianu,bitaindo mbokoti ana banikiake; ⁸ Bedokondi kekondi ndesu kabenu n'na kaopfanu nyongo ndea Mokonga,anduu opfanu nyamaasu,nga benokondi; ⁹ Kanisiani, baya,n'kase ndesu;esa bubui na kiipfa na somani,bekebe mbemoo batua memaga, bedo notomi nyongo ndea Mokonga. ¹⁰ Bonde babekei,na Mokonga sasake kemande amotenu bakpa babekee etambi anja. ¹¹ Boubi kagea ende bedu motenu bitainde abe ana benake. ¹² Denge-denge, tambani bitaindo Mokonga akondi,mbe anopfani kabokota ndeke na bondjandja ndeke. ¹³ Bembebi Mokonga kanyongo aboabi ndeke,nde do booki kabesu,dobone,n'na kanyongondea nkpa. ¹⁴ Ngaa benu,badja,boeto ba goiki ndea kanisa ndea subia Yudea,nga benu pfandeto badani dabano pfangi kema akpe bitaindo datoki motea ba Yuda. ¹⁵ Ba Yuda ndo dabamwe mokota Yesu na bateki ndea ke,bunde da baso onesi kima kpe, Mokonga k'ekonde mono,bunde bande ba abibia aba kpa. ¹⁶ Baka kondi bengonde ba kpa ka nyongonde ba amaende,buna odeketa bisa akema kabodjede ndeabo. ¹⁷ Kabesu,badja,mbeno nde debedeketani nabenu,kanyama n'na kamema bedokondi beno one. ¹⁸ Nabekondi begee motenu, eme Polo,mara imochi na mara ibe;nketi aoso imisia. ¹⁹ Animbe,ande,bodjeme nde esu na kuku ndesu abodjedje n'na benu, mosa a Mokota Yesu,esa ndeke. ²⁰ Domi, bonde bondjandja nesu na bodjedje ndesu.