Kigajo 6

1 Ebana, musimbahe ababusi binyu, kukulikirana na nahano, mukuba yibyo biryukuli. 2 Usimbahe yisho na nyoko (guli mughango gwa mbere haguma ne ndagano), 3 Kugira kwo ube muhiirwa na uramba bwenen mukihugo. 4 Na ninyu, babusi, mutayagaze abana binyu, si haliko mubalere nokubahanuula no'kubayigiriza ku kulikirana na nahano. 5 Ebakozi, musimbahe a bigiriza biinyu kukulikirana na magala, ne'kyooba no musisi, mubutuudu bwo'mutima gwage, nga kirisito, 6 Hatanabe naaho mu masu gaabo, nga kusimisa abaandi, haliko nga bakozi ba kirisito, aba mukola no'mutima gwo'bulooze bwa Rurema. 7 Mumukolere no'mwete, nga'kwo nahano amukola haliko batali baandu. 8 Kumenya kwo'ngiisi muguma, abe muja, aabe muhanguule, agahembwa na nahano kukulikirana na mija akakola. 9 Naninyu, ebigiriza, mubakolere byebyo byebyo, na muyilange na'magezibwa, kumenya kwo mwigiriza wabo no'we'mwinyu alimwigulu, ne'malanga gage dabyo ibiyemirwi na baandu. 10 Ahasigiri, musikame mu nahano, na kubukalage bwage. 11 Mukizi yambala ibilwaniso bwoshi bya Rurema, gira lyo mulonga ukuhangana no'buhenderezi bwa kisigo. 12 Mukuba tutagweti bwo'kuhangirira amagala no'muko, si tuli mu ligiraga ne'mizimu ya mu kyanyanya. kuli kudeta abatwali, na'banabushobozi, na'bana misi kwo'bakoli twaziri kino kihugo kyekihulu. 13 Kyo'kitumiri, muyabiire mbundusi za Rurema, halinde musikame mubenyerere bikayu, no'kusikama hanyuma lyokuhima ngisi kindu. 14 Musikame: mugire ukuli ngo'mushana kwo'kuli kwinyu; muyambale isiribo irikwanini; 15 Munakizi gira umwete gwo'kugenda mugamenyeesa abandu imyazi mija yo'mutula! gukizi ba byo biraato ku magulu giinyu. 16 Nakwakundi, mukizi ba no'bwemeere! mukizi bukolesa nga siribo yo'kushuuta mwe'myambi yo'muliro yo'lya mubi namugomora. 17 Munakizi kania ubukize bwinyu! Bukizi ba yo ngofera ye'kyuma ku matwe giinyu. Munakizi kania ni'gambo lya Rurema! mukuba, igambo lyage yo ngooti yo mutima mweru. 18 Mukizi yamaga muli muhuna Rurema mukati ko'mutima mweru, mukukoleesa amahuno ga kwingi-kwingi! muyihangaane mu kulaliira, iri munahunira a'berusibwa booshi. 19 Muna mbunire, halinde nika haabwe amagaambo go nanga menyesa mwe'myazi mija, kundi ishuba mu bumbisha, ee! ndongage ukukizi gadeta ku bukaruuke, 20 Iyo myazi mija, ndi ndumwa yago, inali yo itumiri ngoli shwesirwi. kwokwo, mukizi mbuniraga imwage, gire ngizi gimenyeesa mu bandu ku bukaruuke, ngakwo bigwanini. 21 Halinde na ninyu, mu menye ibibaloziri, byo nimukola, TIKIKE, mwenewitu mukundwa na mwemeezi mugingi (mukozi) mukati ka nahano, alibamenyese bwooshi. 22 Namutuma duba duba munda muli, halinde muka sobanukirwe kwo tuyigweti, na halinde aholeze imitima yinyu. 23 Mutula no'rukundo kuguma no'bwemeere kushaga imwa Data Rurema na nahano Yesu Kirisito biibe imwa bene witu! 24 Ulukogo luhabwe ku booshi abamusima nahano Yesu Kirisito witu ku rukundo.