¹ Ekawe ango mene, lengena mendi ya ilongo na ya liti. ² Lengena na wagbeka wawe mofano, ilongo mo kokola mo imani, kosamana koingbana chombo. ³ Owaowe wa mokali wagbeka waike koongo mo ome lawo n'go la bengana na kokola, mea akoambaana, mea akomamau; aike mea iyano a liti. ⁴ M'bo mendi yakowa baesa wango kowa sama bome wao na wana. ⁵ koika monumba, aingbele, atenge mekambo ya numba, ilongo na koikilikanisa na mome ande mendi ate mendi ya Mbali yataondi. ⁶ Kowa n'ka iyano na wa boya. ⁷ Nakoibaisa matuati mendi akokola nako wan'ka iyano la kokola. ⁸ Mendi yakokola, oika mea m'pena koeta mendi yawe la kokola wataiki na mendi yako lengena mo wito. ⁹ Owabaese wabaesi wangea ya Mbali waikilikanise ka wakota wao, nakosamisa naweena eti nango mendi watakoila. ¹⁰ oyai mo cheenga ombo oibaise koimanakawe, mendiate aike mea koikilikanisa koisa sifa mo ngea Mbali mongbeli ito. ¹¹ Shombo cha Mbali ampanja yawe aeti lasekane ¹² yatobaesa koila obaya na tamaa a chese, na koisa mo wakati wa lofena kobengana hekima, koisa na chombo. ¹³ mokolendea osebeleo, seekana la okpala la Mbali na moondisi ito yesu klistu. ¹⁴ Mea aiyokoile be mene mendi ito, mokotookoa mo obaya, na kotuluka kabila kande, asoeka nande na wea wa okpala mo mekambo ya kokola. ¹⁵ Lengena weno weena, n'kaiyano, ka balangeka na okpala liti. mea atakonyenyi.