¹ Polo, mea a Mbali, ka abongolo a yesu klistu ko weya Mbali awataambea na koyewa ukweli kobengana na koitolea kande omendi ya Mbali. ² Weya waika mokosebelea ome la nango kotungeya, mbo Mbali alakile tangiyo kale, be atakokesanga. ³ Na mea aokoa kolengena, kolengena kande mo wakati wande mo iyo ampile mo okpala la Mbali mea atongbela. ⁴ Ka tito, mana na mobota mo chetoo cha moti, chombo na fio Mbali akonke, ise yesu klistu mea atakongbela. ⁵ Nakosile KRETE mokompangea mokambo asile, mbo kae, kobengana na kamakani, okoweba wagbeka mokila owongo. ⁶ Mba osanga chingbengbe mo owongo, lakini aika na mokali amoti, na wana wa wa n'tuto, nango mendi motomelali ya malembiya, wametato. ⁷ Mendi ate mogbeka ataikile mea akaino, mba mangbelea welinge a Mbali, ataiki mea ako ilengenea, wala osongo, wala momuli amau, wala mobango, wala moibi. ⁸ Alakini asame mea oti, n'samba ya weya wa weena mea yakotama nango upendelevu nango kaino. ⁹ Kokpakpana na mendi ya liti namuna ya lengeneka, mea a iyano kobengana na asili, na koleka m'paa. ¹⁰ Taika, mokobenga, hasa monkati na wekombe, wea wainge wa obango, mendi ya omaya ata wakesi. ¹¹ Mo mbo weya, tatea kama. wakoliminisa wewanda motondo, kobaesa faida a nkene atawezenile kobaesa. ¹² Amoti n'kati nawo, mosea mpanja a wowene, aowate wino wea wa KRETE na omaya, wa bango, nyama ya mose, mesolo yawakoi. ¹³ Nko kabebo kaika liti. ngo embo kaanji bokeboke kapate koiya mo chetoo. ¹⁴ Watabengani na m'paa ya wa Yuda na ngea ngea ya weya yakowiseka ukweli. ¹⁵ Eti ya kale koweya wakokola, alakini nango cheena cha kola mo weya wa osolo nakoileka, akili awo na mawazo awo aoneka. ¹⁶ Wakotomekea koyowa Mbali, alakini wakokeakea o mekambo yawo, waikocha nkene, wabango, nango mokambo amoti akokola.