¹ Paulo, nakandeka na maokoya yesu klistu mana ise ( mana n'na) ya Timote, na Filemono, wana wa ise engo toikanande mokoeta ono mendi, ² Ka motamba Apphia, na Archipe meyaengo toika nande mokokpaneya ono mendi na nyumba ya Mbali ingo aika mo nyuma awe, ³ Chombo cha fiyo engo wanon'ka ya Mbali ise ito na yesu klisto. ⁴ Nasumbukani sanga wengo eti ka Mbali mongea ya kokonga. ⁵ Mendi naingba, chetoo engo ya yesu ya chombo: moyewa eti ya kokola chetoo. ⁶ Namokongile ate ango mochetoo ngo okoiika na okpala ka klistu mendi toyowe itowati mendi ya ilongo. ⁷ Naika mokonyekuma mokamakani, mo mendi ya chombo yawe. mendi kawe mana ise chetoo ya weya ya chetoo ilongo akilikana. ⁸ Ngo engo naikaka klistu na engo na kosama koetana, nakoeta engo Mbali asama, ⁹ Kokoetana chombo ngonakokonga, na mendi ano Paul mogbega na mokandeki ya yesu klistu. ¹⁰ Nakokonga mana ani, jumana na Mbali ya onesime. ¹¹ Moofe akosanga alakini mendi ya ilongo aika kowe na kani. ¹² Nakotoma mo aenayani. ¹³ Naika na kulu ko atakani mendi aete aena ango oeta mowakati engo nakoika momo kambo ya Mbali. ¹⁴ Molofena ntasamile ko etabila kokoweya mendi ilongo engo okoeta akengo bila kokofeney, ao kengo mo chetooyawemene. ¹⁵ Lofena tokobalengena mendi toyome. ¹⁶ Atoikile mbameya wa mokambo, kiyo namea ya mokambo mbamanawa ise mendi ya mowena Mbali. ¹⁷ Mba aika na n'zambi awe omoseemba ano. ¹⁸ Mba oeta obaya, mba okosama kaena yakakani. ¹⁹ ano Polo nakokomea mana oko yano mene, nakokonka mendi onokolengena angomene ngo onieteange. ²⁰ nayakowa mana ise nakoyka kawe maana ka Mbali, kilikanicha chetoo ka klistu ²¹ Kotenga koikilikanisa yawe ngo na kokamea oyowe ate okoeta yako undaengona komboa. ²² Moona wakati okome aena ilengo engo nakojumana nawe ka chetoo ate kana okpala yakokonga. ²³ Epaphras, monakaniya ende to ika omaoko ya yesu klistu. ²⁴ Nanosesea na Marko, Aristark, Demas, Luka wana kaniya endo. ²⁵ Chomo, ya Mbali, yesu klistuaike mo che too.