¹ Ngbeku, ka Kiriya, ndhondikani na ka bhaniki bhaki, indo nibhugonzi subha dumbi, na ka imi kakani we indo nibhugonzi, batu mbuleni bholi bhase indo bhaibi dumbi, ² Nanga dumbi indo a subhasu indo atombasu chanda chanda: ³ Nkisa dwa wa Mbali Baba na kikabhu na mulembe anidolye , subha dumbi na bhugonzani. ⁴ Nihimbi ka bhaniki bhako indo bhamahungu subha dumbi, tombana na moli a Mbali. ⁵ Na manyone kima indo nimakungako uwe Kiria, kanga kwa moli anzongwe pani, batu indo kizori dwa ka tekeyane, ni koe kigonzane bhesu na bhesu. ⁶ Na bhugonzani ni hungu tombana na moli awaki. Ni lando moli indo bhulika hungu subheli tawa indo bhanitandishi dwa ka teketane. ⁷ Nangesi bhagusi bhabhuhu gboka bhangili ka butaka, bholi indo bhangani dumba koe Yezu Kristu abiki na nbgulu laki.Layeye indo a bhindo ni ngusi bhabhuhu na Nsanisi Kristu. ⁸ Kengani kenge nanga bhukubhungiseni pa mbuka muli aka mukoro awanu, batu nanga bhuzore mpera akihika. ⁹ Layeye indo ayidhanga na kadhukani pa subha tandisha a Kristu kana Mbali we; layeye indo adhukani subha tandisha lando amuna Baba na Miki mbuleni. ¹⁰ Kabhe ngo mbuhu abiki kulyanu kanga tandishasi lando, bhukumuyakireni pa ka ndabho awanu na bhukumu ramucheni pa. ¹¹ nangesi mbuhu indo amuramuchiyo angili mbuleni subha kizana awaki. ¹² Nango niyabhi na kima gboka aka kechanu, nikiyagonzi kore na kasa na libho akakeche pa; nina tatanya la duamu wanu, na tolynu gani noko ka noko, nanga muhimbo awasu ahike ka mambasi. ¹³ Bhaniki bhandhondikani, namako lansika, bhakuramuchi.