¹ Wa gala, Akyria, mogendja obho wa hoo ibho pe gbongi ba nde bhabho bhapai mbi tei ya menemene, pe etike oko mbi mbuki obhapai, kasi basusu bhabho bha djei menemene. ² Akuli ya menemene ebhe eke tei yaasu, pe bhubho bho adhaa naasu dhibhela. ³ Bho ngolu, iwa pe bhogo bhodhaa naanu bho djonga pambe ya Akongo Yaa pe bhodjonga pambe ya Yesu Klistu mongbongi wa Yaa tei ya menemene pe bholingo. ⁵ Bhidhiebhe nii yongi , a Kyria, todhile mobeko monyie kasi mobeko mubho mwa dhisa iso a etange mobho mwa pala iso bha moti na bha kina. ⁶ Mopalano eke bhosomba a bhokopo ma mibeko habhwa mobeko mwa somba iso teiyana, bhokopo mwa oka ino a etange. ⁸ Abhanea we meene, akulia bho oedjange embuma ya mosaa mawe, kasi embano ekokake. ⁹ Mosusu obho ake bhohadi pe atike tei ya eeneddjedhi ya Klistu, atike na Akongo, obho ake tei ya eenedjedhi ake na Yaa pe na mongbongi. ¹⁰ Mogendja akadhoa pamba ya we a dhaiiti tei ya eenedjedhi, tomoyambe tei ya eise ya we pe tomonyee agbaya. ¹¹ Bhoo obho aamonyea agbaya! Iyo pe aingei tei ya misaa mandee mibehu. ¹² Nako ndenge eadha mbi na ngando nene abhoodhila niapaati bhodjidhila dhiko dha ekasi na modhilo, kasi ni dhoo pambeanu bho niibhukeeni na monoko a kuli bho mosepi masu modhaa mongemeneke. ¹³ Ngbongi ba ngianawe obho wahoo ibho bhaanyei agbaya.