1

1 Paulo, mokobe, imbe ndaga nde mabato, na ndagande maonto, che ande ma Yeso Klisito bana Mokonga abhaasu, imbe aya djudjui toa la baku, 2 na benu badhami benu nde boneme, na kisomo nda Galatia: 3 Na lokoo na bodjedje banohe inde anga Mokonga Abhaasu na anga Mokama Yeso Klisito, 4 imbe ayaegabhi iyemene ngaa budjede ndasu, ngaa asolamise nainda ndiende elemo nda djede, sinda akondi nee Mokonga Abhaasu. 5 Na abeae ebhebho esali bhuu na esali bhuu. Abebo. 6 Eme nesoeki sinda benu bootii nee ndia angambe ai anokogi na lokoo inda Klisito, ngaa boenekaei ambino abudjedeme angboo. 7 Ndaga nde mbino abhudjede angboo, che babe bato nde baudjisi maako laanu, na bakondi te batie mbino abudjeme inda Klisito. 8 Che, ndambinde besu bamene, ndambinde Mangese imbe maana Kobha nanotamiia mbino abudjeme angaboo na ndaga nde besu bei beno golisi, na abeboanyaae! 9 Bei bekamanigi beyonga, na nesiliago andambnde: Abe na nde ento naano tomili mbino abudjeme atoo nandaga nde boibobeisi angasu, na abebooa nyamaae! 10 Na ndambi nde, na ande kondele la la batoli inde eme neesosii, nenge inda Mokonga? nande inde eme nekaba nde djemisa la bato? Impa eme nedjemise go bato, eme ndagainga nedjago mokobe nde ma Klisito. 11 Eme noono ngodea, badhami, sinda mbino abudjeme indo neimeno nono ngodei indo ndagai sinda kin'to. 12 Ngaama eme inde nenee ndagai ne beisi ndaga ne goli anga n'to, che nande booukuaninda Yeso klisito. 13 Boi boiki, impa, sindande aibe a ndambi moti mechee ami inda kalaa asuba Kisomo inda ba Bayuda, sindande eme ayanenobisi mateisila na udjisa Kisomo inda Mokonga, 14 Nasinda eme neine mosa kpee asuba Kisomo nda Kiyuda nyenyi baati bande bai bamotisi elie la boteana amaa ndamo, aine koli kalami bhuu djala na kacholo kpee a bhedela miibhe inda ba ebha. 15 Che, sinda amati kpee angambe aimeno amogesi a suba soa a ema, na abayamokoga alokoo inde. 16 Impa abahangiana nae asubami, ngaa eme a netomie a meea bande badjede, ngelindo, eme ndagai ne kengetisi mengiila loota na imbe mangobho na imbe mansangi, 17 na eme ndagai meno netalii naa Yelusalema kubhinde bande bai bantetea mosa lami, che eme negee indamo na Arabia. Impa abanesianago Damasiki. 18 Kelemo isaalo nateisila, eme aine taali na Yelusalema ngaa nekole angae ubhianana na eme negobe elie moko na itano. 19 Che eme ndagai ne nengiwe adha mangboo Nttetea, nanda nde Yakobo,dhae na Mokamali Yeso Klisito. 20 auba indo aineno saeli, bolenge, Mosa la Mokonga, eme ndaga ne yongi mbea. 21 ainegee tambusa kubhinda suria na Kilikia. 22 Impo, eme ndagai neubhianani a endondo ama Kanisa nda Bayuda inda asuba Klisito. 23 Nengebo,bai baoki kpee: imbo a ndmbili bhuu aya sonobisa atomii ndeendie lebea imbe ayae kandia na udjisali kala. na aiba bhebhi Mokonga a yonga lami.