1 Bobeye nde bakengeligi a telelasi, sinda bani banja, 2 na bootoke asube kondi sinda Klisto, imbe ai asokondim na imbe ai aehaholi ango Mokonga angaasu sinda boembo naa sinda ema anya inde alolia. 3 Amekanga eteti ao bodjedem ao bochweka, abe ameeme anu, sinde atoleli anga batakatidu babhu. 4 Baokai ameemeanu yongala mbea, ndege yongala bochweka, ndege yongala etenyiu yongo nde bhuu ndaga atonganani; impa baoke anganu goe nde yonga la lakogho. 5 Angaa, boubhe hele, sinde ndaga abeli teli moti, ao inte madjede, ao imochzeka, ande te, impe asikisa bamokumo, imbe inda na maando asuba baomenda Klisto na Mokonga. 6 Abaibe into nde ano dhema na yonga aboobo, anga linda boetani nda Mokonga abhia anga bato nde baebui naye (banyongo nde ba nkonga). Bodhadea i nabo yonga. 8 Mosa bande elie, impa ndiende bonde bobhu asuba mokama, botambe sinda bania bobhu. 9 Angaama ema nde atoa abobhu ande lokogho, ande tonganana na domi. 10 Bolenge inde aanja aiso mokama. 11 Na b'odhedai ekoli adjede inde asubelie, che bokalee yopnga nde. 12 Angee ande soni yongala undi bakola aboosomani. 13 Ebe, inde bobhuliahangiani basai kala, angaa inde aubhianani ande abobhu. 14 Angali ndo: odjudjue, owe imbe ole, pome toala niaeeme a bande baku, na Klisto ano hangie bobhu. 15 Bolenge hele na bootongananise, amakanga sinda banjonjo ce sinda bato nde bana maako anja; 16 Boubhe elieli, anga elinde ndaganja. 17 angali ndo bodjai babhobho che boubhe inde mokamali akaba. 18 Bokundai makana, ande bodgede, che botume na kala meema dhabu. 19 Bolembe lembo na Mokonga, bolembe lembo anja, na alenbo a mema ahabhu, na bolemba na bobhebha asuba meemanu bonja inda Mokonga, 20 Bonsime Mokonga Abhasu esalibhu na ema libhu, aina Mokama nde masu Yeso Klisto. 21 Na boogegisa yeli anga dhae asuba sikisa la Kilisito. 22 Benu bake, boosikise banyanu, sindanga Mokonga nde maseu, 23 Angaa mooli ande amena anduli, sinde Klisto ande amena kanisa, inde ande ngobhoae, na iye yeu ande namisi. 24 Impa, sinde kanisali ande anjaga Klisto, bakeli nibo baesikise bamubyabo aemali bhuu. 25 Benu baboo, bookonde bake benu, sinde Klisto akondi knisa na ai achaholi iye nganga angaa kanisa, 26 anga alolie teisila la yonga ndae, tambusa abhumisala kanisa teisila ndhiisa asubibo, 27 inde ainse akidise, amakanga na budjede neede, ao boso, ao emande akingi indo, che kanisa abhu na inde alengeanani hele. 28 Angindo benu baboo bookonde bake banu sinde yeli akonda na ngombhoae iye nganga. 29 Anga indabe nto nde akoma nkekeae iye mene, che alisa ngobho ae na asua ngombho ae, sinde Klisto akola ne anga kanisa, 30 ange bende ndeli ndelo anghobho ae. 31 Angoa indo moo auma adona abhae na amae, na ama adjuana na nkaem na bande babale ama badja ngobho imoti. 32 Mobili amati, neyongi nde angaa Klisto na kanisa. 33 Asungila, kil moo akondi nkae sinde aekondi asikise munyae.