1 Dhinga te Yezu eko ete fe ta, logo o kpara engbo fatanga ngi. 2 Kpara bili na gbolè edo te ye ede engi egbukuma, efá : Ngamá, te mole no, kowo ma. 3 Te Yezu eya o kpa ye fengi, efá : male i, de mo kowo.Tiane engi kowo de gbolè kaye. 4 Sidinganga Yezu efa fengi ba : lila te mo fa fe kpara de; neke no sudha te mo fe o izoro ngbi, de mo sule mafo kamo bakana Mosa no yete ete, ba o kpara tsia de o le di na. 5 Bakana Yezu ele tete go Kafaranauma, ngama ka o soda eya lo ngo d'engi, 6 Eku te ye fengi efa : Ngama, moro kitima kara d'eko, emele engi de maze, engi te gala. 7 Yezu efa fengi : maneke ga te makowo ga engi. 8 Ngama ka o soda no edu : Ngama, ma de kpara ba mole go te ma de, fa be li mo bili, moro kitima kara ya kowo. 9 So made o ngbengbe ngama, made o soda esa makpama kama; mate fa fe bili ba : neke, te engi neke; fe gara : nono te engi no; fe moro kitima kama : mele bana! te engi mele anga. 10 Sidinga na dje engi, Yesu embambanga, te eya fa fe o kpara ongbo fatanga wo : go ngbilingo ma fe yi, tangbo go Izraele be matsiana kpara na male bakana engi de. 11 So, mate fa fe yi ba libi o kpara no ga de ndjongu de ekati, te ongbo ga fe meza de Abarama, Izaka de Yakobo, go Gongama na kpe. 12 Ta ogbo ga o enga gongama no go mbili biti ekilidjo, go da seke na ku gba de na zo te. 13 Sidingana Yezu eya fa fe ngama ko soda no : Neneke, de amele teye fe mo bakana male kamo. Be go dinga no, moro kitima kaye eya kowo. 14 Yezu eya neke gote ka Petero, eya tsia gili he worose de tsuru kote. 15 Eya tana kpa ye te engi; eya eme te ye, te eya mele kitima fe engi. 16 Etambulago, obé fe Yezu libi o kpara na gbongwa. Eyá like o yémè be de li engi, té eya to na kowo o moro ko nde, 17 Ba amele te e bakana efa profeta Izaya : Engi za o maze kani, te engi ya be o ko kani. 18 Yezu, na'tsia o kpara nodjo ede ngi, eya tò makpamá na'kolo engú. 19 I'ètè ngó bili énó ede engi, efā fengi : Isuda, matō na' fatanga mo gó oseké ndē mòtò nānéké di. 20 Yezu du fengi bā : ô lombo ó da séké na wo te ó, ô lu na'étikpé dili de té wó. Enga kpara na e de séké na ō ndjoē tētē mámá. 21 Gara bili, esuga o mava éfá : Ngámá, tse fele dhinga naneké nose wora. 22 Engó bili tā Yezu du fengi bā : fata ngama, de motsè o kpara kpikpi no zé ó kpi ka wo. 23 Ingi lé go zabo, té omavangi fata ngangi. 24 Sidingá ná, gifi enó fé ngu, ebuka fé zabo. Yezu ngbo nae là. 25 O mava'nó edengi, ozoko ngi, ofa : Ngámá, kowò a , atékpi. 26 Yezu fa fe wó, ikpè nè, okpara na malè tenè? Eya etikpé, endjandja fe wavio de engu, té séké eya gbo babi. 27 Okpara no oto na to guma wó bā : no deda, de wavio, de engu té djè ngi? 28 Go dhinga té Ingi kolo engu, gba o ingbo Gadarania, omoro gbongwa bhochu, okoto go mógó, ono Sidingángi. Ongbo ndjandja, té okpara ngbò kpe nà gulu so. 29 Té owanga bā : ade nengó nè esugani de mo, Enga Emè? Mono tā nositi guma à egilanó bā? 30 Libi o fame ngbò gulu ngengelè de wó. 31 O gbongwa oku té wo fe Yezu, nāfā : té molike a, tima a go libi o fame. 32 Eya fa fe wó : ineneké. Té okoto, té olé go o fame. Sidingángá no libi no okpè de worò oté gó ngu okpi bā ndē. 33 O itsi fame nò oté de worò mbi go gbatá té ofa ongó ndè inogulu de no inokokoto de o moró gbongwa no. 34 Té o ingbo gbatá no ndè okoto nomaka Yezu. Go dhinga té otsia ngi étè, oku té wo fengi bā engi kokoto gba wó.