1 Firman TUHAN sa hawi ga mika,ulun Moresyet,ta zaman pamarintahan Yotam,Ahas, di Hizkia,raja-raja Yehuda, sa ngini manganai Samaria di Yerusalem. 2 Rengeilah, hai bangsa-bangsa! Naparhatilah, bumi di sagala isi e! Elahlah Tuhan Allah matjari saksi tahadapnu, Tuhan neke Bait-E sa kudus. 3 Satuu e,Tuhan hawi neke uneng-E, di minau narah ta entu bukit pengorbanan ta bumi. 4 Gunung-gunung leleh ta leba-E, lapeh-lapeh patuhi sameh lilin ta hadap apui, sameh ranu pawawak neke iring. 5 Kaluhan hio tarjadi ulah palanggaran Yakub di ulah dosa kaum Israel. Samaria, Panyebab Dosa Inunkah palanggaran Yakub hio? Bakoikah hio Samaria? Awekah bukit pangorbanan Yehuda hio? Bakoikah hio Yerusalem? 6 Ulah hio,Aku mat ngulah Samaria matjari timbunan le,e ta padang, matjari uneng Pamule kabun anggur. Aku mat nuang watu-watue ga lapeh, di mat nguka kapit-kapite. 7 Kaluhan patunge mat nahancurkan, kaluhan upa sundale mat natutung, di kaluhan berhalae mat Kuhancurkan. Ulah, kaluhane hio nakumpulkan neke upa sundale hampe kaluhan hio mat waleng matjari upa sundal. Hanangatei Mikha 8 Ulah hal ina lah, aku mat bakeluhan kesah di meratap, aku mat takia tanpa sandal di mapoloi. Aku mat meratap di melolong sameh serigala, di berkabung sameh nakia-nakia wurung unta. 9 Ulah batan e bakoi kahaba nasembuhkan, haot malansar ta Yehuda, hampe ta pintu gerbang bangsaku, ta Yerusalem! 10 Ada ngaun kabatr ta Gat, ada sekali-kali manangis! Lebih maeh baguling huang debu ta Bet-Le-Afra! 11 Takialah, hai panduduk Safir, pahengau mapoloi di mangan. Panduduk Zanaan bakoi ehei balua. Tangis panduduk Bet-Haezel nahalangnu mat mindri. 2 Ulah panduduk Morat baharap ngandrei kaadaan maeh. Ulah sabab hio,malapataka mat minau neke TUHAN hampe ga manawang gerbang Yerusalem. 13 Pasang bo kereta ta kuda-kuda teji kuda-kuda teji, hai penduduk Lakhis! Aye mamulai dosa ga putri Sion ulah ga hanyu lah naan pelanggaran- pelanggaran Israel. 14 Ulah hio, maeh lah na ami hadiah perpisahan ga Moresyet-Gat. Lewu-lewu Akhzib mat jari oso ga raja-raja Israel. 15 Aku mat mendatangkan penakluk ga hanyu, hai penduduk Maresya! Kemuliaan Israel mat hampe ta Adulam. 16 Teteklah di gundullah ulu nu ulah nakia-nakia kesayangannu! Wuka lah hante-hante ulu nu sa gundul sameh gundul e wurung bangkai, ulah here mat naaun nekenu ta huang pembuangan.