Pasal 1

1 Hawi Firman Allahtala ga Yunus, anak Amintai, sa ngantuh, 2 ''Buan bo, tulak bo ga Niniwe, kota sa hante hio, balu bapaner ga here sebab kejahatan aye haot hampe ta hadapan-Ku.'' 3 Maka ulah hio,Yunus basiap mat mitun mahulu ga Tarsis, balawit neke Allahtala. Aye tulak ga Yafo, balu kahaba isa kapal sa mat berlayar ga Tarsis. Aye ma'yat ungkus panakia aye, balalu berlayar sasameh here ga Tarsis, balawit neke Allahtala. 4 Allahtala nampinau riwut barat ga laut, balalu jari lah badai hante ta laut balalu kapal hio ane hancur. 5 Ulun kapal jari takut tuu, satiap ulun bapaner ga Allah aye, balu here nawut prabia-prabia neke kapal ga laut nampadinei e. Maka ulah hio, Yunus minau ga ruang kapal, balu kading, pahengau renek mandre. 6 Hwi bo nahkoda ga aye balu nhantuh, '' Kala'awe hanyu tau mandre kalahio renek e ? Bangun bo, bapander bo ga Allahtala nu! Mungkin Allahtala hio mat mamperhati takam maka ulah hio takam bakoi binasa.'' 7 Antuh isa kaulun ga sa lain, '' Gaina takam ngumpe sial kawe mat takam karasa ulah hiye malapetaka ina natimpa ga takam. '' Here pun ngumpe sial kawe, balu sial kawe hio lawu ga Yunus, 8 Antuh here ga aye, '' Wara bo ga kami waya ina, hiye bo sa ngulah takam ta timpa malapetaka. Inonkah gawian nu? neke awe negeri hanyu? Balu, neke bangsa awe kah hanyu ba asal? 9 Tuwing aye ha here, ''Aku isa kaulun Ibrani, aku takut nihi Allahtala, Allah sa ampun langit, sa ngulah lautan pahengau daratan.'' 10 Ulun-ulun ina jari takut tuu, balu here ngatuh, '' inon sa haot na ulah nu? ''sabab, ulun-ulun ina aye haot mitunmahuluneke hadapan Allahtala ulah aye haot mawara ga here. 11 Here nyantane, ''Inon kah sa harus kami ulah ta hadapan hanyumat laut jari tanang pahengau bakoi manyarang kami lagi, sabab laut makin bagalora.'' 12 Antuh e ga here, ''Enat balu tawut bo aku ga huang laut, makaa laut mat jari tanang ta hadap hanyu. sabab aku karasa, ulah aku lah badai hante ina manyarang hanyu.'' 13 Balu, ulun-ulun hio mawehei sakuat tanaga mat nuna kapal hio waleng ga daratan, tapi here bakoi bahasil ulah haot magin bagalora manyarang here. 14 Bapaner lah here ga Allahtala, Antuh e, ''Ya Allahtala ada bo kami binasa ulah nyawa ulun ina, balu ada bo Hanyu tanggungkan ga kami ira ulun sa koi bahala, sabab Hanyu ya Allahtala, haot ngulah sasuai pahengau nihi kahandak Hanyu. 15 Here udi hio ngenat Yunus balu nawut aye ga huang laut, balu laut tadoh ngamuk. 16 Ulun-ulun ina jari takut tuu ga Allahtala, balu ngami kurban samalis ga Allahtala pahengau ngantuh hajat 17 Allahtala manatap kan erang kaikui kenah hante nelen Yunus, balu Yunus muneng ta huang wuntung kenah hio telu andrau telu malem lawah e.