Pasal 2

1 Siwui bo sangkakala ta Sion, Bersoraklah ta gunung-Ku sa kudus! Neter bo kaluhan ulun negeri, ulah andrau TUHAN hawi. 2 Andrau kaiyeng pahengau kekelaman, andrau sa berawan pahengau miyeng mituk, sameh mate andrau manyebar ta entu gunung-gunung. Suatu bangsa sa hante di kuat, bakoi naan sa naan sameh aye awuk jaman purbakala, di bakoi naan lagi sesudanya hampe turun menurun. 3 Ta hadap rai here, apui nguta galis,ta wading, lelap apui nutung. Ta hadap here, negeri hio sameh Taman Eden, tetapi ta wading e padang gurun sa tandus, pahengau koi naan sa lepah teke aye. 4 Leon here sameh kuda, di sameh kuda perang here malempat. 5 Sameh lengan kereta pertempuran, here nampetu-namprtu ta amau puncak gunung-gunung. Sameh lengan lelap apui, sa nguta galis uyam,sameh suatu bangsa sa kuat, sa ngatur barisan e mat berperang. 6 Ta hadap aye bangsa-bangsa neter; kaluhan rai menjadi pucat. 7 Sameh pahlawan here malempat, sameh prajurit here mamai tembok. Here takia tarus pahengau bakoi manyimpang teke lalan e. 8 Here bakoi nelang panuju, masing-masing here takia ta lalane, Here menerobos pertahanan pahengau senjata, here bakoi terputus. 9 Here menyarang ga huang kota, here malempat ga hamau tembok. Here mamai ga amau lewu-lewu, here suluk uma pintu-pintu sameh pangalat. 10 Ta hadap e, bumi neter, langit gaguoi. Mate andrau pahengau bulan jari miyeng, di bintan-bintang nutup sahaya e. 11 TUHAN namparengei lengan-E ta hadap bala tentara-E Pasukan e hante tu'u, di pelaku firman-E kuat tu'u. Ulah, andrau TUHAN hante tu'u pahengau dahsyat tu'u! Sa satu'u , hie sa kaiyuh batahan ? Tuhan Nuyu ulun-ulun hio Batobat 12 "Awuk hio,"kalahio eau firman TUHAN, 'Batobat bo ga Aku pahengau kaluhan atei nu, paluh berpuasa, pahengau manangis, di nitir." 13 Pawinsit atei nu, bakoi pama nu,Batobat bo ga TUHAN Allahnu, ulah Aye pama'ahi pahengau pamasayang, amau sabar, di berlimpah kasih setia, pahengau menyesal ulah na hukuman-E. 14 Hie sa karasa, mungkin Aye kakan waleng balu menyesal, balalu nanam berkat, jari kurban-kurban curahan ga TUHAN Allah nu. Berdoalah ga Tuhan 15 Siwui bo sangkakala ta Sion, kuduskan bo Puasa, balalu serukanlah andrau pertemuan raya. 16 himpun bo bangsa ina, kudus bo jemaat, himpun bo kaluhan ulun matue-matue himpun bo ulun naki-nakia, bahkan bayi-bayi sa sa lagi omo. Elah bo penganten-penganten laki baluea teke uneng e, pahengau pengante wawei teke uneng paandre e. 17 Elah bo imam-imam, pelayan-pelayan TUHAN, nangis ta helang sarambi di mezba, udi hio ngantu, "Ya TUHAN, Ahi lei umat-Nu. ada na biar ampun pusaka-NU jari kahalaan, awuk hio bangsa-bangsa menguasai here. Waah inon here ngantuh pahengau bangsa-bangsa, 'Ta awe bo Allah here?" Tuhan kakan Memulihkan Negeri Hio 18 TUHAN jari cemburu ulah negeri-E, balu kaahi ta umat-E, 19 TUHAN nuing pahengau ngantuh ga umat-E, "Satu'u e, Aku kakan ngirim ga hanyu gandum,anggur di minyak,di hanyu kakan puas nguta e. Aku bakoi menyarah hanyu lagi jari hinaan ta penah bangsa-bangsa. 20 Kakan Ku tampalawit sa teke utara hio neke nu, di kakan Ku saraktuar ga isa negeri sa meang pahengau suni ngaramiuk, barisan sa muka e ga laut timur. pahengau barisan wading e ga laut barat, Engu buruk e di engu lahi e kakan mama ga entu, ulah hio haot ngulah perkara sa hante. Negeri Hio kakan Jari Bio Waleng 21 Ada takut, hai negeri. Bersorak tampik lah di basukcitalah, udi TUHAN haot ngulah perkara sa hante! 22 Ada takut, satua-satua ta padang, ulah padang rikut ta padang gurun karado, kakau-kakau kayu bahasil uwa e, bahkan kakau ara di kakau anggur ngami kekayaan e. 23 Ulun-ulun Sion,basorak tampik, di basukacitalah udi TUHAN Allahnu! Udi,Ayelah haot ngami uran ta awal musim pahengau adil e. Natampinau-E uran uran awuk musim uran di uran awuk akhir musim. sameh dahulu. 24 Uneng-uneng ngiik mat penu pahengau gandum, di uneng miyek mat limpar baya anggur di ilou. 25 "Aku kakan memulihkan,taun-taun sa pakulie na kuta sangkalap pindahan, sangkalap panempetu, sangkalap penguta, pahengau sangkalap ngirep, aye hio tentaraku sa hante sa nakiriku ga hanyu. 26 Hanyu mat kuman rama, balalu jari wising. Hanyu kakan manyanyi puji-pujian ga aran TUHAN Allahnu, sa haot ngula gawian sa ajaib ga hanyu. Umat-KU bakoi kakan kaiyu mangan mat sa lawah-lawah e. 27 Hanyu kakan karasa awuk Aku huang penah-penah ulun Israel, pahengau Akualah TUHAN Allah nu, bakoi naan sa lain Umat-KU bakoi tau kaiyu mangan lei mat salawah-lawah e. Allah kakan Ngami Roh-E ga Kaluhan Ulun 28 "Udi hio, mat jari, Aku mat mencurahkan Roh-Ku ga entu kaluhan marasia. nakia-nakianu laki pahengau nakia-nakia nu wawei kakan bernubuat, ulun-ulun sa matue kakan kaiyu nganupi, pemuda-pemuda kakan kaiyu penglihatan. 29 Bahkan, ga hamba laki pahengau hamba wawei, Aku kakan mancurahkan Roh-Ku ga entu here. pada andrau-andrau hio. 30 Aku kakan ngulah mujizat-mujizat ta langit pahengau ta bumi. ira ,pahengau apui,di gumpalan-gumpalan atuk. 31 Mate andrau mat jari berubah jari maiyeng di wulan jari ira samete hawi e Andrau TUHAN sa hante di dahsyat hio. 32 Di, setiap ulun nerau ga aran TUHAN kakan na selamatkan. Udi, ta Gunung Sion di ta Yerusalem mat naan keselamatan, sameh sa na firmankan TUHAN,ulun-ulun sa naherau TUHAN kakan selamat."