¹ Maka, Yusuf nampakading arep ta rai amah e dan nangis pahengau nyiuk e. ² Yusuf nuyu pulau pelayan e, ayehio here tabib, mat mambalsam bangkai amah e. Jadi pulau dokter hio gin mambalsam bangkai amah e. ³ Na perlukan epat pulu andrau mat ngagawi proses hio, ulah selawah hiolah waktu sa na perlukan mat pembalsaman; dan, ulun-ulun Mesir mahanang atei ga Yakub selama pitum pulu andrau. ⁴ Saudi wayah kapateian tadoh, Yusuf bapaner ga pulau pejabat Firaun, "Jaka aku kaiyuh kemurahan nu, awat antuh ga Firaun: ⁵ 'Amahku lako aku basumpah di bapaner: "Aku mat palus matei, ulah hio oganglah aku ta ogang sa haot na kadi ku raerai ta tane Kanaan. Ta onoi lah hanyu harus ngogang aku." Ulah hio, izinkanlah aku tulak dan ngogang amahku, udi hio aku akan waleng.'" ⁶ Jawab Firaun, "Tulak bo dan ogang bo amahnu sesuai sumpah sa na lako e mat na ulah nu. ⁷ Jadi, Yusuf tulak mat ngogang amah e. Kaluhan pelayan Firaun, matueh-matueh ta istana e pahengau matueh-matueh ta kaluhan tane mesir, gin tulak pahengau Yusuf. ⁸ Bersama aye gin kaluhan ulun huang keluarga Yusuf, Keluarga kawan pulak sanai e, dan kaluhan ulun huang keluarga amah e; kaluhan e tulak, kecuali kawan nakia dan kawanan ternak here sa na tanan here ta tane Gosyem. ⁹ Sasameh pahengau here gin pasukan bakuda dan kereta perang sehingga rambongan hio jari hante tuu. ¹⁰ Wayah here hampe ga Goren-Haatad , Ta sabarang Yordan, here nangis dengan suara mehet dan sedih tuu. Ta uneng hio, Yusuf maresta ga amah e salawah pitu andrau. ¹¹ Pas ulun-ulun sa muneng ta Kanaan katena kapateian ta Goren-Haatad hio, here ngeyau, " Ina merupakan kapateian sa nampahanang atei ulun-ulun Mesir." Maka ulah hio, uneng ta riet Yordan hio na ami aran Abel-Mizrain. ¹² Maka, kawan anak Yakub ngagawi sesuai inon sa haot na pesen ga here. ¹³ Here nuna bangkai Abraham ga Kanaan dan ngogang e ta gua sa naan ta alah Makhpela, basabarang pahengau Mamre, sa na widi Abraham mat tane ogang neke Efron, ulun Het. Udi ¹⁴ ngogang amah e, Yusuf waleng ga mesir sasameh di kawan pulak sanai e pahengau kaluhan ulun sa tulak di aye lepuh ngogang amah e. Pulak Sanai-Pulak Sanai Yusuf Masih Takut Di Aye ¹⁵ Pas kawan pulak sanai Yusuf sadar amun amah here haot matei, here bapaner "Kala awe amun Yusuf nyimoh dendam dan mat mambalas kaluhan kejahatan sa haot takam lakukan ga aye?" ¹⁶ Jadi, here ngirim pesen ga Yusuf. Eyau here: " Samete matei, amahnu nanan pesen ina ga hanyu. ¹⁷ aye bapaner, 'Antuh ga Yusuf, ampunibo palanggaran kawan pulak sanai nu dan dosa-dosa here ulah here pahindra ngulah kahala terhadap hanyu. Ulah hio, ampuni bo kahala neke hamba-hamba Allah amahnu ina." Yusuf nangis waktu pulak sanai-pulak sanai e ngamaner iti ga aye. ¹⁸ Udi hio, pulak sanai-pulak sanai Yusuf hawi dan sujud ta hadapan aye. Eyau here, " Tenalah, kami ina hambanu." ¹⁹ Udi hio, Yusuf bapaner ga here, "Ada takut! Allahkah aku ina? ²⁰ Mula tuu amun kaon merencanakan sa jahat tahadap aku, tapi Allah nampajari e maeh; ayehio mat aku iyuh ngulah inon sa haot terjadi ganyah iti, nyalamat welum rama ulun. ²¹ Jadi, ada takut. Aku akan nyamelum kaon dan anak-anak kaon." Sameh hiolah Yusuf namparene pulak sanai-pulak sanai e pahengau bapaner dengan ramah ga here. ²² Yusuf tatap muneng ta Mesir pahengau keluarga amah e. Masa welum e ayelah jatuh sapuluh taun. ²³ Yusuf masih katena generasi katelu neke anak-anak Efraim. Bahkan anak-anak Makhir, anak Manasye, masih sampat naanak ta pangkuan Yusuf. Kamateian Yusuf ²⁴ Udi hio, Yusuf bapaner ga kawan pulak sanai e, "Andrau pampatei ku mat hampe. Maka ulah hio, Allah pasti akan memperhatikan hanyu dan nuna hanyu kaluar neke negeri ina ga tane sa na janjikan-E huang sumpah ga Abraham, Ishak, dan Yakub." ²⁵ Yusuf lako kawan nakia Israel basumpah ga aye. Eyau e, "Allah pasti akan mamparhatikan hanyu. Ulah hio, uni, tunalah tulang-tulangku kaluar neke ina." ²⁶ Jadi, Yusuf matei ta Mesir pas baumur jatuh sapuluh taun. Dan, udi here mambalsam bangkai e, here nganak e ta sebuah pati matei ta Mesir.