¹ Inalah silsilah katurunan Adam.Ketika Allah ngulah Marasia,Aye ngula here sasuai gambar Allah kaerai. ² Aye ngulah here laki-laki pahengau wawei .pada andrau here naulah ,Allah memberkati here di ngami aran here "Marasia". ³ Ketika Adam haot welum selawah 130 taun,aye jari amah ga nakiya laki-laki sa na nganak ga aye; nakiya hio sameh rai e,dan Adam ngami Aran nakiya hio Set. ⁴ Adam welum walu jatuh taun lagi udi Set Lahir,dan aye naan nakiya laki-laki pahengau wawei sa lain e. ⁵ Jari,kaluhan umur welum Adam salawah 930 taun,udi hio aye matei ⁶ Ketika Set haot welum selawah 105 taun,Aye jari amah ga Enos. ⁷ Set welum 807 taun lagi udi Enos lahir,dan Aye lei naan nakiya laki-laki pahengau wawei sa lain e. ⁸ Jari,kaluhan umur welum Set hio selawah 912 taun,udi hio aye matei. ^{11 9} Ketika Enos haot welum selawah 90 taun,aye jari amah ga Kenan. ¹⁰ Enos welum 815 taun lagi udi Kenan lahir,maka hio lah aye naan anak nakiya laki pahengau wawei sa lain e. 1Jari kaluhan awuk welum Enos hio selawah 905 taun,udi hio aye matei. ¹² Ketika Kenan haot welum selawah pitu pulu taun,aye jari amah ga Mahalaleel. ¹³ Kenan welmum 840 taun lagi udi Mahalaleel lahir,dan aye lei naan anak laki pahengau wawei sa lain e. ¹⁴ Jari, kaluhan awuk welum Kenan hio selawah 910 taun, balu aye matei. ¹⁵ Ketika Mahalaleel baumur enem puluh dime taun, aye jari amah ga Yared. ¹⁶ Mahalaleel welum 830 taun lei udi Yared lahir,dan aye lei naan anak laki pahengau wawei sa lain e. ¹⁷ Jari,Kaluhan awuk welum hio selama 895 taun,balalu aye matei. ¹⁸ Udi hio Yared baumur 162 taun,aye jari amah ga Henokh. ¹⁹ Yared welum 800 taun lei.udi Henokh lahir,dan aye naan anak laki pahengau wawei sa lain e. ²⁰ Jari, awuk kaluhan welum Yared hio salawah 962 taun,balalu aye matei. ²¹ Udi henokh baumur enem puluh dime taun,aye jari amah ga Metusalah. ²² Henokh welum riet pahengau Allah selawah 300 taun udi Metusaklah lahir,dan aye lei naan anak laki pahengau wawei sa lain e. ²³ jari,kaluhan awuk welum Henokh hio selawah 365 taun. ²⁴ Pada andrau hio,Henokh Takiyak pahengau Allah,Udi hio aye bakoi naan ulah allah haot ngenat e. ²⁵ Udi Metusalah baumur 187 taun,aye jari amah ga Lamekh. ²⁶ Metusalah welum 782 taun lei udi Lamekh lahir.dan aye naan anak laki lei pahengau wawei sa lain e. ²⁷ Jari kaluhan awuk welum Metusalah hio selawah 969 taun,balalu aye matei. ²⁸ Ketika Lamekh baumur 182 taun,aye jari amah ga anak laki sa nalahir bagi e, ²⁹ Dan aye ngulah aran anak hio Nuh sambil bapander, "Anak iti akan ngami penghiburan ga takam huang bagawi weat,dan jarih payah tangan takam ulah tane sa na sumpah ulah Allah. ³⁰ Lamekh welum 595 taun lei udi Nuh lahir,dan aye lei naan anak laki pahengau wawei sa lain e. ³¹ Jari,kaluhan awuk welum Lamekh selawah 777 taun,balalu aye matei. ³² Udi Nuh ba umur dime jatuh taun,aye jari amah ga Sem,Ham,dan Yafet