pasal 10

1 samentara Ezra badoa, ngulah pangakuan, sambil manangis di nyanawu tengae laerai ta muka lewu Allah, bakumpullah ulun Israel huang jumlah sa rama tuu ga aye, maeh laki-laki , wawei, inonpun nakia-nakia. here manangis pahengau suara mehet. 2 udihio Sekhanya, nakia Yehiel, katurunan Elam, basurah ga Esra," kami haot bakoi satia ga Allah takam di naharau wawei neke bangsa-bangsa negeri ina. amun wayah ina, masih naan harapan mat Israel nyangkauah hal ina. 3 wayah ina, marilah takam nuruk pakat pahengau Allah takam mat nampahulu kaluan harau pahengau nakia-nakia e, sasuai nasehat tuanku di ulun-ulun sa neter tahadapan parintah Allah takam. Elahbo hal ina nalakukan sasuai pahengau hukum Taurat. 4 buanlah! ulah perkara ina ayelah tugasnu, tapi kami kakan nengaunu. jarilah kuat di ulahlah !" 5 Ezra mele di nunyu para pamimpin imam, ulun-ulun Lewi, di kaluhan ulun Israel mat mapakat bahwa here kakan ngulah sasuai pahengau panderan hio, di basumpahlah here. 6 Ezra tulak neke muka lewu Allah di suluk ga kamar Yohanan, nakia Elyasib. salawah ta onoi, aye bakoi kuman roti di bakoi ngoot ranu ulah aye berkabung entu pengkhianatan ulun-ulun umpean hio. 7 Naulahlah pangunguman ga Yehuda di Yerusalem ga kaluhan ulun umpean mat bakumpul ga Yerusalem. 8 Hie pun sa bakoi hawi huang waktu telu andrau, sasameh parintah para pamimpin di tueh- tueh, kaluhan ampun here kakan na alap di aye kakan nakucilkan neke kumpulan ulun umpean. 9 bakumpullah kaluhan laki -laki Yehuda di Benyamin ta Yerusalem huang telu andrau, aye hio pada wulan kasuwei, tanggal ruam pulu wulan hio. kaluhan ulun maharung ta muka lewu Allah pahengau neter ulah perkara hio di ulah uran mehet. 0 Buanlah Imam Ezra, lalu basurah ga here, "Hanyu haot ngulah sa bakoi setia di paadu pahengau wawei asing sahingga nampahante kahalaan ulun Israel. 11 Wayah ina,ulahlah pangakuan ga Tuhan, Allah datu nininu, di ulahlah hal sa berkenan ga aye. na pisahlah tenganu neke bangsa-bangsa negeri ina di neke harau-harau asing hio." 12 Kaluhan umat hio manjawab pahengau suara mehet,"Ya, tuu! sameh sa hanyu surah, hiolah kewajiban kami mat ngulah e. 13 Akan tapi, ta ina naan rama ulun di katika ina musim uran. kami bakoi kaiyuh muneng ta luar. Lagi pula, gawian ina bakoi perkara isa rueh andrau ulah kami haot ngulah rama palanggaran huang perkara ina. 14 Elahbo para pemimpin kami mawakili kaluhan umat di satiap ulun di kota kami sa paadu pahengau wawei-wawei asing hawi pada waktu sa natepkan, sasameh para tueh-tueh di hakim-hakim ta satiap kota, hampe murka Allah sa dahsyat na tampalawit neke kami." 15 Hanya Yonatan, nakia Asael di Yahzeya, nakia Tikwa, mindri nawan perkara ina, nabantu ulah Mesulam di sabetai, ulun Lewi. 16 ulun-ulun umpean pun ngulah hal sa sameh. Imam Ezra midi pire ulun ulu kaum kaluarga, pahengau naantuh aran e. pada andrau ka isa wulan ga sapuluh, here maharung mat manyelidiki perkara hio. 17 Pada andrau ka isa wulan ga isa, hara nampajari urusan pahengau kaluhan laki-laki sa paadu pahengau wawei asing. Daftar Ulun Sa Paadu Pahengau Wawei Asing 18 udi hio ina adalah katurunan Imam sa paadu pahengau wawei asing: katurunan Yesua, nakia Yozadak, di saudara-saudara e: Maaseaya,Eliezer,Yarib,di Gedalya. 19 here mapakat mat menceraikan harau-harau here. ulah marasa hala, here mamparsambahkan domba jantan neke kawanan ternak terhadap kahalaan here. 20 Neke keturunan Imer: Hanani di Zebaja. 21 Neke katurunan Harim: Maaseya ,Elia Semaya ,Yehiel ,di Uzia. 22 Neke katurunan Pasyur: Elyonai ,Maaseya, Ismael, Netaneel, Yozabad, di Elasa. 23 Neke katurunan Lewi: Yozabad, Simei, Kelaya (sa naantuh Kelita),Petahnya, Yuda, Eliezer. 24 Neke para penyanyi: Elyasib.neke para panjaga manawang gerbang: Salum, Telem,di uri. 25 Neke ulun- ulun Israel sa lain, neke katurunan Paros: Ramya,Yezia, Malkia, Minyamin, Eleazar, Malkia, di Benaya 26 Neke katurunan Elam: Matanya, Zakharia, Yehiel, Abdi, Yeremot, di Elia. 27 Neke katurunan Zatu: Elyonai, Elyasib, Matanya, Yeremot, Zabad, di Aziza. 28 Neke katurunan Bebai : Yohanan, Hanannya ,Zebai, di Altai. 29 Neke katurunan Bani: Mesulam, Malukh, Adaya, Yesub, Seal, di Yeremot. 30 neke katurunan Pahat- Moab: Adna di Kelal, Benaya, Maaseya, Matania, Bezaleel, Binui, di Manasye. 31 neke Katurunan Harim: Eliezer, Yisia, Malkia, Semaya, Simeon, 32 Benyamin, Malukh, di Semarya. 33 neke katurunan Hasum: Matnai, Zabad, Elifelet, Yeremai, Manasye, di Simei. 34 neke katurunan Bani: Maadai, Amram, Uel, 35 Benaya, Bedaya, Keluhu, 36 Wanaya, Meremot, Elyasib, 37 Matanya, Matnai, di Yaasai. 38 Neke keturunan Binui: Simei, 39 Salemya, Natan, Adaya, 40 Makhnadbai, Sasai, sarai, 41 Azarel, Salemya, Semarya, 42 Salum, Amarya, di Yusuf. 43 Neke Katurunan Nebo: Yaiel, Matica, Zabad, Zebina,Yadai, Yoel, di Benaya. 44 Here kaluhan haot paadu pahengau wawei-wawei asing,di naan neke harau here sa haot ngami anak ga here.