1 Pada taun ka isa pamarentahan Koresh, Raja Persia, mat nampa genep firman TUHAN sa na hampe uma wawa Nabi Yesaya, TUHAN ngagarak atei Koresh, Raja Persia hio, sehingga aye ngulah pengumuman ga kaluhan kerajaan e dan ngulah e ley huang leon tulisan, lengan e: 2 ''Kalainalah parentah Koresh, Raja Persia: TUHAN, Allah ta surga, haot mengaruniakan ga aku kaluhan kerajaan ta bumi. Dan, aye haot nutui aku mat napindri erang kauwa lewu bagi- 3 Hie pun sa ayelah umat-E, ta antara hanyu, kira e Allah e nampahengau e. Elah bo aye tulak ga Yerusalem, sa ta anak ta Yehuda, di ngabangun lewu Tuhan, Allah Israel, Ayelah sa naan ta Yerusalem. 4 Hie pun sa masih salantanan, ta uneng awe pun aye muneng, elah ulun-ulun ta uneng hio ngawat e pahengau perak, amas, harta banda, di ternak, selain persembahan sukarela ga lewu Allah sa naan ta Yerusalem." 5 Udi hio, mindrilah pulau pemimpin kaluarga ta suku-suku Yehuda di Benyamin, pulau imam, di ulun-ulun Lewi, udi hio satiap ulun sa haot na gerakan atei e ulah roh Allah ga hio kaluhan ulun sa atei e na gerakan Allah mat tulak di ngabangun lewu TUHAN ta Yerusalem. 6 Kaluhan ulun ta sekitar here ngawat here pahengau barang-barang neke perak, amas, harta banda, pamelum, di banda-banda baharga, sa lain sagala sasuatu sa na persembahkan pahengau sukarela. 7 Raja Koresh jua ngaluar parabot neke lewu TUHAN sa na aun ulah Nebukadnezar neke Yerusalem, di na anak e ta kuil dewa-dewa e. 8 Koresh, Raja Persia, nampalua e pahengau tangan e ta kapit pengawasan Mitredat, di nahitung e ga Sesbazar, pemimpin kaum Yehuda. 9 Inalah jumlah e: 30 bokor amas, 1.000 bokor perak, 29 pisau, 10 30 mangkok perak, di 1.000 barang-barang lain e. 11 Kaluhan parabot amas di perak ina ba jumlah 5.400. kaluhan hio na aun ulah Sesbazar katika ulun-ulun ngumpe hio mudi neke Babel ga Yerusalem.