1 Raja dan Haman hawi ga perjamuan pahengau Ratu Ester. 2 Ta andrau sa karueh, ganyah here ngoot anggur ta perjamuan, raja nyantane ga Ester, "Inon kah sa na permohonkan nu Ratu Ester? Hal hio mat na kabulkan. Inonkah sa na kakan nu? Bahkan, tuhi teke kerajaanku mat na ami." 3 Ratu Ester manyawab, "Jaka aku kahaba kemurahan atei huang pangini raja, dan jaka raja kakan, arah welumku na ami ta amau sa na kakanku balalu bangsaku atas sa na lako ku. 4 Ulah, kami, aku dan bangsaku, haot na batang mat na tampa ramuk, na munu, dan na binasakan. Seandai e, kami ekat na matang mat jari budak laki-laki dan wawei, aku mat benyem raerai ulah penderitaan kami bakoi sabanding pahengau kerugian raja." 5 Raja Ahasyweros nyentane ga Ratu Ester, "Hio sa aye dan ta awe aye, sa ehei ngulah kala ina?" 6 Ester nyawab, "Penganiaya dan musuh hio aye lah Haman, ulun jahat ina!" Udi hio, Haman koi ehei tu'u ta hadapan raja pahengau ratu. 7 Raja bangkit nelang sa sangit e neke perjamuan ngoot anggur dan tulak ga taman istana. Akan tatapi, Haman tatap muneng ta hadapan ratu Ester sambil memohon demi welum e, ulah aye nena bahwa raja haot menetapkan hukuman ga aye. 8 Ganyah raja waleng neke taman istana ga uneng perjamuan anggur, Haman ganyah balutut ta hadapan dipan uneng Ester baring. Raja ngeyau, "Akan koi aye memperkosa ratu ta mukaku, ta huang lewuku?" Nahinang sa udi raja ngeyau kala ina, here manyelubungi rai Haman. 9 Harbona, ayelah pegawai raja, ngeyau, "Sebujur e, tiang gantung na siapkan Haman ga Mordekhai, ulun sa haot menyelamatkan raja dengan mawara ga aye hio, haot mindri ta lewu Haman, seentu dimem pulu hasta." Udi hio, raja ngeyau, "Gantung Haman ta tiang hio!" 10 Maka, here ngegantung Haman ta tiang gantungan sa na siapkan ga Mordekhai. Udi hio ulep lah panyangit raja.