Pasal 5

1 Pada andrau katelu, Ester mamakai pama ratu e di mindri ta halaman huang istana raja, ta hadapan manawang istana raja, Raja bersemayam ta entu tahta karajaan e di huang istana, ta hadapan manawang istana. 2 Katika raja ngini Ratu Ester mindri ta halaman, aye kaiyuh kasih karunia huang pandangan raja. balalu, raja mangulurkan tongkat amas sa ta tangan e ga Ester. Ester ngariet di negei pundrau tongkat amas hio. 3 Raja nyantanei ga aye," inon inon, Ratu Ester? inon permohonaannu? bahkan, pulak kerajaan ina kakan na ami ga hanyu." 4 Tuing Ester, "jaka raja berkenan, elahbo raja di Haman hawi ga perjamuan kuman sa haot sadiakan ga raja.'' 5 Tuing raja," hinang herau Haman supaya aye kaiyuh ngulah sasameh ino sa Ester eyau." balalu, raja di Haman hawi ga perjamuan kuman sa haot nasiapkan Ester. 6 Katika here ngo'ot anggur ta perjamuaan, raja nyantane ga Ester, " inonkah sanakalakunu? inonbo sanakalakunu kakan ku kabulkan. jari, inon sanakalakunu? bahkan, pulak neke karajaaanku pun kakan kuamikan." 7 Ester nuing,"Kelakoku di permohonanku hio, 8 Sika raja bermurah atei di berkenan mat mengabulkan kelako ku di memenuhi permohonanku , elah bo raja di Haman hawi ta perjamuan kuman sa kakan nasiapkan ga hanyu. Katuni, aku kakan ngulah inon sa raja ngantuh." Keesangitan Haman tahadap Mordekhai 9 Udi hio,Haman waleng pahengau atei sukacita di bergembira. Namun, pas Haman ngini Mordekhai sa bakoi mindri di bagarak mat manghormati e ta manawang gerbang istana raja, Haman jari sangat sangit tahadap Moedekhai. 10 Maski udihio, Haman manahan diri di mudi ga lewu e. aye nerau hengau-hengau e di Zeres, harau e. 11 Balalu, Haman bakisah kamuliaan kakayaan e, rama e nakia laki- laki, sagala hal sa naami raja ga aye, di kadudukan entu e ga kaluhan pagawai di para walah raja. 12 Haman ngantuh, "bahwa, Ratu Ester bakoi ngabiarkan saisa kaulun pun, kacuali aku, mat hawi sasameh raja ga perjamuan kuman sa nasiapkan e. katuni, akupun na undang sasameh-sameh pahengau raja. 13 Akan tapi, kaluhan e bakoi bararti bagiku salawah aku masih ngini Mordekhai, ulun Yahudi hio, maharung ta manawang gerbang istana raja." 14 Udihio Zeresh, harau e, di kaluhan hengau e ngantuh ga aye," siapkan tiang gantungan saentu dimem pulu hasta, di katuni ajukanlah parmohonan ga raja mat Mordekhai disulakan ta tiang hio. udihio.tulaklah pahengau gembira ga perjamuan sasameh raja." usul hio manyanakan Haman, balalu aye nunyu ulun ngulah tiang gantungan.