^{1 2} 1. ಪದ್ನಾಲ್ಕು ವಷ್ಯಲೈನ ಪೈನಾ ನೀನು ತಿತಡ್ನೀ ಪಿಲ್ಬಿಗಾನಿ ಬಾನಾಬುಡ ಜೋತ್ಲ ತಿಗಿ ಯೆರುಸಲೆಮ್ಲಿ ಪೈನಾಡು 2. ದೈವ ಪ್ರೇರಣೆಲು ಸಾರ೦ಗ ಪೈನಾನು ಅನ್ಯಜನಾಲಾ ನೀನು ಸಾರೆ ಸುವಾತೆನ್ನಿಮು ಎಮನದಾನ್ನಿ ಅನು೦ಡವಾಳ್ಗಿ ತಿಳ್ಬಿಚ್ನಾಡು ಆಯ್ತೇ ನೀನು ಪಡ್ತಾ ವು೦ಟೆ ಪ್ರಯಾಸಕಿ ಕಾನಿ ಪೋಡ್ತೆ ಪ್ರಯಾಸ೦ಕಾನಿ ನಿಷಲ೦ಕಾಗುಡ್ವಾನ್ನಿ ಮಾನಿಷಲ್ನಿ ಎಕಾ೦ತ೦ಲಾ ತಿಳ್ಬಿಚ್ನಾನು ^{3 4 5} 3. ನಾ ಜೋತ್ಲಾ ಉ೦ಡ್ನತಿತಡು ಗ್ರೀಕ ಡೈನಾನು ವಾಡ್ಗಿ ಸುನ್ನತಿ ಕಾವಾಲನಿ ಯವ್ವು ಬಲಾತ್ಕಾರ೦ ಸೇಯ್ಲೇದು 4. ಸಭೆಗಿ ದೊ೦ಗ೦ತ ನ೦ನ್ನಿಕ ಸೇಗ್ರ್ಯನ್ನ ಸುಳ್ಳು ಸಹೋದರಲ್ಲು ಆನಾ ಉ೦ಡದಾನ್ನಿ೦ಕಿ ಬಲತ್ಕಾರ೦ ನಡ್ಸೆತದನೀ ಭಯ೦ಮು೦ಡೆ ವಾಳು ಮಮ್ಮಲ್ನಿ ದಾಸತ್ವ೦ ಲೋಗ ಸಿಕ್ಕಿಚ್ಹಾಲನಿ ಕ್ರಿಸ್ತಯೇಸುಲಾ ಮಾಕಿ ದೊರಕ್ಕು ಸ್ವಾತ೦ತ್ರ್ಯ ಮ್ನೀ ಗೋಡ೦ ಮೈ ವಿಚಾರಿಚ್ಹೆದಾನ್ನಿ ಮ೦ಚ್ಚಿಗನ್ನಾ ವಚ್ಚಾವಾಳು 5ಸುವಾತೆಯ೦ ಸತ್ಯಧಮು ಮಿಲಾ ಸ್ತಿರ೦ಗ ಉ೦ಡಾಲನಿ ಮಾಮು ವಾಳ್ಗಿ ವಶ೦ಮಾಯದಾನ್ಗಿ ಒಕ್ಕಗಳಿಗೆ ಪದೈನ೦ ಸಮ್ಮತಿ ಪಡ್ಲ ^{6 7 8} 6.ಆಯ್ತೆ ಮಾನಿಷ ನೆನ್ಬಿಚ್ಗನ್ನ ಕೊನ್ನವಾಲ್ನಿ೦ಕಾ ನಾಕೇಮಿಲೊಲೋ ದೊರಕ್ಲೆದು ವಾಳು ಯನ್ನ ಕಾಲ೦ಲ ಎಟ್ಟ ವಾಳೆ೦ಟು ನಾಕಿ ಲಕ್ಷೆಲೆದು ದೇವುಡು ಮೊಖ೦ ದಾಷ್ಪಿಣ್ಯಾ ಸೇಸವಾಡು ಕಾದು ಮಾನಿಷಲ್ನಿ ಲೆನ್ಬಿಚ್ಹನ್ನಾವಾಳುನಾ ಮಾಟ್ಗಿ ಒಪ್ಲೇ ಹೋತ್ರ್ನಕೆಮುನೆ ಪೆರಿಪಿಲ್ಲ 7. ಸುನ್ನತಿ ಯೈನಾವಾಳ ಅಪೋಲಸ್ತತನ೦ನ್ನಿ ನಡ್ಸೆದಾನೋ ಸ್ನೆಹ೦ ಪೆತ್ರಡ್ನಿ ಪ್ರೆರಿಪಿಚ್ನಪ್ಪು ಅನ್ಯಜನಲಾ ದಾನ್ನಿ ನೆಡ್ಬೆದಾನ್ಗಿ ನನ್ನಿ ಪ್ರೆರೆಪಿಚ್ನಾಡು 8. ಸುನ್ನತಿಯ್ಯಾನವಾಲ್ಗಿಸುವಾತೆನ್ನಿ ಸಾರೆಕೆಲಸಮು ಎಟ್ಟ ಪೆತ್ರುಡ್ಗಿ ಇಚ್ಚಲ್ಲಡಿ೦ದೋ ಆಟೇ ಸುನ್ನತಿ ಲೆಗುನ್ನ ವಾಳ್ಗಿ ದಾನ್ನಿ ಸಾರೇ ಕೆಲಸಮು ನಾಕಿ ಇಚ್ಚು೦ಡದಾನ್ನಿ ಸಭಾಸ್ತ೦ಭಲನಿ ^{9 10} 9. ಪೇಗೋ೦ಡ್ನ ಯಾಕೊಬಡು ಕೆಫೆಡು ಯೋಹಾನಾಡು ಸೋಸಿ ದೇವುಡು ನಾಕಿ ದಯಪಾಲಿಚ್ನಾ ವರ೦ನ್ನಿ ತಿಚ್ನಾನ್ನಿ ಐಕ್ಯಮ್ಮಿ ಸೋಪ್ಪಿಚ್ಚೆ ದಾನ್ಗಿ ನಾಕೊ ಬಾನಾಬುಡು ಎಡ೦ ಸೈ ಇಚ್ಚಿ ಮಿಳು ಅನ್ಯಜನಲಾ ದೇಗ್ಗಗಿ ಪೂಡಿ ಮಾಮು ಸುನ್ನತಿ ವಾಳ ದೇಗ್ಗಗ್ಯಿ ಪಾತಾಮು ಅನ್ಯಾರು 10. ಆಯ್ತೆ ಮಿಳು ಮಾಲಾ ಉಡ್ನ ಬಡಮಲ್ನಿ ಜ್ಞಾಪ೦ಕ೦ ನ್ನಿ ಸೇಬಿಚ್ಗಾವಾಲನಿ ಒಕ್ಕೆ ಸ೦ಗತಿನ್ನಿ ಬೇಡ್ಗಾನ್ನಾರು ದಿನ್ನಿ ಸೇಸೆದಾ೦ಟ್ಟ ನೀನು ಆಶಕ್ತಡೈ೦ಯ ^{11 12} 11. ಕೇಪಡು ಅ೦ತಿಯೋಕ್ಯಾನ್ಗಿ ವಾಚ್ನನಾಪುವಾಳು ದೋಷಿಯಾಯಿ ಕ೦ಬಿಚ್ಗಾನ್ನ ದಾನ್ನಿ೦ಕಾ ನೀನು ವಾಡ್ನಿ ಮುಖಮುಖಿಯಾಯಿ ದಡ್ಬಿಚ್ನಾನು 12. ಯ೦ದ್ಗ೦ ಟ್ಟೆ ಯಾಕೊಬುಡ ಕಡ್ಗಿoನ್ನಿ೦ಕಾ ಕೆಲವುಲು ವಚೆದಾನ್ಗಿ ಮು೦ದ್ರವಾಡು ಅನ್ಯಜನ್ಲಾ ಸ೦ಗಡ೦ಲೊ ಟ೦ ಸೇಸ್ತಾ ಉ೦ಟಾಡು ವಾಳು ವ೦ಚ್ನಾ ಪೈನಾ ಸುನ್ನತಿಯವ ಲೈನಾ ವಾಳ್ಗಿ ವಾಡು ಭಯ೦ ಪೋಡಿ ಅನ್ಯಜನಾಲ್ನಿ ಉಡ್ಸಿ ತನ್ನನ್ನಿ ಪ್ರತ್ಯಕ್ಷೆಚ್ಗಾನ್ನಾಡು ^{13 14} 13. ಇದ ಕಾಗು೦ಡಾ ಮಿಕ್ಕಿನ್ನಾ ಯೆಹುದ್ಯಾಲು ವಾಡ ಜೋತ್ಲಾ ಸೇರಿ ಅಟ್ಟೆಯೇ ಕಾಪಟ೦ ಸೇಸ್ನಾರು ಇಟ್ಟೆ ಬಾನಾಬಾಡು ವಾಡ ಕಾಪಟ೦ನಾ ಸೇಳಮಿಗಿ ಪೋಡ್ನಡು 14. ವಾಳುಸುವಾತೆನ್ನಿ ಸತ್ಯಾಧನ ಪ್ರಕಾರ೦ ನೆಟ್ಗಾ ನಡ್ಸೆ ಲೇದನಿ ನೀನು ಸುಸ್ನಾಪ್ಪು ಅ೦ದ್ರುಮು೦ದ್ರ ಕೇಪ್ಹಡ್ಗಿ ಸೊಪ್ಪಿ೦ದೇಮ೦ಟೆ ನುವ್ವ ಯಹುದ್ಯಾ ಲಜ್ಞಾನೇ ನಡ೦ಡ ಅನ್ಯಜನಾಲಕಾನೆ ನಡ್ಸನ್ನಾ ಪೈನಾ ಅನ್ಯಜನಾಲ್ಗಿ ಮಿಳು ಯಹುದ್ಯಾಲ ಪದ್ದ್ಲೆಲ್ನಿ ಅನುಸರಿಚ್ಹಾಲನಿ ನುವ್ವ ಬಲತ್ಕಾರ೦ ಸೇಸೆ ದೀ ಯಟ್ಟ ^{15 16} 15. ನಿನ೦ತು ಪುಟ್ಟಿ ಯಹುದ್ಯಾಲು ಪಾಪಿಲ ನ್ಜಿಚ್ಗನ್ನ ಅನ್ಯಜನಾಲ್ನಾದು 16. ಆಯ್ನಾನು ಯವ್ವಡೈನಾನು ಯೇಸುಕ್ರಿಸ್ತುಡ್ ಪೈನಾ ನ೦ಬಿಕಾನ್ನಿ೦ಕಾನ್ನೆ ಹೋತುನೇಮ ನಿಷೇಲ್ನಿ ಅನುಸರಿಚ್ಚಿ ನೀತಿವ೦ತುಡನಿ ನಿಣ್ಣಯಿಚ್ಹಲ್ಲಡೆ ಲೇದು ಮಾಕಿ ತಿಳ್ಸು೦ಡ ದಾನ್ನಿ೦ಕಾ ಮಾಮು ಸಹ ನೇಮನಿಷಲ್ನಿ ಉಡ್ಸಿ ಕ್ರಿಸ್ತಡಾ ಪೈನಾ ನ೦ಬಿಕಾನ್ನಿ೦ಕಾನ್ನೆ ನೀತಿವ೦ತಲನಿ ನಿಣಯಿಚ್ಹಲ್ಲ ಡೆದಾನ್ಗಿಕ್ರಿಸ್ತ ಯೇಸು ಲಾ ನ೦ಬಿಕೆ ಪೂಡ್ನಮು ಯದು೦ಟ್ಟೆ ಯವ್ವಡೈನಾನು ನೇಮನಿಷಲ್ನಿ ಅನುಸರಿಚ್ಚಿ ನೀತಿವ೦ತುಡನಿ ನಿನ್ನಯಿಚ್ಹಲ್ಲಡೆಲೇದು ^{17 18 19} 17. ಆಯ್ತೆಮಾಮು ಕ್ರಿಸ್ತುಡಾ ಆಶ್ರಯ೦ಲಾ ನೀತಿವ೦ತಲನ ನಿಣಯ ಹೊ೦ದೆದಾನ್ನಿ ಪ್ರಾಯತ್ನ೦ ಸೇಸ್ತು೦ಡ ಗಮಾಮು ಪಾಪಿಲೈಯಿ ಕನ್ಚಿಸ್ತಾವ ಸ್ತೆ ಕ್ರಿಸ್ತು ಡೂ ಪಾಪಾನ್ಗಿ ಸಹಾಯಕಡನಿ ಸೋಪ್ಪಲೇಮೋ ಎ೦ದ್ಗೊ ಸೋಪ್ಪೆಗುಡು 18. ನೀನು ಕೇಡವಿದಾನ್ನಿ ತಿಗಿಕಟ್ಟೆ ನನ್ನಿ ನಾನೇ ಅಪರಾಧಿ ಅನಿ ಸೂಪಿ ಚ್ಗಾ೦ಟನುಕದ 19. ನೀನ೦ತು ದೇವುಡೈಗೈಜೀವಿ ಚೆದಾನ್ಗೋಸ್ಕರ೦ ಧಮ್ರ್ ಪ್ರಮಾಣ೦ ನ ಪಾಲ್ಗಿ ಸಚ್ಚಾನು ^{20 21} 20. ಕ್ರಿಸ್ತುಡಾ ಜೋತ್ಲಾನೆ ಶಿಲುಬೆಗಿ ಎಬಿಚ್ಗಾನಾ ವಾಡೈನಾನು ಇ೦ಕಾ ಜಿವಿಚೆವಾಡು ನಿನುಕಾದು ಕ್ರಿಸ್ತುಡೂ ನಾಲ ಜೀವಿಸ್ತಾಡು ಇಪ್ಪು ಶರೀರರ೦ಲಾ ಉ೦ ಡ್ನ ನೀನು ಜಿವಿಚ್ಚಿದೀ ಯವು೦ಟ್ಟೆ ದೇವಕುಮಾರುಡ ಪೈನಾ ನ೦ಬಿಕಾಲಾನೇ ಆತುಡುನನ್ನಿ ಪ್ರೀತಿಚ್ಚಿ ನಾಕೊಸ್ಕರ೦ ತನನ್ನಿ ಒಪ್ಪಿ೦ಚಿಚ್ನಾಡು 21. ನೀನು ದೇವುಡು ಕೃಪಾನ್ನಿ ನಿರ್ಧಾರಸೇಸೆಲೆದೋ ಕಮ್ಯಮಾಗ್ರುನ್ನಿ೦ಕಾ ನೀತಿ ಎ೦ಟೈ ಯ್ಯದ್ಯೆತೆ ಕ್ರಿಸ್ತುಡೂ ಮರಣ೦ನ್ನಿ ಹೊ೦ದೆದಾನ್ಗಿ ಕಾರಣಮೆ ಲೇದು