1 ఓరు తనాద్ పన్నెండు శిష్యుడ్కిన్ కరింగి ,సర్రెఅత్త దెయ్యకిన్ పొర్రో శక్తి అధికార్ యు ,రోగాకిన్ నెల్లయే కియాన్ (అధికార్)వరం ఓడ్కి ఇత్తోరు! 2 2.దేవుండుత రాజ్యాంతింగ్ ప్రకట్ కియనోంకిన్ రోగాకిన్ నెల్లయే కియనోంకిన్ ఓడ్కిన్ లోహత్తోరు! 3 మెండే ఓరు మిడు దాయనోంకిన్ మైదే కైదే డుడు ,వల్ల అత్క్ మెండే రొట్టి అత్క్ మెండే మెండే బేదింగ్ అత్క్ మెండే పొయిసు దాయనాద్ అయ్యో ;రెండు గిసిడి తాసానాద్ అయ్యో ! 4 4.మిడు బేదు లోను నెగితిడు అద్ లోనే మంజ్ మెండే అగ్గాతింసో పేయిసు అన్నుట్ ! 5 మిక్కిన్ బేన్నోరు తాసోడుకీ ఆద్ పట్నంతింగ్ పేయితనసుట్ ఓడ్కిన్ పొర్రో సాక్ష్యం మందనోంకిన్ మాయద్ కాల్దాద్ దుమ్ము కాయుముటు ఇంజో ఓడ్కిన్ సంగ్ కేత్తోరు ! 6 6.ఓడు పేయిసు మెండే అసుట్ సువార్త కేసోడే రోగాకిను (స్వస్థత)నెల్లయే కిసోడే నాక్కినాగా వెయిర్ తోడు . 7 నాలువుడు రాజుకిన్ బుడియోర్ అత్త హేరోదు జరుగాతా కార్యకిను మైదే కేంజి ,బేకేయే అల్వ పర్వోకొంసో మత్తోరు బేలే ఇత్క్ దుడతోడు యోహాను తింగు డోల్తగాతింసో తేదుత్తోరు ,ఇంజో ! 8 8.దుడతోడు ఎలియాతోంద్ త్తోరు ఇంజో ,దుడతోడు -మున్నెత కాలంత ప్రవక్తనాగా ఓయితురు తేదుత్తోరు ఇంజో కేస్సోమత్తోడు. 9 9.అసుట్ హేరోదు నన్న యోహానుతదు తల నాడ్కకెత్తను గాదా;బేనోన్ మైదే ఇసుంత విషయ్ కేంజా మింతేను ఓరు బేన్నోరు కీ ఇంజో కేస్సు ఓన్కిన్ ఉడనోంక్కి అల్తోరు . 10 అపోస్తుడ్కు తిడియి వాస్సు ,తామకు కిత్తవు సర్రెతావు ఓన్కిన్ తెల్పకిత్తంగ్ ఓరు ఓడ్కిన్ పెర్కే ఓసోడే బేత్సేయిదా ఇందన్ నార్దగా వెర్రోరే అత్తోరు! 11 11.ములుదా గుప్కునోడు అదిన్ పుంజ్ ఓన్కిన్ పెర్కేతాక్ తాంగు ,ఓరు ఓడ్కిన్ తాసిమెండే ,దేవుండుత రాజ్యాముతదు మైదే ఓడ్కిన్ సంగ్ వెహసోడే ,స్వస్థత అవసర్ మందనోడ్కిన్ నెల్లయే కిత్తోరు! 12 పోడ్దు దాయనాద్ ఆయనసుట్ పన్నెండు ముల్ శిష్యుడ్కు వాస్సు మనలు ఇదు గుప్పతగా మింతేలు అదిన్ సర్ర్ తిడియి మందాన్ నార్కింగ్ గుంపుకింగ్ అంజ్ పొడియ ఊడి ,డోడా కమ్మకియనోంకిన్ ముల్ద్ గుంపుకిన్ లోము ఇంజో ఓన్కిన్ సంగ్ కేత్తోడు ! 13 13.ఓరు -మీడే ఓడ్కిన్ బోజన్ వాటాటు ఇంజో ఓడ్కిన్ సంగ్ కేత్తంగు ఓడు మనద్ గర్రె అయింగు రొట్టి రెండు కీకే తప్ప మెండే ఇల్లా మ౦మ్మ అంజ్ యీద్ ముల్దింగ్ సర్రేతోడ్కి మైదే బోజన్ అస్సి తత్తితోను కీ ఇంజో కేత్తోడు ! 14 14వత్తనోడు సుమాడు అయింగు వెయ్యికు ముల్లు మన్నెడ్ ఓరు - 15 యబ్బై ముల్దింగ్ పొయిస్సు గుమ్మి,గుమ్మికుద్పంటు ఇంజో తనద్ శిష్యుడ్కిన్ సంగ్ కేత్తంగు ఓడు అలేను కీస్సు సర్రెతోడ్కిన్ కుద్పతోడు , 16 16.అసుట్ ఓరు అయింగు రోట్టికింగ్ రెండు కీకేకింగ్ తేహేసు మెండే ఆకాశంత పొర్రో కొండ తేహేసు అవిక్కింగ్ అస్సిస్ కిస్సు ఉర్సు ముల్దింగ్ తుస్సానోంకి మైదే శిష్యుడ్కిన్ ఇత్తోరు! 17 17.ఓడ్కి సర్రెతోడు తింజ్ సుమాడ్ అత్తసుట్ పెర్కే మిగిల్త్ గొందా పన్నెండు గుల్ల మిగిలితా! 18 ఓండు సమయ్ తే ఓరు వెర్రోరే ప్రార్ధన కిస్సోమందానాసుట్ ఓనాద్ శిష్యుడ్కు ఓనాద్ గర్రె మత్తోడు నన్న బేన్నోరు ఇంజో ముల్దగా కేత్తమింతేడు ఇంజో ఓరు ఓడ్కిన్ తాల్కతాంగ్ ! 19 19.ఓడు బాప్తిస్మ ఇయ్యన్ యోహాను ఇంజో దుడతోడు ఎలియల్ ఇంజో దూడతోడు మున్నెత ప్రవక్తనావేటే ఓయితుర్ తేద్తోరు ఇంజో కేత్తమింతేడు ఇంజో . 20 20.అదిన్ ఓరు మిడాత్కే నన్న బేనోను ఇంజో కేత్తమింతేడు ఇంజో తాల్కతాంగ్ పేతురు నిమ్మ దేవుండత క్రీస్తు ఇత్తోర్ 21 21 ఓరు ఇదు బేనోన్ సంగ్ కెల్మా ఇంజో ఒస్సైయే మాట కేస్సు . 22 22.మన్నెత మర్రు నేక్కైయే శ్రమ పొయిసు (దొర్స్కి)బుడియోడ్ కైదే ముఖ్య యజక్ కైదేను శాస్త్రిడ్కిన్ కైదేను విచార్ కిస్సు కైవాకిస్సు మూడు దినాకినే తేదానాదు నిజేమే ఇంజో కేత్తోరు! 23 మెండే ఓరు సర్రెతోడ్కిన్ సంగ్ ఇలే కేత్తోరు బేన్నోడు అత్కే నాక్కిన్ పెర్కే వాయనోంకి ఉడ్కే తాన్ కిన్ తానాక్ ఎస్సిస్ మెండే సర్రె దినాకు తనాద్ సిలువతింగ్ కాంజి నాక్కి పెర్కే తాకానాదు! 24 24.తనాద్ జీవాతింగ్ రక్షణతే తాసానోంక్కిన్ ఉడన్నోరు అదిన్ టెండ్ త్తోరు నాయద్ మైదే తానాద్ జీవాతింగు ఎస్సియన్నోరు అదిన్ రక్షణ తాసితోరు . 25 25.ఓయితురు లోకంత సర్రే కమ్మకిసు తనక్కిన్ తానాకు జీవాతింగ్ ఎసిత్కే ఇలోకే నష్టం కిత్కే ఒనాంకిన్ బాత లాభము కీ ! 26 నాక్కి మైదే నామాటక్కిన్ మైదే సిగ్గు అయన్నోరు అదిన్ మైదే మన్నెత మర్రు తనక్కిన్ తానా బాబ్బోంకు పరిశుద్ధతక్కిన్ సంగ్ మందన్ మైమ సంగ్ వయ్ నాసుటు సిగ్గు అయ్యోరు 27 27.ఇగ్గ నిస్సు మందనోడ్కిన్ నావేటే దుడతోడు దేవుండ్ తింగ్ రాజ్యతింగ్ ఉడనాసోరు జేలు డోల్లనాదు మన్నో ఇంజో నన్న నీసంగ్ నిజమే కేత్తమిందేను ఇత్తోరు. 28 ఈ +మాటకిన్ కేత్తదు మొదలు తింసో సుమాడు ఎనిమిది దినాంకిన్ పెర్కే ఓరు పేతురుతింగ్ యోహానుతింగ్ యాకోబు తింగ్ పొయిసు ప్రార్ధన కీయనోంకిన్ ఒండు మెట్ట తర్రితోడు 29 29.ఓరు ప్రార్ధన కీయనసుట్ ఓనాద్ మొఖంతదు రూపం మార్త ఒరు గిసిడి పాండే ఆస్సు ఒస్సైయే పొత్తా ! 30 మెండే ఇడ్వుడు మాన్నేడు ఓనాద్ సంగ్ వెహసోడే మత్తోడు ఓడు మోసే ఎలియాల్ ఇందనోడు , 31 31.ఓడు మహిమ సంగ్ తోంది ఓరు యేరుషలేముతగా కీయనాద్ (నిర్గమంత)విమోచన మైదే వేహోసోడే మత్తోడు . 32 పేతురు ఓనాద్ సంగే మెండే మందనోడు కుర్గ్కాన్ లెక్కే మత్తోడు ఓడు తేదాతసుట్ ఓరు మమతింగ్ ఓనాద్ సంగ్ మెండే నిస్స్ మందాని ఇడ్వుడు మాన్నెడ్కిన్ ఉడ్తోడు . 33 33.(ఆ ఇడ్వుడు మాన్నెడు )ఓనాద్ గర్రె తింసో దాయనసుటే పేతురు యేసున్ సంగ్ పాలన్ కియనోని మనల్ ఇగ్గా మందనాద్ నెల్లయే నాక్కిన్ ఓండు మోసేంగు ఓండుము ఎలియాంగు ఓండుము మూడు పర్ణశాలకిన్ మమ తోహతాతోము ఇంజో తమక్ కేతతింగ్ తనాకు పున్వాకొంసోసోయే కేత్తోరు . 34 ఓరు ఇలేను వేహోసోడే మత్తంగు మబ్బు ఓండు వాస్సు ఓడ్కిన్ ముస్తా ఓడు ఆద్ మబ్బినాగా నెంగ్ త్తసుట్ శిష్యుడ్కు వెరియితోడు . 35 35.మెండే ఓరు నన్న ఏర్పాట్ కిత్త నాయద్ మర్రు ఓర్రు మాట కేంజాట్ ఇంజో ఓండు లేంగు ఆద్ మబ్బినాగా తింసో వత్త , 36 36.అద్ లేంగు వత్త పెర్కే యేసుయే తొంద్తోరు తామక్ ఉడ్తానవేటే ఓండు ఆద్ దినాక్కినే బేనోంకిన్ తెల్పకీవ్వ ఓడు కొట్తోమత్తోడు . 37 మెండనోండు దినాంతే ఓడు ఆద్ మెట్ట డిగ్గి వత్తసుట్ నర్గేముల్లు ఓన్కిన్ మున్నెయే వత్తోడు . 38 38.ఇదు ఆద్ ముల్ధగా ఓయితురు బోధకీయనోని నాయద్ మర్రింగ్ జీవాకీము ఇంజో నిక్కిన్ తాల్కామింతేను ఓరు నాక్కిన్ వెర్రోరే మర్రు . 39 39.ఇదు ఓండు దెయ్యం ఓన్కిన్ పొయిత్తితా పొయిత్తసుటు ఓర్రు ఉబ్బైయే కేయ్య పోయిస్పిత్తోరు బోయిల్ పెయితన్ లెక్కే అదు ఓన్కిన్ తార్ కిస్సోడే పుండ్కు కిస్సోడే ఓన్కిన్ విడిసి విడాస్వాకొంసో మంద ! 40 40.అదిన్ పూడింమ్ ఇంజో నియద్ శుష్యుడ్కిన్ కేత్తన్ కొని ఓడ్కిన్ కైదే అయ్యో ఇంజో కేత్తోరు ! 41 అదిన్ యేసు విశ్వాసం ఇల్వా ముర్ఖునిడి నన్న బేస్సోర్ జేలు మిసంగ్ మెండే మంజ్ మిక్కిన్ ఉడితాను ?నియద్ మర్రింగు ఇగ్గాయే తాడా ఇంజో కేత్తోరు ! 42 42.ఓరు వాయ్ నసుట్ ఆద్ దెయ్యం ఓన్కిన్ నెలడ్సు తర్ర్ తర్ర్ కిత్త యేసు అద్ దేయ్యంతింగ్ బెదిరించి పెకంగ్ నెల్లాయే కిస్సు ఓన్కిన్ బాబ్బొంకు అప్పకిత్తోరు! 43 అదిన్ సర్రెతోడు దేవుండుత మహాకార్యంతింగ్ ఉడి ఆశ్చర్య అత్తోడు . 44 44.ఓరు కిత్త పడియింగిన్ సరైతవ్ కిన్ ఊడి సరైతోడు ఆశ్చర్య అయ్ నుడి ఓరు ఈ మాట మియద్ కేవ్ క్కినాగా కేంజాకీముట్ మాన్నెత మర్రు మన్నెడవు కైక్కినే దొర్కానాద్ సమయ్ ఎవదా మింతే ఇంజో తనాద్ శిష్యుడ్కిన్ కేత్తోరు! 45 45.అత్క్ ఓడ్కిన్ మాట అర్ధం అయ్వ్ కొంసో అదు ఓడ్కిన్ తాసి మందాన్ లెక్కే మిందే అదిన్ ఓడు అది పున్నోడు ,మెండే ఆద్ మాటక్కిన్ మైదే ఓడు ఓన్కిన్ తాల్కానోంగ్ వెరియిత్తోడు . 46 తమకినాగా బేన్నోరు బుడియోరు ఇంజో ఓడ్కిన్ నవేటే ఇదు సత్ మాట పుట్ తాంగు . 47 47.యేసు ఓడ్కిన్ జీవాత అల్సనాద్ పుంజ్ ఓండు సుడ్లా పిల్లతింగ్ పొయిసు తనాద్ గర్రె కరింగి నిస్ప్ . 48 48.ఈద్ సుడులద్ పిల్లతింగ్ నాయద్ పెదేర్త్ కరంగానోరు నాక్కిన్ కరింగిత్తోరు నాక్కిన్ తాస్సనోరు నాక్కిలోహతనింకిన్ తాస్సిత్తోరు. వయవ్ టే బేన్నోరు ఒస్సైయే సుడులోరు అస్సు మంత్తోరుకీ ఓరే బుడియోరు ఇంజో ఓడ్కిన్ సంగ్ కేత్తోరు! 49 యోహాను-పాలన్ కీయనోని బేన్నోరో ఓయితురు నాయద్ పెదేర్తే దెయ్యకిను పుడ్తాంగు మ౦మ్మ ఉడ్తాము ఓరు మనక్కిన్ పెర్కేతాకానోరు అయ్యో అదివోన్ క్కిన్ అడంకిత్తోము ఇంజో కేత్తోరు! 50 50.అదిన్ యేసు మిడు ఓన్కిన్ అడం కీమ్ముటు మిక్కిన్ విరోది అయ్వినోరు మియద్ పక్కతే మందానోరే ఇంజో ఓన్కిన్ సంగే కేత్తోరు! 51 ఓరు పరలోకంతే దాయన్ దినాకు సంపూర్ణం అయినాసుట్ ! 52 52.ఓరు యేరుషలేముతగా దాయనోంకిన్ మన్ ఓండై కిస్సు తనలేక్కే మున్నెయే దూతకిన్ లోహత్తోరు ఓడు అంజ్ ఓన్కిన్ మంధానోంకి పొడియ తియడ్ కియనాద్ ఇంజో సమరయత ఓండు నార్దగా నేంగ్ త్తోడు కొని! 53 53.ఓరు యేరుషలేముతాగా దాయనొంక్కి తియాడ్ అత్తంగ్ ఓడు ఓన్కిన్ తాస్సోడు . 54 54-55.శిష్యుడు అత్త యాకోబుతింగ్ యోహనుతింగ్ అదు ఊడి ప్రభూ ఆకాశంతింసో కిస్సు డిగ్గి 55 వెడ్కిన్ నష్టం కీయన్ లెక్కే మ౦మ్మ మాట కేత్తనాద్ నీక్కిన్ మాన్ మింతే ఇంజో తాల్కాతాంగ్ ఓరు ఓడాద్ పెర్కే ఊడి ఓడ్కిన్ బెదిరింస్తోడు 56 56.అసుట్ ఓడు మెండనోండు నార్ధగా అత్తోడు. 57 ఓడు అర్దగా అంజోమందానసుట్ ఓయితురు నిమ్మ బేగా మెండే అత్క్ మెండే నీయద్ పెర్కే వాతాను ఇంజో ఓన్కిన్ సంగ్ కేత్తోరు! 58 58.అదిన్ ,యేసు కోయిలకు పొడియ ఆకాశత పెట్టింకు బ్రతాకానోంకి పోడియాము మింతేము కొని మన్నేత మర్రింగు తాలవాటనోంకు మెండే పోడియ ఇల్లా ఇంజో ఓడ్కిన్ సంగ్ కేత్తోరు . 59 ఓరు మెండనోయితుంగ్ సంగే నాయద్ పెర్కే వాడా ఇంజో కేత్తోరు ఓరు నన్న అంజ్ మున్నె నాయద్ బాబ్బోను మిస్సి వాయనోంకిన్ మాట ఇమ్మ ఇంజో కేత్తోరు! 60 60.అదిన్ ఓరు డోల్తనోరు తమకి డోల్తనోడ్కిన్ మిసితోడు గాదా నిమ్మ అంజ్ దేవుండుతా రాజ్యంతింగు ప్రచార్ కీము ఇంజో ఓన్కిన్ సంగ్ కేత్తోరు! 61 మెండే నోయితురు ప్రభు నీయద్ పెర్కే వత్తానా కొని నాయద్ లోను మందానోడ్కినా మాట తాల్కివాయనోంకిన్ తోలు నాక్కి నీయద్ మాట ఇమ్ముఇంజో తాల్కాతాంగ్ ! 62 62.యేసు నాయద్ నాగేల్తా కైయివాటా పెర్కే ప్రక్క ఊడనోము బేన్నోరు మెండే దేవుండుతా రాజ్యంతగా సుమాడు అత్తనోరు అయ్యో ఇంజో ఓన్కిన్ సంగ్ కేత్తోరు!