1 ఓరు వైయిలోడే యేరోకో పట్టణంతగా నెంగి అదిన్ నాల్కేనే అంజోమత్తోడు . 2 2.ఇదూ సుంకం పొయితనోరు ధనవన్ అత్త జక్కయ ఇందన్ పేదేరు మందాన్ ఓయితురు ! 3 యేసు బేన్నోరు ఇంజో ఊడానోంక్కి మత్తోరు కొని ;గుట్టలు అత్తంగ్ ముల్లు నర్గే గుడి మందానాద్ మైదేను ఊడాపర్వోరు . 4 4.అసుట్ యేసు ఆద్ అర్దగా రాజు ఆసు మత్తోరు అధింగ్ ఓరు మున్నేయే మిర్రి ఓన్కిన్ ఊడానోంకిన్ ఓండు తోయా మడా తర్తోరు ! 5 యేసు ఆద్ పోడియతగా వత్తసుట్;కొండాతేస్సు ఊడి జక్కయ్యా ఉబ్బైయే డిగి వాడా ;నేండు నన్న నీయాద్ లోను మందానాద్ మింతే ఇంజో ఓన్కిన్ సంగ్ కేత్తంగ్ . 6 6.ఓరు ఉబ్బైయే డిగి వెడ్కాట్ సంగ్ ఓన్కిన్ కరింగి ఓత్తోరు . 7 7.సర్రెతోడు అదిన్ ఊడి -వెరు పాపిఅత్త మన్నెత గర్రె మందానోంక్కిన్ అత్తోరు ఇంజో నర్గే గుసగుస వెహత్తోడు . 8 జక్కయ్య నిస్స్ మెండే -ఇదూ ప్రభూ ;నాయద్ ధన్ తాగా దుడా పేదాతోడ్కిన్ ఇయ్యమింతేను నన్నా బెన్నోనాగా అత్కే అన్యాయతే బేదింగ్ అత్కే పొయిసు మత్కే ఓన్కిన్ నాలుగు బాగు మెండే ఇత్తాను ఇంజో ప్రభు సంగ్ కేత్తోరు . 9 9.అదింగ్ యేసు -వేరు అబ్రహాముత మర్రియే బాతంగ్ ఇత్కే నేండు ఈద్ లోహతింగ్ రక్షణ వాస్సు మిందే ; 10 10.డోల్లిమందానాదింగ్ మెహికి రక్షణ ఇయ్యనోంక్కిన్ మన్నెత మర్రు వత్తోరు ఇంజో ఓనాద్ సంగ్ కేత్తోరు . 11 ఓడు ఈ మాటక్కిన్ కేంజానసుట్ తానకు యేరుషలేముతగా గర్రేతే మందానాద్ మైదే దేవుండుతద్ రాజ్యం ఉబ్బైయే తొందితా ఇంజో ఓడు అల్సానాద్ మైదే ఓరు మెండనోండు ఉపమాను కేత్తోరు బెలేఇత్కే ! 12 12.రాజిన్ మర్రు ఓయితుర్రు ఓండు రాజ్యాంతింగ్ కమ్మ కిస్సు మెండే వాయ్ నాదు ఇంజో జుయు దేశం పేయిస్సు అత్తోరు . 13 తనాద్ దాసుడ్కిన్ పదిముల్దింగ్ కరింగి ఓడ్కిన్ పది మినా ఇస్సు -నన్న వాయ్ నస్సోర్ జేలు వ్యాపారు కీముట్ ఇంజో ఓడ్కిన్ సంగ్ కేత్తోరు . 14 14.అత్కే ఓనాద్ పట్టణంతోడ్కిన్ ఓప్పోర్ ఇంజో కేస్సు వేరు మాక్కిన్ పాలన్ కీయనోంక్కిన్ మన్ ఇల్లా ఇంజో పేర్కే మాటతోడ్కిన్ (కబుడుతోడ్కిన్)లోహత్తోడు . 15 15.ఓరు రాజ్యాంతింగ్ కమ్మకిస్సు తిడియి వత్తసుట్;సర్రెత్తోడు వ్యాపారు కీస్సు బాత కమ్మకీత్తోరుకీ పుందనోంక్కిన్ మైదే తానాకు సొమ్ము ఇత్త దాసుడ్కిన్ తనాద్ గర్రెతే కరంగాట్ ఇంజో కేత్తోరు ! 16 తోల్ధనోరు ఓయితురు మున్నె వాస్సు -బాబ్బో,నీయద్ మీనా కైదే పది మినా దొరాస్కాతాను ఇంజో కేత్తోరు . 17 17.ఓరు -నెక్కైయే మేల్తా నెల్లోతా దాసుడుతోని నిమ్మ ఈద్ సుడుర్ తే నమ్మకంతే మత్తిను అదింకు పది పట్టణంతగా పొర్రో అధికారి అస్సు మన్ను ఇంజో ఓన్కిన్ సంగ్ కేత్తోరు . 18 అసుట్ వేరేతోండు వాస్సు -బాబ్బో నీయద్ మినా కైదేనే అయింగు మీనాకిన్ కమ్మకితాను ! 19 19.ఓరు నిమ్మ మెండే అయింగు పట్టణంతగా పొర్రో మన్ను ఇంజో ఓనాద్ సంగ్ కేత్తోరు. 20 అసుట్ మెండనోయితురు వాసు బాబ్బో ;ఇదూ నీయద్ మీనా ;! 21 21.నిమ్మ వాట్వాదింకు పేయికానోని ;విత్వ్ దింక్ కోయధనోను అత్త కటినుత్తోను అదింకు ;నీక్కి వెర్రియి ఇదింకు రుమాలుతే తోహసు తాస్తాను ఇంజో కేత్తోరు . 22 అదింకు ఓరు ఓప్వనోని దాసుతానోని ;నీయద్ పయుర్ తా మాటతింగ్ పొయిస్సు నీక్కిన్ తీర్పు కిత్తాను;నన్న కోయదానోని అత్తా కటిన్ తోను ఇంజో నిమ్మ పుంజ్ మత్కేయు . 23 23.నిమ్మ బాడు నాయద్ సొమ్ముతింగ్ సౌకాడిదాగా వాట్విన్ అల్కేను కీస్సుమత్కే నన్న వాస్సు వడ్డిత్ సంగ్ అదింగు పోయ్యేను ఇంజో ఓన్కిన్ సంగ్ కేస్సు , 24 వేనాగా తింసో ఆద్ మీనా టెండి ఎస్సి పది మినా మందానోంక్కిన్ ఇమ్ముటు ఇంజో గర్రె నిస్సుమంధనోడ్కిన్ కేత్తోరు! 25 25.ఓడు బాబ్బో ;ఓన్కిన్ పది మీనాయు మిందే గాదా ఇంజో కేత్తోరు ! 26 అదింకు ఓరు మందన్ సర్రెతోడ్కిన్ ఇయానాద్ అత్త ఇల్వాన్ క్కిన్ నాగా తింసో ఓన్కిన్ మందనాద్ టెండి ఎసానాద్ అత్త ఇంజో మీసంగ్ కేత్తమింతేను ! 27 27.మెండే నన్న దమ్మ్ క్కిన్ పాలన్ కీయనోంక్కిన్ మన్ ఇల్వానోడ్కిన్ నాయద్ శత్రువుతింగు ఇగ్గా తస్సు మెండే నాయద్ మున్నె మాపిముట్ ఇంజో కేత్తోరు ! 28 యేసు ఈ మాటక్కిన్ కేస్సు యేరుషలేముతగా దాయనాద్ ఇంజో మున్నెయే తియడ్ అస్సు అత్తోరు! 29 ఓరు ఓలీవల మెట్టత మందన్ బెత్పగే బేతనియ ఇందన్ నార్దగా గర్రెతేయు వత్తసుట్ ;తనాద్ శిష్యుడ్కిన్ ఇడ్వుడ్కిన్ కరింగి ! 30 30.మీడు మున్నెమందన్ నార్దగా అన్నుట్ ;ఆదినా మీడు అంజోవాయేకేనే తోహోసు మందాన్ ఓండు గాడిద పిల్ల మిక్కిన్ తొందితా ?అదినాగా పొర్రో బేన్ మన్నెరు బేసుట్ కుద్ధాడే ఆదిన్ లేస్సు పుడి తాడాట్ ! 31 31.బేన్నోరు అత్కే మిడు బాతంగు ఇదింగ్ లేతా మింతిడు ఇంజో మిక్కిన్ తాల్కే -ఇదు ప్రభు తింగ్ అక్కర్ అస్సు మింతే ఇంజో ఓనాద్ సంగ్ కేల్లాట్ ఇంజో కేస్సు ఓడ్కిను లోహోత్తోరు . 32 లోహతనోడు అంజ్ ;ఓరు తమద్ సంగ్ కేత్త లేక్కేనే మేహ్కి ! 33 33.ఆద్ గాడిద పిల్లతింగ్ లేసోమందానాద్ ఊడి తాను (యజమాను)బుడియోరు -మిడు గాడిద పిల్ల్లతింగ్ బాతంగు లేతా మింతిడు ఇంజో తాల్కాతోరు. 34 34.అదింకు ఓరు -ఇదు ప్రభుతింగ్ అక్కర్ తే మిందే ఇత్తోడు . 35 35.అద్ పేర్కే ఓడు యేసున గర్రె అదింకు పూడి తాస్సు ఆద్ గాడిద పిల్లతగా తమవ్ గిసిడి వాట్తోడు ,యేసును అధినాగా తార్సిస్సు ! 36 36.ఓరు దాయనసుట్ తమవ్ గిసిడి అర్ర్ సర్రె తార్తోడు . 37 .ఒలీవమెట్టతగా తింసో డిగాను పోడియతగా ఓరు గర్రెనే ఎవదనసుట్ శిష్యుడ్కు సర్రెతోడు వెడ్కాతే . 38 38.ప్రభు పెదేర్తే వాయనోరు రాజు స్తుతి అత్తోరు గాక పరలోకంతే సమాదాన్ ఓస్సైయే శక్తిమందాన్ పోడియతగా మహిమ మంతా గాకా !ఇంజో తామక్ ఊడ్తా అధ్బుత సర్రెతావుకిన్ మైదే నెక్కియే బుడియ లెంగ్తే దేవుండ్కిన్ స్తోత్రము కీయ పోయిస్పోత్తోడు ? 39 అద్ సముహంతగా మందాన్ దూడతోడు పరిసయ్ తోడు బోధకియనోని ;నీయద్ శిష్యుడ్కిన్ బెదిరించ ఇంజోయే ఓనాద్ సంగ్ కేత్తోరు . 40 40.ఓరు ఓడ్కిన్ ఊడి మిడు కొట్టోమత్కే ఈద్ కల్కు లేంగ్ పేస్పి కేయానాద్ ఇంజో మిసంగ్ కేత్తమింతేను ఇత్తోరు . 41 ఓరు పట్టణంతగా గర్రె ఎవతాసుట్ అదింకు ఊడి అదిన్ విషయ్ తే కేయ్యి ! 42 42.నిమ్మ మెండే ఈద్ నీయద్ దినాంతే సమాధాన్ తా విషయ్ పుంజ్ మత్కే నీక్కిన్ బేస్సోర్ మేలు,కొని ఇంజే అవ్వు నాయద్ కొండక్కిన్ తొంధ్వాకొంసో కీస్సు మింతే ! 43 .ప్రభు నిక్కిన్ దర్శన్ కిత్త కాలం నిమ్మ పున్వామతిను అదింకు నియద్ విరోధిడు నియద్ సర్రెతిడియి మింతేడు ఇంజో సర్రె (పక్కకిన్)అరంగింగ్ నిక్కిన్ బంద్ కిస్సు ;నీయగా మందాన్ నీయద్ పిల్లన్ సంగ్ మెండే నిక్కిన్ నెల్దగా కలిపి! 44 44.నీయగా కల్దపొర్రో కల్లు నిస్సు మందాన్ దినాము వత్తా ఇంజో కేత్తోరు. 45 దేవుండుత మందీర్ తగా నెంగి అదినాగా వమ్మనాద్ కీయనోడ్కిన్ సంగ్ నాయద్ 46 మందీర్ ఇంజో రాసి మిందే అత్కే మిడు అదింగ్ డోంగానాద్ లోహతలేక్కే కిత్తిడు ఇంజో కేస్సు ఓడ్కిన్ పుడానాద్ మొదల్ కిత్తోరు . 47 47.ఓరు సర్రెదినాలకినే దేవుండుత మందీర్ తగా బోధకీసొడే మందనసుట్ ;ప్రధాన యజాక్ శాస్త్రీడు ముల్దగా బుడియోడు ఓన్కిన్ నాశనం కియనోంక్కిన్ ఊడోమత్తోడు ! 48 48.ముల్ సర్రెతోడు ఓనాద్ వాక్యాముతింగ్ కేంజానోంక్కిన్ ఓన్కిన్ ఉరింగి మత్తోడు అదింగ్ బాత కీయనాద్ కీ ఓడ్కిన్ అల్సాడ్ తాగా వావో !