1 ಕ್ರಿಸ್ತ ಯೇಸುಮ ಜೆಲಮ್ಮ ಚ್ಚತೆ ಪೌಲನ, ಬೈ ಹುಇರೋತೆ ತಿಮೋತಿ ಯೋ ಅಪ್ಣಾ ಪ್ರೀತಿ ಹುಇರೋತೆ ಸೇವೆಕರವಲೋ ಫಿಲೋಮನಕರಿ ಥುನಬಿ 2 .ಭುಜು ಸಹೋದಿರಿ ಹುರಿತೆ ಆಪ್ಪಿಯಲ್ನ ಅಪ್ಣಾ ರಹೊ ಚಲವಲೋ ಹುಯಿರೋತೆ ಅರ್ಖೀಪ್ಪನಿಗೂ ತರು ಘೇರ್ಮಬಿ ಸಬೇವಲನಬಿ ಲಿಖುಕರ್ಕುರ್ತೆ ಶಾತ್ಕಥೋ ಅಪ್ಣಾ ಬಚ್ಚತೆ ದೇವ್ಕಂತು- 3 ಬಿ ಏಸುಕಂತು ಬಿ ಥುಮ್ನ ಕೃಪೆಬಿ ಶಾಂತಿಬಿ ಹೂವಾದ. 4 ಕರ್ತನದ ಏಸುಪರ್ ತು ಮೇಲಿರ್ಯಕೊತೆ ಪ್ರೀತಿನಬಿ ದೇವ್ನ ಅದ್ಮಿನ ಉಪ್ಪರ್ಬಿ ತರಿ ಪ್ರೀತಿನ ಬೇಕಾಡಿನ್ ಕಂಜೂತೆ ದೇಖಿನ್, 5 ಮರುಪ್ರಥನೆನ ಕದೇಬಿ ಥುನ ಖಾಯಲ್ ಕರಿಲಿನ್ ಥುನ ದೇವ್ನ ಸ್ತೋತ್ರಮ್ ಕರಿಷ್. 6 ಕ್ರೀಸ್ತುಮ ಅಪ್ಣಾ ಮಲಿಯುತ್ತೆ ಖರುಸ್ ಅಚ್ಚುಬೇಖದೀನ್ ತು ದ್ಯಾನಂನ್ನ ಪಾಂಧಿಲಿನ್ ಕ್ರಿಸ್ತನಿ ನಾಂಕಮ್ಮ ಚ್ಚತೆ ತರಿ ಗುಣಮ್ಮಬಿ ಕ್ರಿಸ್ಥುನ ಘನಿ ಮಹಿಮನ ಕರನುಕರಿ ಪ್ರಥನೇ ಕರುಕರುಸ್. 7 ಭಾಯ್ಯ, ತರಾಮಹನಿತು ದೇವ್ನ ಆದ್ಮಿನ ರುದಾಯಮ್ನಖುಷಿಹುಎತೆ ಥುನ ಪ್ರೀತಿ ಖಮತೆ ಮನ ಘನು ಅನಾನಂದಮ್ ಸಮದನಂ ಹುಯು . 8 ಆಜೂಷತ್ಕಥೋ ತು ಅಚ್ಚನ ಕರನುಕರಿನ್ ಆಗ್ನೇದೇವನ ಮನ ಕ್ರೀಸ್ತುಮ ಗನುಡಿಕರಾಮ್ ರಹಿತೋಬಿ ಇಮ್ಮಸ್ ಆಗ್ನೇಕೋಇನಿತೆ. 9 ಬುಡೊ, ಹಂಕೆ ಕ್ರಿಸ್ಥೂಮ ನಿಮಿತಮ್ ಜೆಲ್ವಲೋ ಹುಇರೋತೆ ಆ ಪೌಲ ಕರಿನ್ ಮೇ ಪ್ರೀತಿನ ನಿಮಿತಮ್ ಥುನ ಬೇಡಿಲೆವುಂಕರುಸ್. 10 ಮೇ ಜೇಲ್ಮಾ ಭಂದಇರೋಸ್ಥೆ ತದೇ ಮರೋ ಚಿಯ್ಯನಿಗೋಣಿ ಅಯೋಥೆ ಓಣಿಸಿಮನ ವಿಷಯಮ್ಮ ಥುನಬಿ ಬೇಡಿಲಿವುಸ್. 11 ಇವನೇ ಅಗಡಿ ಥುನ ಪ್ರಯೋಜನಮ್ ಕೋಇನಿತು.ಹಂಕೆ ಥುನಬಿ ಮನಬಿ ಪ್ರಯೋಜನಮ್ ಹುಯು. 12 ಮನ ಜನವಲೋ ಹುಇರೋತೆ ಇನಬಿ ತರಿ ಜೋಡ್ಮ್ಮ ಪಸೋ ಮೊಕಲ್ಕರೋಸ್ 13 ಮೇ ಸುವಾರ್ತೆ ನಿಮಿತ್ತ ಜೆಲ್ಮ್ಮರಹೇಥೆದೆ ಮನ ವುಪಚರಂ ಕರನುಕರಿನ್ ಮರ ಬದಲ್ ಇನ ಮರಿ ಜೋಡ್ಮ್ಮ ಬಚ್ಚಇಳೇನುಕರಿನ್ ಸೂಚಿಯೂ. 14 ಕತೊ ಥುನ ವುಪಕರಾಮ್ ವತ್ಹ ಯಂನಪಡನುತೇ ಮನಪುರಕಮ್ ರನುಕರಿನ್ ಯೋಚನೆ ಕರಿನ್ ಬೇಜರ್ನರನುತೇ ಶಾತ್ಬಿಕರನುಕಥಾ ಮನ ಇಸ್ಟಮ್ಕ್ ನಿ. 15 ಇವನೇ ತೊಡದನ್ ಮರೇತ್ಹಿ ದೂರಚಲಿಗುತ್ತೆ ಬಾಹುಶಾಮ್ ತು ಇನ ನಿರಂಥರಾಮ್ ಮಲೈಳೇನುಕರಿನ್ ಇಮ್ರಾಶೇ ; 16 ಹಂಕೇತು ವಪ್ಪರ್ ಯೋ ದಾಸನಾಹುಇರನುತೇ ದಾಸತೀ ವಪ್ಪರ್ರನುಕರಿನ್ ವುತಮ ಹುಇರುತೆ ಪ್ರೀತಿವಲೋ ಬೈ ಹುಇರನುಕರಿನ್. ಯೋ ಮನ ಗನು ಪ್ರೀತಿವಲೋ ಕರಿನ್ ತುನಾ ಲೋಕಮಣಿ ಗೋಣಿ ದೇವನ ಸಮಂದಮ್ಮ ಬುಜು ಗನು ಪ್ರೀತಿವಲೋಕಯೇನ ? 17 ತು ಮನಬಿ ಜೋಡವಲೋಕರಿನ್ ಚೂಣಿಯೊತೋ ಮನಬಿ ಮಲೈಳೇನುಕರಿನ್ ಪ್ರಕರಾಮ್ ಇನ ಮಲೈಳ. 18 ಕಥೊ ಇನೆತೀ ಥುನ ಶಾತ್ಥೋಬಿ ನಾಸ್ಟಮ್ ರಹಿತೋ ಆಜುಕಥೋ ಇವನೇ ಥುನ ಕರಾಜ್ ಪೆಡ್ನುಕರಿನ್ ವಶೇತೋ ಯೋ ಲೆಕ್ಕಮ ರನು. 19 ಮೇಸ್ ಧಿನ್ ಮೆಡಿನ್ ಥಿರ್ಶನ್ಸ್ ಪೌಲಕರಿ ಮೇ ಸ್ವಾತಂಮ್ ಹಥ್ಖು ಲೀಕ್ಹೈಕರುಖುಶ್ ತಾರು ಆತ್ಮ ಖು ವಿಶೇಷಯಮ ತೂಸ್ ಮನ ಜೊಡ್ ಹುಯೋ ಕರಿ ಮೇ ಅಳದು ಬೋಲ್ನು? 20 ಹೋ ಭೈ ,ದೇವುಮ ತರೇಖಾಹು ಮನ ಪ್ರಯಜೋನಂ. ದೇವುಮ ಮರು ಹೃದಯಮ ಸಂತೋಷಮಪಡಿಸವು. 21 ಥುಸ್ ಶಪೂತ್ಹಿ ಅಖ್ಹ್ ಹುರೈನ್ ಆ ಪತ್ರಿಕನ ಥುನ ಲೀಕ್ಹುಸ್. ಮೇ ಬೋಲಾಖ್ಹೂಬಿ ಗನೊತಿ ತು. ಕರಸ್ ಕರಿನ್ ಮನ ಮಲಾಮ್. ಸ್ಟ್ಲಿ ವತೆ ಖಾಹಾಲಂ. 22 ಆ ಕಎಥೆ ದೇವು ತುಮರಿ ಪ್ರಥನೆನ ಖಂಜಿನ್ ಮೇ ತುಮರಿ ಜೋಗೋ ಅವನಟಕೆ ಕೃಪೆಕರಿಷ್ಕರಿನ್ ನಿರೀಕ್ಷೆ ಮನ ಚಹಾ. ಇನ್ಕಾಜೆ ಮನಟೇಕೆ ಏಕ್ ಖಾನಾಣಿ ರೂಮ್ನ ಬಂದವು. 23 ಕ್ರಿಸ್ಥು ಯೇಸುಮ ತರಖ್ಹು ಮರಿ ಜೋಡ್ಮ್ಮ ಜೆಲ್ವಲೋ ಎಪಪ್ರ ಥುನ ಖಾಹಾಲಂ ಮಲಂಕರವಸ್. 24 ಮರ ಜೋಡ್ಮ್ಮ ಜೋನುಕರವಲೋ ಮರ್ಕ,ಅರಿಸ್ತಾರ್ಕ ,ದೇಮ ,ಲೂಕ ತುನಾ ಖಾಹಾಲಮಕರಸ್. 25 ಹಮರೋ ದೇವು ಹುಇರೋತೆ ಯೇಸು ಕ್ರೀಸ್ತು ಕೃಪೆ ತುಮುನ ಆತ್ಮಮ್ಮ ರವಾದ. ಅಮೆನ್