ಪೌಲ ತಿಮೊಥಿನ ಲಿಕ್ಕಿಯುಥೆ ಭೆಮನು ಪತ್ರಿಕಂ ಕ್ಹಾನದ್ ¹ ಕ್ರಿಸ್ತು ಯೇಸುಮ ಚಾತ್ಹೆ ಜಾನ್ನುದೇವಾನು ವತ್ಹೇನ ಮಲಮ್ಖರವನಟೆಕೆ ದೆವುನೀ ಘೋಣಿ ಕ್ರಿಸ್ತು ಯೇಸುಮ ಅಪೋತ್ಹಲ್ ಹುಇರೋಥೆ ಪೌಲನ, ² ಮಾರೋ ಪ್ರಿತಿವಲೋ ತಿಮೊಥಿನ ಲಿಕ್ಕನು ಶಥ್ಕತ್ಹೋ - ಬಾಹುಇರೊಥೆ ದೆವುಮಬಿ ಮಾರೋ ದೆವುಹುಇರೋಥೆ ಕ್ರಿಸ್ತು ಯೇಸುಮ ತುಮನ ಕೃಪಂ ಕರುಣಾ ಶಾಂತಿ ಹುವ್ವದ.ತಿಮೊಥಿನು ಸುವರ್ಥಸೇವೆಮ ನಮ್ಕಂಕ್ಹುರಾನುಕರಿನ್ ವಥ್ಹೆ. ³ ಮೇ ಧಾನ್ ರತ್ ಮಾರಿ ಪ್ರಥ್ನೆಮ ತುನಾ ಭೈಕಿಶ್ಕೊಇನಿಥೆ ಖ್ಹಯಲ್ಕರಿಲಿಶ್. ಅಮ್ಖಾಯೇಥೆ ಮೇ ಜ್ಹಮನನು ಭಕ್ತ್ಹಿನು ವಾಟ್ ಪಾರ್ಚಲಿನ್ ಅಚ್ಹುಮನಸುತು ಕ್ಹಾಳಮ್ಕರಸ್ಥೆ ದೆವುನ ತಾರಿ ವಿಷಯಮ್ತಿ ಕ್ಹಾಳಮ್ಕರುಸ್. ⁴ ಮೇ ತುನ ಅನ್ಜುನ ಕ್ಹೊನ್ಯ ಲಾಯಿನ್ ತುನದೇಖಿನ್ ಖುಶಿಪಡ್ನುಕರಿನ್ ಸೋಚ್ಹುಸ್. ⁵ ತರಮಚಾಥೆ ಅಚೂಚಥೆ ನಂಕಂ ಮರಿಖಾಯಲ್ಮ ಆಯೋ. ಯೋ ನಂಖಂತಾರಿ ನನಿಚ್ಚತೆ ಲೋವಿಮಬಿ ತಾರಿ ಅಮ್ಮಹುಇರಿಥೆ ಯೂನಿಕಮಬಿ ರಹಿನ್ಜುನ್ಕರಸ್; ಇಮ್ಮಸ್ ಯೋ ತರಮಾಬಿ ಜಿಉಂಕರಸ್ ಕರಿನ್ ಗಟ್ ಕ್ಹು ನಮ್ಬಿಯ. ⁶ ಉಜುಕತ್ಹೋ ಮೇ ತುನ ಮುಡಿಕ್ಯಾನಪರ್ ಮೇಲಿಯೋತಿಮ್ ತುನಾಮಲಿಯುಥೆ ದೇವುನು ಕೃಪಮ್ ವರಂ ಉಜಳು ಕರ್ನುಕರಿನ್ ತುನಾಬೋಲಿದೆವುನ್ಕರುಸ್. ⁷ ದೇವೂ ಮನ ದಿಧೋಥೆ ಅತ್ಹ್ಮನಿ ಬಲಂ ಪ್ರಿತಿನು ಪಡವನು ಅತ್ಹ್ಮಮಾಸ್ ಮಲಂ ಗಲಿಜ್ಹ್ನು ಅತ್ಹ್ಮಕಯ್ಹೆ. ⁸ ಅಜ್ಹುಕತ್ಹೋ ತುಮನ ದೆವುನ ಬಾರೇಮ ಬೋಲನು ಸಾಕ್ಷಂನಿ ವಿಷಯಮ್ಮಬಿ ಯೋ ಜೆಲ್ಮಚಾತ್ಹೆ ಮಾರಿ ವಿಷಯಮ್ಮಬಿ ಶರಮ್ ನಕ್ಹನುಥೆತಿಮ್ ದೆವುನು ಬಲಮ್ಮನ ಮಲೈಲಿನ್ ಮರಜ್ಹೊಡಮ್ಮ ಸುವಾರ್ಥನಟೆಕೆ ಕಸ್ಟಮ್ ಅನುಬೋಗಿನ್ಚೂನು. ⁹ ಯೋ ಅಪನಾಮಚಾತ್ಹೆ ಕಾಮ್ನ ದೆಕಿಯುಕಯೇಥೆ. ಇನಿಂಥರ ಕ್ರುಪಮ್ತಿ ಹಮನ ಕಾಪಾಡಿ ಪರಿಶುಧಹುವನಕಜೆ ಬೋಲಯೋ. ¹⁰ ಯೋ ಜಾಗ್ಮಯೋ ಕೃಪಮ್ಮ ಕ್ರಿಸ್ತು ಯೇಸುಮ ಹಮುನ ದೀನ್ ಹಂಕೆ ಮರು ರಕ್ಷಕಹುಯಿರೋಥೆ ಕ್ರಿಸ್ತು ಯೇಸುಮ ದೇಖಯುತೆ ತಿಮ್ ಯೋ ಮಲಮ್ಕರಯು. ಅತ್ಹೊಬಿ ಮರಣಮ್ಮ ಬರೋಬರ್ಕರಿನ್ ಸುವರ್ಥನಿಗುಣಿ ಜೀವನ ನಮ್ನಉಝಾಳಮ ಲಯು. ¹¹ ಯೋ ಸುವರ್ಥನಟೆಕೆ ಮೇ ಬೊಲಿಒಥ್ಯಲೊಥಿಮ್ ಅಪೋಸ್ಥಲ್ನಿಗೊನಿ ಬುಜ್ಹು ಮೊತನಿಗೋಣಿ ಚುಣಯು. ¹² ಇನ ಇಂಥಿಸ್ ಅ ಖಷ್ಟಮ್ನ ಅನುಬೋಗಿಚಿನ್ ಚಾ .ರೈತೋಬಿ ಮೇ ಶರಮ್ಕೊಕೈಷಿನಿ. ಮೇ ನಮ್ಮಿರಯೋಥೆನ ಮಲಮ್ಕರ್ಲಿದೋ. ಯೋ ಮನ ಒಪ್ಸೈರಕಿಯುಥೆ ಇವನೇ ಯೋ ದಂತೋಡಿ ಬಚ್ಹವನ ಶಕ್ತ್ಹಿವಲೋಕರಿನ್ ಗಟ್ಕ್ಹು ನಮ್ಮಿರಕಿಯೋಸ್. ¹³ ತು ಕ್ರಿಸ್ತು ಯೇಸುಮಚಥೆ ನಮಕಂ ಪ್ರಿತಿಮ ಚ್ಹಕರಿನ್ ಮರೆತಿ ಖಾಮ್ಜಿಯೋಥೆ ಅಚ್ಹುಹುವ್ವನಿ ಬೋಳನಿವಕ್ಕಿಯಮ್ನ ಬರಬರ್ಥಿರನುಕರಿನ್ ಜಾವೋ. ¹⁴ ಥರಬ್ಹಾಣಿ ಒಪ್ಸಯುಥೆ ಅಚ್ಚಿವಿಶಯಮ್ನ ತುಮರಮ ಜಿವೊಂಖರಸ್ಥೆ ಪವಿಥ್ರತ್ಹ್ಮಣಿತಾರಖ್ಹುಿನ ಕಾಪಡಿಲಾ. ¹⁵ ಅಸ್ಯಪ್ರಾಂಥಮ್ಮಚ್ಚಥೆಖರು ಮನ ಹತ್ಮೆಲಿಯುಕರಿನ್ ತುನಾ ಮಾಲಂ. ಇವಣಮ ಪುಗೀಲನು ಹೆರ್ಮೆಗೆನನು ಮಾಳಿಯೂ. ¹⁶ ಒನೆಸಿಪೋರನ ಗರ್ವಳನ ದೇವೂ ಆಯೋಪಪ್ಕಾರಿ ವಥಳದ;ಯೋ ಖ್ಹರಿಟೆಂಪರ್ ಮನ ಮಲಮ್ಕರಯು ; ¹⁷ ಮನ ಬಂದಿಯುಥೆ ಶ್ಹರಮ್ಕೊನಿಥೆ ರೋಮಪುರಮ ಅಇನ್ ಇಗ್ಗಿಸ್ ಗ್ಹನು ಅಕ್ಹ್ ತಿ ಖ್ಹಂಜಿನ್ ಮನಬಿ ಡುಂಡಿನ್ ದೆಕಿಳಿದು. ¹⁸ ಇವನೇ ಯೋ ದನ್ಮ ದೆವುಥಿ ಅಯೋಕರಿ ಬೋಲ್ನುಕರಿನ್ ದೇವೂ ಇವನ ದೇವಾದ. ಎಪೆಸಮ ಇವನೇ ಮನಾ ಕೆತ್ರೆಕಿ ಉಪಕರಂಕರಿಯುಕರಿನ್ ತುನಾ ಪಶಾಂಥ್ರಮಲಂ.