1 ಭಾಹ್ಯೇ ,ಅ ಸಂಗಥಿಖರು ಚಲವಳು ಹುಇರುಸ್ಥೆ ಕಾಲಮ್ಖರು ಸಮಯಂ ಕ್ಹರು ತಿಮ್ತುಮನ ಲಿಕ್ಕಿಯೇಸ್ ಅವಸರಂ ಕೊಇನಿ 2 .ರಥೆ ಚೋಟು ಖಿಮ್ಅವಸೆಕಿ ಇಮಾಸ್ ದೆಉನೂ ದಂಬಿ ಅವಶೇಕರಿನ್ ತುಮೆಸ್ ಪಶಂತ್ರ್ ಮಲಮ್ 3 .ಸಮದನಂಕ್ಹುದರ್ಖು ರಶುಕರಿನ್ >>ಆದ್ಮಿ ಖಮ್ಜುಕರಸ್ಥೆ ನಶನಂ ಇವನುಪ್ಪರ್ ನಮ್ಬಕಮ್ಕಮ್ ಕೊಇನಿಥೆ ,ಬೇಜುನಿ ದರದ್ದ್ ಅವಸ್ಥೆ ಇಮಾಸ್ ಅವಶೇ ;ಇವನೇ ಕಿಂ ಚುಕೈಲಿಷೆ . 4 ಕತು ಬಹ್ಯೇ ,ಯೋ ಧನ್ ಚೋತ್ತ್ಹಣಿಗೋಣಿ ತುಮರುಪ್ಪರ್ ಅವಶೆಕಯೇನ ; ಅಮಕತು ತುಮೆ ಹಿಂದರಮರವಳಕಯೇ 5 . ತುಮೆಖರು `ಉಜಲನ ಚೋಗರ `ಉಜು `ದನ್ನ ಚೋಗರ `ಉಇರಸ್ ;ಹಮೆರಥೆವಳ ಕಾಯ್ಹೆ , ಇನ್ದರವಳಕಯ್ಹೆ . 6 ಶೇಕತು ಹಮೆ ಅಳಧನಿಗೊನಿ ನಿನ್ಧರ್ಲೆವಳ ಕಹೆಥೆ ಹೊಶರ್ಖು ರಯ್ಯೆ ,ಅಚಿಬುದಿಕ್ಹುರೈಯೇ . 7 ನಿನ್ಧರ್ಲೆವಳು ರಥೆಮ ನಿನ್ದರ್ಲೆಸ್, ನಿಶಮರವವಳು ರಥೆಮ ನಿಶಮರಷೆ . 8 ಹಮೆತುಬಿ ಉಜಲವಲಹುಇರಸ್ಕಥು ನಮ್ಕಂ ಪ್ರಿಥಿಖು ವಜ್ರಮ್ನು ಲುನ್ಗದನ ರಕ್ಷನಮುನಿ ಅಕ್ಹನ ಪೆರಕ್ಹುಪೆರಿಲಿನ್ ಅಚಿಬುದಿಕ್ಹುರಯೇ. 9 ಶೇಖತು ದೇವೋ ಅಪ್ಪನ ಇನಿ ಚಂದಲ್ಮ ಗುರಿಹುನುಖರಿ ನೆಮಿನ್ಚಿನ್ ಹಮೆ ಹಮ್ನ ದೆವುಹುಇರೋಸ್ಥೆ ಯೇಸುಕ್ರಿಸ್ಥಾನಿ ಮುಳಕಂಮ್ ರಕ್ಷನಮ್ ಲೆನುಕರಿನ್ ನೆಮಕಕರಿಯು. 10 ಹಮೆ ಜಿವಿಥಮ್ಮ ಜಥನ್ಕ್ಹುರವವಳನ ಜೋಡ್ಹ್ರಾಯತುಬಿಸರಿ, ಅಮ್ಕಾತು ನಿನ್ದರ್ಮರತುಬಿ ಸರಿ , ಇನಿಜೋಡಮಾಸ ಜಿವಿಸ್ಖರಿನ್ ಯೇಸು ಹಮರತೆಕೆ ಇನು ಜಾನ್ ದಿದ್ಹೋ. 11 ಬುಜುಕತ್ಹು ತುಮೆ ಹಂಖೆ ಕರುಕರೆಸ್ಥೆ ಪ್ರಕರಮಾಸ್ ಯೆಕ್ನಯೇಕ್ ಉಸ್ಥವಮ್ಖು ರಯ್ಯೆನ್ ಯೆಕ್ನಿಭಾಕ್ಥಿನ ಬುಜಿಯೇಕದ್ಮಿ ಉಪ್ಪರಯಿನ್ ಅಗಡಿಭಾಢವು .ಕ್ರಿಸ್ತುನು ಆದ್ಮಿ ಪಲಿಚಲನು ತೋಡುನಿಯಮ ದಡು 12 ಭಯೇ ,ತುಮರಮ ಕೊಣ್ ಮುಕ್ಯಸ್ಥಮ್ಖು ಪ್ರಯಸಂ ದೆಉನು ವಿಷಯಂ ತುಮ್ನ ಬೊಲ್ಥಾಉಸ್ಥೆ , 13 ಇವನ ದೆಖಿನ್ ಇವನ ಕಮ್ನಿನಿಮಿಥಂ ಪ್ರಿಥಿಖು ಗನುಖು ಗುರಮ್ದೆನುಖರಿ ತುಮ್ನ ಬೆಡಿಲೆಉನ್ಕರೆಸ್. ತುಮತುಮರಸ್ಮ ಸಮದನಂಕ್ಹು. 14 ಭಾಹ್ಯೇ, ಮರ್ಯದದೀನ್ ಚಲಾವಣ ಬೋದ್ದಿಬೋಲೋ, ಮನಸುಪುತಿಗುಥೆ ಇಉಣ ಧೈರಮ್ದೆವು, ಸುಸ್ಥುಹುಇಗಥೆ ಅದರಂ ಅಕ್ಹುನಿಜೋಡಮ ಗನುಶಂಥಿಖು ರಹ್ಹೋ ಕರಿನ್ ತುಮನ ಬೋಲಿಯೇಸ್. 15 ಕೊಂಬಿ ಖಾರಬ್ನ ಖಾರಬ್ನಕರುಸ್ಥೆತಿಂ ದೆಖಿಲೆಉ; ಕೆದೆಬ್ಹಿ ತುಮೆ ಯೆಕ್ನಯೇಕ್ ದೆಕಿರಯಸ್ಥೆ ಕರಿಯಸ್ಥೆತಿಂ ಅಖೌನ ಅಚ್ಹುಉಸ್ ಖಾರವಳುರವೋ. 16 ಖದೆಭಿ ಖುಸಿಖುರವೋ; 17 ಮೇಲ್ನುನಥೆ ಪ್ರಥನೆಕರು; 18 ಅಕ್ಖಮ ಘನುಸುಥಿಕರೋ. ಅಸ್ ತುಮ್ನ ವಿಷಯಮ್ಕು ಕ್ರಿಸ್ತು ಯೇಸುಮ ದೆಖಯುಥೆ ದೆವುನಿ ಚಿತಾ. 19 ತುಮರಮ ಚಥೆ ಪರಿಶುದ್ಥಥ್ಮನ ದುಖಂ ನಕೊದೆಓ; 20 ಕ್ಹೊನಿಯನ ಥಸ್ಕರಂ ನಕೊಕರೋ. 21 ಬುಜು ಅಖವುನ ಸೋಚಿನ್ ಅಚ್ಹುವುಸ್ ಘಾಟ್ ದರಿಲೆವು. 22 ಅಖಿವಿಶಯಮ ಖರಾಬ್ ಖಮದುರ್ ರವೋ.ಹುವ್ಗು ವಚನಂ. 23 ಶಾಂತಿಹುಇರೋಸ್ಥೆ ದೇವು ಯೋಸ್ ತುಮನ ಅಕ್ಹುಸ್ ಖರಾಮ . ಹಮರೋ ದೆವುಹುಇರೋಸ್ಥೆ ಯೇಸು ಕ್ರಿಸ್ತು ಬಿಜುಪಸೋ ಅವನಿತೆಮ್ಪರ್ ತುಮರು ಅತ್ಹ್ಮಂ ಜನ್ ಬುಜು ಅನ್ಗ್ಕರು ತುದುಬಿ ಚನ್ದಲ್ಕುಇನಿಥೆ ಖರಾಮ ದೇಖವುನು ಬಚಿಜವಾದ. 24 ತುಮನ ಬುಳಯುಥೆ ನಮ್ಬವಳು,ಯೋ ತುಮರ ಖಮ್ನ ಸದಿಂಚೆ. 25 ಭಾಹ್ಯೇ, ಹಮರಟೆಕೆ ಪ್ರಥಾನೆ ಕರೋ 26 ಪವಿತ್ರಂನಿ ಭುಚಾಲಿನ್ ಭೈಯೇಕ್ಹಾರವನ ಮಳೋ. 27 ಅ ಬುಕ್ನ ಭೈಯೇಕ್ಹಾರವನ ಪಡಿನ್ ವಥಲ್ನು ತುಮನ ದೇವೂಮ ಕ್ಹೊಂಗಥ್ಲೆವುಸ್. 28 ಹಮರೋ ದೇವೂ ಯೇಸು ಕ್ರಿಸ್ತುನಿ ಕೃಪಂ ತುಮರಿಜುಡಮ ರವಾದ.