¹ ತೀನ್ಮೊ ದಾದೆಮಾ ಗಲಿಲಾಯರ್ ಕಾನಾ ಗಾಮೆಮಾ ಏಕ ವಾಯಾ ಚಲೋ ಏಸುರ್ ಯದಿವತ್ತ ರ ² ಯೇಸುನನ್ ಓರ ಚೇಲೇನ ವಾಯಾನ್ ಬಲಾಯೇ ³ ಅಮ್ಗುಉರೆರ್ ರಸ ವೇಗೋ ಜನಾ ಯೇಸುರ್ ಯಾದಿ ಓನ ಉಣ್ಣೆಕಾನ ಅಂಗೋರೇರ್ ರಸ ಚನಿಕನ್ ಕಿ ⁴ ಯೇಸು ಓನ ಯಾದಿ ಮಾತಿ ಟುನ ಟುನ ಕಂಯಿ ? ಮಾರೋ ವಗತ್ ಅಜ್ಜಿ ಅಯೋಕುಮ್ತೀ ಕಣ್ಣೋಜಾನಾ ⁵ ಓರ ಯಾದಿ ಕಾಮೆವಾಲ್ನ ಉ ತಮೆನ ಕಾಂಯಿ ಕಚ್ಚ ಕೋ ಓನ ಕರೋ ಕಣ್ ಕೀ ⁶ ಯುಉದಲ್ ಉಣ್ಣೆರೋ ಧಯೇರ ಹೇವರ ನಯೇ ಎಕ್ಕೆಕಿ ದೀ ತೀನ್ ಘುದಿಯಾ ಫಾನಿ ಪಕದಾಯೇರ ಚೋ ಭಾತರ ಬಾಣವೂನ ವತ್ತಾಮೆಲ್ಲ್ಮಲೆ ⁷ ಯೇಸು ಉಣ್ಣೆನ ಓ ಬನಾಮ ಪಾಣಿ ಭರೋ ಕಣ್ ಕೇತು ಓ ಉಣ್ಣೆನ ಕಂತೆರಾತಾನು ಭರೇ ⁸ ಜನಾ ಉಣ್ಣೆನ ಅಬ್ಬ ಓ ಮಾತಿ ದೋಬಳನ್ ಟೆಳರ್ ನಾಯಕೇರ್ ದಾಂಯಿ ಬೆತಾವೂಕನ್ ಕೋ ಓ ಲೆಜಾನ್ ದಿನೇ ⁹ ಉ ಅಂಗೂರೆರ ಮಲಂ ಕತ್ತೆತಿ ಆಯೋಕನ್ ಪಾಣಿ ಭರೇಜಕೋ ಬಾಂಯಾನಜ ಮಲಂ ಪಾನ್ ಟೆಲೇರ ನಾಯಕೆನ ಮಾಲಾಮ್ ಛೆನೀಜೆತಿ ಉ ಅಂಗೂರೆರ ರಸ ವಿಜಕೋ ಪಾಣಿನ ಸವಾದ್ ಡಿಟ್ಟೋಜನಾ ವೆತದೂನ ಬಲಾನ್ ¹⁰ ಸೆ ಮನಕ್ಯಾ ಅಗಡಿಯಾ ಅಚೋ ಅಂಗೂರೆರ ರಸ್ಸೆನ ದೇನ್ ಜನ ಧಾಪ ಜೆರ ಪಚಚ್ ಸವಾದ ಕಾಮ್ ಚಜೆನ ಡಚ್ಚ ಪಾನ್ ತು ಅಚೋ ರಸ್ಸೆ ನ ಅಬ್ಬೆತಾನು ತಕದ್ಮೆಲೋಚಿ ಕಣ್ ಕೆ ¹¹ ಯೇಸು ಈ ಅಗಡಿಯಾರ್ ಅಚ್ಚಮ್ ಕಲಾರ್ ಕಾಮೆನ ಗಲಿಲಯಾರ್ ಕಾನಾ ಗಾಮೇಮಾ ಕರಣ್ ಓರ ಮಾಹಿಮಾನ ದೆಕಾಲೋ ಎನ್ ಓರ ಚೇಲ ಓರೆಮಾ ವಿಶ್ವಾಸ್ ಕಿದೆ ¹² ಇ ವೇರ್ ಪಚ್ಚ ಯೇಸುನ್ ಓರ ಯಾದಿನ್ ಓರ ಭಾಮ್ಯಾ ಎನ್ ಓರ ಚೇಲಾವೂ ಕಪೆರ್ನ್ಹುಂ ಶೇರಿನ ಜಾನ್ ವಟ್ಟ ತ್ಹೊದ್ಸೆಕ್ ದಾಡ್ ವಸ್ಸೆ ¹³ ಜನನಾ ಯದುಲೇರ ಪಚ್ಚಕ್ ತೆವಾರ್ ದಮ್ಯಿ ಅಮೇಲಿಜ ತಿಟ್ ಯೇಸು ಏರುಸಲ ಮೇನ ಗೋ ¹⁴ ವತ್ತ ದೆವಳೇಮಾ ಬಳದ್ ಗೊಲಿರ್ ಕಬುಉತರ್ ವೆಚವಾಲೋ ನಂ ಪಿಸಾವಾಲ್ ಬಿತ್ತೆಜೆನ್ ದೇಕೇನ್ ¹⁵ ಬದಾನೀತಿ ಏಕ ಹಸುಡುಕರಣ್ ಓತಿ ಗೊಲಿರ್ನ ಬಲದೇರ ಲಾರ ಸೆನ್ ದೇವೆಲರ್ ಬಾರ್ ದಬೆಟನ್ ಪಿಸ್ಸಾ ವಾಲೆರ ಪಿಸಾನ ಉಣ್ಣೆರ ಪಿಟಾನ ಉಮ್ದೋಮಾರನ್ ¹⁶ ಕಬುತರ್ ವೇಚೆವಾಲೋನ್ ದ್ದೆಕನ್ ಇನ್ನೆನ ಈ ಜಾಗೆತಿ ಪಾಲ್ಲೇ ಜಾವೂ ಮಾರ್ ಬಾಪೆರ ಘರೆನ ವೆಪಾರೆರ ಘರ್ ಕರೋಮತ್ ಕಣ್ ಕೋ ¹⁷ ಜನನಾ ತಾರ್ ಘರೆರ ವಾಡಿರ ಅಭಿಮಾನ್ ಮಣ್ಣ ಅಮ್ಗಾರೆರ್ ನುಯೇ ಬಾಲಚ ಕಣ್ ಲಕ್ಕಾಚ ಜೆನ ಓರ ಚೇಲ ವೂ ಹದ್ಯೆರ್ಲಾಲ್ದಿ ¹⁸ ಯುಉದಲೆ ಓನ ತು ಇನ್ನೆನ ಅಡಿಕಾರೆಮತಿ ಕರೋಚಿ ಕಣ್ ಕುನಸೋ ನಿಶಾನೆನ ಹಮೆನ ದಕಾಳೆಚೀಕನ್ ಪೂಚೇಜೇನ್ ¹⁹ ಯೇಸು ಈ ದೇವಲ್ನ ಪೋದ್ನ್ನಾ ಕೋ ಮ ತೀನ್ ದಾದೆಮಾ ಓನ ಭಾಂದುಚುಕಣ್ ಕೋ ²⁰ ಜನಾ ಯೂದುಲೇ ಈ ದೇವೇಳೆನ ಬಂದೇನ ಚಾಳಿಸನ್ ಚೋ ವಾರ್ಸ್ ಪಕದಾಯಿ ತು ಓನ ತಿನ್ ಧಾದೆಮಾ ಬಂದೆಚಿಕ ಕಣ್ ಕೆ ²¹ ಪಾನ್ ಉ ಓರ್ ಜೀವದರ್ ದೆವಳೇರ ಬಾರೆಮಾ ಓವಾಟೆನ ಕೋ ²² ಜೆರವಾಸ್ ಉ ಏರ ನಯೇ ಕೋಜೆನ ಉ ಮೋತೇತಿ ಉಟುಜೆರ ಪಚಹ್ಕ್ ಓರ ಚೇಲಾ ಹದೆಲಾನ್ ಗ್ರ್ಮ್ಥೆರ ವಾತೆನನ್ ಯೇಸುರ್ ವಾಟೆನ ವಿಶ್ವಸ್ ಕರೆವಾಲ್ ವೆಗೆ ²³ ಓ ಪಸ್ಕ್ಕರ್ ತೇವಾರೆಮ ಏರುಸಮೇಮಾ ರಾಜನಾ ಉ ಕಿದೋಜಕೋ ಅಚ್ಚಕಲಾರ ಕಾಮೆನ ಘನೆ ಡೆಕನ್ ರ ನಾಮೇಮ ವಿಶ್ವಸ್ ಕಿದೆ ²⁴ ಪಾನ್ ಯೇಸು ಸೇನ್ ವಾಲಕ್ ಮೇಲೋ ಜೇರ್ ವಾಸ್ ಉ ಉಣ್ಣೆನ ನಮ್ಮೋ ಕೋನಿ ²⁵ ಓ ಹರಿಏಕೇರ್ ದಲ್ಮನ್ ವಲಕಮೆಲೋಜೇರ್ವಾಸ್ ಕುಣಿ ಕುನಸ್ ಮನಿಕ್ಯಾರ್ ಖಬರೆಮಾ ಓ ನ ಗವಾಯಿದೇರ ಜರೂರ ಛೆನಿ