¹ ಜೇತಿ ದೇವೇರ್ ಆರಾಮೆರ್ ದಾಡೆಮ ಭಲೇರ್ ವಾಗ್ದಾನ್ ಅಪ್ನೆನ ರೇತು; ತ್ಮೆಮಾ ಕೊಯಿತೊಯಿ ಒಣ ಪಾಯೇನಿಜು, ಹೋತೋ ಫ ರ್ಜಯೇಲರ್ ಸರಿಕ್ ರೆನಿಜು ಧಾಕೆತಿ ರೆವೋ; ² ಉನ್ನೆನ ಅಚ್ ಖಬರ್ ಪ್ರಚಾರ ವೋಜು ಅಪನೇನಿ ಪ್ರಚಾರ್ ವೋ;ಪಣ್ ಓ ದಾದೆಮಾ ಸಾಮಳೆಜಕೋ ವಿಶ್ವಸ್ ಕಿದೆಕೊನಿ ಜೇತಿ ಉವಚನೆತಿ ಉನ್ನೇನ ಕಾಂಯಿ ಪಾಯೋದ್ ಮಲೋಕೋನಿ. ³ ದೇವೆರ್ ಕಾಮೇ ಧರಗದಿಯಾತಿ ಪೂರೋವೆನ್ ಓರ್ ಆರಾಮೇರ್ ದಾಡ್ ತಯಾರ್ ವೆನ್ ಛಾ ಪನ್ ಉ ಮಾರ್ ಅರಾಮೆರ್ ಧಾದೆಮ ಏ ಭಲೇನಿಕನ್ ರಿಸೇತಿ ಸೋಕನ್ ಖಾದೋ ಕನ್ ಅತ್ರಾಜ್ ಕೆಮೊಚ. ವಿಶ್ವಸ್ ಕಿದೆಜಕೋ ಅಪನ್ ಉ ಆರಾಮೆರ್ ದಾಡೆಮ ಭಾಳನ್ ರೆರೆಚಾ. ⁴ ಏಕ್ ಜಾಗೆಪರ ಸಾತ್ಮೋ ದಾದೆರ್ ವಾಡಿ ದೇವ್ ಓರ್ ಸೃಸ್ತಿರ್ ಕಾಮಿನ ಸೇ ಪೋರೋಕರನ್ ಸತ್ಮೋದಾಡ್ ಆರಾಮ್ ಕಿದೋ ಕಣ್ ಲಕ್ಕನ್ ಛ. ⁵ ಪಣ್ ಈ ಜಾಗೆಪರ್ . ಇ ಮಾರ್ ಅರಾಮೇರ್ ದಾಡೆಮ ಭಲೆನಿಕನ್ ಕೆಮೋಚ. ⁶ ಹನುರಜೇತಿ ಉ ಆರಾಮೇರ್ ದಾಡೆಮ ಧೋದ್ಸೆಕ್ ಭಾಲನು ಕೇರ್ ವಾಟ್ ವಜ್ಜಿ ಛಜೇತಿ ಅಗದಿಯಾ ಅಚ್ ಖಬರೆನ ಸಾಮಲೆಜಕೋ ಮಾನೆಕೋ ನಿ ಜೇತಿ ಓಮಾ ಭಲೇಕೋನಿ ⁷ ಜೇತಿ ಘನ್ ದಾಡ್ ಗೆಜೆರ್ ಪಚ್ಚ ಉ ದಾವಿದೆರ್ ಮುಂದೇಮಾತಿ ವಾತೆಕರಂ ಈಜ ವಗತ್ ಕಣ್ ಎಕ್ಕಾನ್ ಏಕ್ ದಾದೆನ ಮಾಲಂ ಕರಾಚ; ಕಿಮ್ ಕತೋ ತಮ್ ಈ ವಗತ್ ದೇವೆರ್ ದಾಲೆನ ಸಾಮಲೋತೋ, ತ್ಮಾರ್ ದಲೆನ ಘಟೋ ಕರೋಮತ್ ಕಣ್ ಉಪರೆರ್ ವಚನೇಮಾ ಕೆಮೋಚ. ⁸ ಯೆಹೋಶುವ ಉನೇನ ಉ ಆರಾಮೆರ್ ದಾಡೆಮ ಭೆಲ್ಲ್ನಕೊವತೋ ಒರ ಪಚ್ಚ ವಜೆಕ್ ದಾದೆರ ವಾಡಿ ವಾಡಿ ಕೆರೋವೆತ್ತೊಕೊನಿ. ⁹ ಜೆರ್ ವಾಸಸ್ ದೇವರ್ ಜನೆವಾಸ್ ಕಣ್ ಸಬ್ಬತ್ ಕನ್ ಕಕೋ ಅರಾಮೆರ್ ದಾಡ್ ವಜ್ಜಿ ಛ. ¹⁰ ಕಿಮ್ ಕತೋ ದೇವ್ ಒರ ಕಾಮೇನ ವುರೋಕರಂ ಕಿಮ್ ಆರಾಮ್ ಕಿದೊಕೋ ಹನುಜ್ ಒರ ಅರಾಮೇರ್ ದಾದೆಮ ಭಲ್ಮಲೇಕೋ ಸದಾ ಒರ ಕಾಮಿನ ಪುರೋಕರೆನ್ ಆರಾಮ್ ಕರಾಚ. ¹¹ ಜೇತಿ ಅವನ್ ಉ ಅರಾಮೆರ್ ದಾದೆಮಾ ಭಲೆನ ವೆಲಾಪದಾ; ಓ ವಾತಮಾನೆಕೊನಿಜು ಪದ್ಗೆಜು ಅಪನೆಮಾ ಕೋಯಿತೋಯಿ ಪದೆನಿಜು ಜತನೆತಿ ರೆಮಾ. ¹² ಕಸ್ಸೇನ್ ಕತೋ ದೇವೆರ್ ವಾಟ್ ಜಾನೇತಿ ಛ; ಕಾಮೆನ್ ಪುರೋಕರೆವಾಲ್ ಚ್ಚ; ತಲ್ವರೆರ್ ದೊಯಿಪಾಕ್ತಿ ಅಲಾನ್ ಅತ್ಮಾಣನ್ ಜಾನೆನನ್ , ಖಿಲೇನನ್, ಮಿಮ್ಜಿನ ತಾಲ್ನಾಕಜು ಧರ್ಸನ್ , ಡಾಲರ್ ಹದಿನನ್ ಸೋಸೇನ ಪರಿಚೋ ಕರಾಜುಛ. ¹³ ಅವನ್ ಕೆಣ ಲೆಕೊದೆನುಕೋ ಒರ ನ್ಮ್ಜರೆನ ಸೋಲಿ ಗೊಕಾನ್ ಡಕಾಯೇನಿ ಜು ಛೆನಿ ಪಾನ್ ಒರ ಆಮ್ಕಿನ ವಗಾದೋ ವೇನ್ ಛ. ಒರ ಘರೆಮಾ ದಕಾಯೇ ನಿಜು ಚಕೋ ಸ್ತುಸ್ಥಿ ಏಕ್ ಭಿ ಚೇನಿ. ¹⁴ ಅಸ್ಮಾನೇನ್ ಲ್ಮ್ಗನೆ ಗೊಜಕೋ ದೇವೇರ್ ಬೇಟಾ ಯೇಸು ಕಜಕೋ ಶ್ರೇಷ್ಟ ಮೋಟೋ ಯಾಜಕ ಅಪನೇನ ಛಜೇತಿ ಅಪನ್ ಕಿದೆಜಕೋ ಸೋಕನೆನ್ ಚೊದೇನಿಜು ರೆಮಾ. ¹⁵ ಕಸ್ಸೇನ್ ಕತೋ ಅಪ್ನೀನ್ ಚಜಕೋ ಮೋಟೋ ಯಾಜಕ ಅಪನೆರ್ ಕಮ್ ಜೆರೆಮಾ ಬಾದಾಕರೆನಿಜು ' ಉ ಸೋಲಿ ಖಬರೆಮಾ ಅಪನೆರ್ ನ್ಯೆ ಪರಿಚೋನ್ ಖಮಿದೋ. ಪಣ್ ಪಾಪ್ ಕಿದೊಕೊನಿ ¹⁶ ಜೆಟಿ ಅಪನ್ ದಯಾನ ಪಾಲಜು ಒರ ದಯಾತಿ ಚಾಜಕೋ ವಗತೆಪರ ಮದ್ದ್ತ್ ಅಪನೆನ ಮಲಜು ಹಿಮ್ಮತೆತಿ ಕ್ವಪಾರೋತಕ್ಕೆಕನ್ ಆಮಾ.