1 ಜೇತಿ ಅಪನ್ ಸಾಮಳೆಕೋ ಖಬಾರೆನ್ ಚೊಡನ್ ನಜಾವಜು ಚಮಕ್ಕನ್ ಉನೆನ ವಜ್ಜಿ ಘನೋ ಜಾತನೆತಿ ದೇಕೆವಾಲ್ ವೇಣು. 2 ಕಸ್ಸೆನಕತೊ ದೇವೇರ್ ಸೊಜಾವುರ್ ವಾಡಿತಿ ಕೋಜಕೋ ವಾತ್ ಘಟ್ಟ ರೇನ್ ಓನ ಲಂಗನ್ 3 ಅಪನೇರ್ ಮುಂಡಾಗ್ ಛಕೊ ಈ ಅಚ್ಹೋ ರಕ್ಷಣಾನ್ ಅಪನ್ ಇಂಕಾರ್ ಕರಾತೊ ಛೂಟನ್ ರೆರೋ ಕಿಮ್ ? ಈ ಅಗಡಿಯು ಪ್ರಭುತಿ ಪ್ರಕಟ್ ವೇನ್; ಎನ್ ಸಾಮಳೆಜೆ ಅಪನೇನ್ ಓತಿ ಘಟ್ ವೇನ್ ಛ. 4 ಅನ್ ದೇವ್ ಉನೇರ್ ಹಾತೇತಿ ನಿಶಾನೇರ್ ಕಾಮೇನನ್ , ಅಚಂಕಲಾರ್ ಕಾಮೇನ ನಾನಾ ಥರಾರ್ ಮಹತ್ತರ್ ಕಾಮೆನ ಕರಣ್ ಪವಿತ್ತರ್ ಆತ್ಮಾ ವರಾನ ಓರ್ ಖಾತರೇರ್ ನ್ಯೆಉನ್ನೇನ ದೇನ್ ಉನ್ನೇರ ವಾತ್ರೆನ ಗವಾಯಿ ದೇತೋರ. 5 ಅಪಣ್ ವಾತೆಕರೇಕೋ ಮುಂಡಾಗೇರ್ ಜಗತೀರ್ ವಗತೀರ್ ವಡಿ ಉ ದೇವೇರ್ ಸೋಜಾರ್ ಹಾತೇನ ಹಾವಾಳ್ ಕೀದೋಕೋನಿ. 6 ಗ್ರಂಥೇರ್ ಎಕ್ ಜಾಗ್ ಮನಕ್ಯಾ ಕತ್ರಾ ರೋ ಛ; ಓನ ತು ಕಸ್ಸೆ ನ್ ಹರೆದಲಾನು? ಮನಕ್ಯಾ ಕತ್ರಾರೋ ಛ;ಓನತು ಕಸ್ಸೆನ್ ದೇಕಣು? 7 ಓನ ದೇವೇರ್ ಸೊಜಾತಿನಿ ಥೋದ್ಸೆಕ್ ಹಲ್ಳೋ ಕಮರಳೋಚಿ; ಮಹಿಮಾನನ್ , ಘನತಾನ್ ಓರ್ ಮಾತೇನ ಪೇರಾನ್ ಕೀರಾಟಾ ಫಾ ಲ್ಮ ಳೋಚಿ 8 ಸೊಳಿನಿ ಓರ ಪಗೇರ ಹೇಟ್ ಫಾಲನ್ ಓನ ಹವಾಳ್ ಕೀದೋಚಿಕೋನಿ ಕನ್ ಕೋ. ಉ ಸೆ ಮನಕ್ಯಾರ್ ಹೇಟ್ ಹವಾಲ್ ಕೀದೋ ಜೇರ್ ಪಚ್ಚ; ಓನ ಓ ರ ಹೇಟ್ ಕಿದೊ ಕೋನಿಜಕೋ ಛೀಜ್ ಕುಣ್ಸಿ ಭಿ ಛೆನಿಕನ್ ಪಣ್ ಸೆ ಒರ್ ಹೆಟ್ ಛಜೇನ ಹಮ್ ಉಜ್ಜಿ ದೇಕೇರ್ ಬನೇ ನಿ. 9 ಅತೋಯಿ ದೇವೇರ್ ಸೋಜಾತಿನಿ ಥೋದ್ಸೆಕ್ ಹಲೋಕ್ಕ್ ವೇನ್ ಆಯೆಕೊ ಎಕ್ಲ್ಮ; ಕತೋ ಯೇಸು ಮಹಿಮಾನನ್ , ಘ ನತಾನ ಕೀರೀಟಾಲೆನ್ ಪೆರ್ಮಮೆನನ್ ಹಮ್ ದೆಕ್ರೆಚ.ಮಾತೇನ ಖಾಯೇರೊ ಜರೂರ್ ಜರೂರ್ ವೇತಿ. 10 ಸೇ ಸೊಳಿನಿ ಕೇರ್ ವಾಸ್ ಕೇತಿ ಬಣಾಯೇಕೊ ಉ ಘನ್ ಆದ್ಮಿ ಬೆಪ್ತಾವುನ್ ಮಹಿಮಾನ ಲಾನ್ ಭೇಲೇನ ಉನ್ನೇರ್ ರಕ್ಷನೆರ್ ಪ್ರಭುನ ಭಾವೆತಿರ್ ವದಿತಿ ಪುಉರೋ ಬರೋಬರ್ ಕರೇರ್ ಓನ ಅಚೋಡಕಾ ಯೋ . 11 ಕಸ್ಸೆನ್ ಕತೋ ಪವಿತರ್ ಕರೆವಾಲೋನ್, ಪವಿತರ್ ವೇವಾಲ್ ಸೇನ್ ಏಕ್ಲೋ ಬಪ್ ಛ; ಇ ಕಾರಣೆತಿ ಪವಿಟರ್ ಕರೆವಾಳೋ ಪವಿತರ್ ವೇವಾಲುನ ಭಾಯಿಯೋ ಕನ್ ಕೇನ್ ಲಾಜ್ ನಕರಾಜು 12 ತಾರ್ ನಾಮೆರ್ ; ಸಭಾರ್ ವಚ್ಚ ತಾನ ಸ್ಥೂತಿಗಿದೇನ ಬೊಳುಚು ಕನ್ 13 ಮ ದೇವೇರ್ ಉಪ್ಪಾರ್ ಭರೋಸ ಮೆಲೆವಆಲೋ ರುಚು ಕನ್ ; ಇದೇ ಮ ಅನ್ ಮನ್ನಾ ಸೇವ ದೀನೋಕೋ ಬೇಪ್ಪಾವೊ ಛಾ ಕನ್ ಕೆವಚ. 14 ಉಜ್ಜಿ ಬೆಪ್ಪಾವೋ ಳೋಯಿತಿನ್ ಜಿವದಿತಿ ಛ ಜೇತಿ; ಉ ಸದಾ ಉನ್ನೆರ್ ದಾಕಳ್ ವೆಗೊ. ಒರ ಮೋತೆತಿಜ್ ಮಾತೆರ್ ಹಕ್ಕದಾರೆನ ಕತೋ ಸ್ಯೆತಾನೆನ ಖುಂದ್ನಕೇನನ್ 15 ಮೊತೇರ್ ಧಾಕೇತಿ ಉನೇರ್ ಜೀವನೊ ಸಾರಿ ಬಾಂಯಪನೇಮಾ ಭಂದಾನ್ ಛ ಜೇನ ಸೇನ ಚೊದಾಯೆವಾಸ್ ಉನ್ನೇರ್ ನ್ಯೆ ವೆಗೊ 16 ಉ ದೇವೇರ್ ಸೋಜಾನ ಪಕಡ್ಮಲೊಚ ಕಣ್ ಲಕ್ಕಾನ್ ಛೆನಿ ಪಾನ್ ಅಬ್ರ್ಹಾಮೆರ ವಲಾದೆರ್ ಹಾತ್ ಪಕಡ್ಮ ಲೊಚ ಅತ್ರಾಜ್. 17 ಜೆರ್ವಾಸ್ ಇ ಸೇ ಖಬರೆಮಾ ಒರ ಭಾಯಿವುನ್ ಬರೋಬ್ಬರ್ ವೇರ್ ವೇಗೋ . ಹನು ಇ ಮನಕ್ಯರ್ ಪಾಪೇನ ಸೇ ಪೇದೇವಾಸ್ ಕನ್ ದೇವೇರ್ ಕಾಮೇ ಮಾ ದಯಾಳೋ ನ್ , ಸಾಸ್ಪನೆರೋ ಮೊತೋ ಯಾಜಕ ವೇಗೋ. 18 ಉಜ್ ಪರಿಚೊವೇನ್ ಭಾವೇತಿನ ಖಮ್ಮಿ ದೊಜೇತಿ ಪರಿಚೊಮ ಪಡೆವಾಲುನ ಮದ್ದತ್ ಕರೆನ ಜೇರೋವಾಳೋ ವೇನ್ ಛ.