¹ ಸೌಲ್ ಯೇಸುರ್ ಚೆಲಾರಫಾರ್ ರೀಸ್ ಕರ್ಲೆನ್ ಡರೇರ್ವಾತೆ ಕೆತೋ ಹಾಳ್ಕರನುಕನ್ ದುರಾಸೇತಿ. ² ಮೊಟೊ ಭಗ್ತೇರ್ಕನ್ ಜಾನ್ ವಾಟೀಮಾ ಮಳೆಜೇನ್ ಯೇಸುರ್ ಬಕ್ಥಿದಾರ್ ಕೊಯ್ಕ್ ಮಳತ್ತೋ ಉಂದುನ್ ಸಾಂಕಳ್ ಗಾಲನ್ ಯೆರುಸಲೇಮನ್ ಲಾವ್ಜು ದಮಸ್ಕಾಮಾ ಚಜೆ ದೇವಳೆನ್ ಜಾನ್ ಮೋಟ್ಟೋ ಭಗತ್ ಕನ್ ಹಕುಮ್ ಲೆಲೇನ್. ³ ಉ ಚಾಲನ್ ಜಾತೊ ದಮಸ್ಕಾ ಕನ್ ಆತೇಖಂ ಆಸೆಮಾನೇಮಾತಿ ಎಕ್ ವಜಾಳೋ ಓನ್ ಗೇರನ್ ⁴ ಆಯೋ ಊ ಹೆಟ್ ಪಡಗೋ ಸೌಲ ಸೌಲ ಕಾಸೇನ್ ಮನ್ ವೇಲಾ ಘಾಲ್ ರೊಚಿಕನ್ ಏಕ್ ವಾತ್ ಸಮಳಾಯ್. ⁵ ಉ ದೇವ್ ತು ಕುಣ್ ಕನ್ ಪುಚೋತೆ ತು ವಾಕಾ ಪಡಾರೋಜಕೋ ಯೇಸೂಜ್ ಮ. ⁶ ತೂ ಊಟನ್ ಮಲಮ್ ಗಾಮೇಮ ಜೊ ತು ಕರ್ನುಕೊ ತೊನ್ ವಚ್ಚ್ ಹನುಕೇನ್ ಕೋ. ⁷ ಓರ್ ಸಾತ್ ಜಾಯೆವಾಳುನ್ ಆಟ ಸಮ್ ಳಾಯ್ ಓ ಘಚರ್ ಹುಬ್ತೆಗೆ. ⁸ ಸೌಲ್ ಹೇಟ್ ಆಂಕೀ( ಪಾಡನ್) ಓ ಗಾಡೊಜನ್ನಾ ಕಾಂಯಿ ದೆಕೇನ್ ಓಕೊನಿ ಜೇರ್ ವಾಸ್ ಓರ್ ಸಾತ್ ಸೈನಿಕ್ ಸೌಲಾರ್ ಹಾತ್ ಪಕಲೆಡ್ ನ್ ದಮಸ್ಕಾನ್ ಗೆ. ⁹ ಇ ವೇನ್ ತೀನ್ ದಾಡೂ ಸೌಲ ಕಾಂಯಿ ದೆಕೇನ್ ಓಕೋನಿ ಪರನ್ ಉ ಕಾಂಯಿ ಕಾದೋಕೊನಿ ಪರನ್ ಪಿದೊಕೊನಿ. ¹⁰ ದಮಸ್ಕಗಾಮೆಮಾ ಅನನಿಯಾ ಕಾಕೋ ಏಕ್ ಚೇಲಾ ವೆತ್ತೋ ಯೇಸು ಓನ್ ಸಪ್ನೆಮಾ ದೆಕಾನ್ ಅನನಿಯ ಅನನಿಯ ಕನ್ ಬಲಾಯೋ ಜೆರ್ ವಾಸ್ ಅನನಿಯ ಇದೇಕ್ ಬಾಪು (ಸ್ವಾಮಿ) ತಾರ್ ಚೆಲಾ ವೇನ್ ಚೂಕೇನ್ ಕೊ. ¹¹ ಯೇಸು ಅನನಿಯಾನ್ ತು. ಯಾದಾನ್ ಬಳಕೊ ಸೂರ್ ಬಜಾರ್ ಜಾನ್ ಓತ್ ಕೇನ್ ಪುಚ ತೋಯಾ ತು. ತರ್ಸಸೆರ್ ಸೌಲ ಕಕೋ ಅದ್ಮಿಯ ಬೋಲೆಜಾ ಕಸನ್ ಕತೋಓ ಘಡಡಿಮಾ ಅರಜ್ ಕರೂಕರಚ್. ¹² ಸೌಲ ದಿಟೋಜಕೊ ದರ್ಶನೆಮಾ ಅನನಿಯಾ ಕಕೋ ಆದ್ಮಿ ವಸ್ರೊ ಜಕೊ ಗರೆಮಾಗೊ ಪರನ್ ಸೌಲಪರನ್ ದೇಕ್ ಕರನ್ ಕೇನ್ ಓರ್ ಉಫರ್ ಹಾತ್ ಮೇಲನ್ ಅರಜ್ ಕಿದೊ. ¹³ ಅನನಿಯಾ ಸ್ವಾಮಿ ಹರೇಕ್ ಆದ್ಮಿ ಈ ಆದ್ಮಿರ್ ಕಭರ್ ಕೇಚ್ ಈ ಯೆರುಸಲೆಮೆಮಾ ಕತ್ತಯಿಕೊ ಖರಾಭ್ ಕಾಮ್ ಕಿದೊಚ್. ¹⁴ ಅಭ್ ಭಗತೇತಿ ಹುಕ್ಕಂ ಲೆಲೀನ್ ಬಂದೇರ್ ವಾಸ್ ದಮಸ್ಕಾನ್ ಆಯೇಚ್ ಕನ್ ಕೆ. ¹⁵ ಯೇಸು ಅನನಿಯಾನ್ ತು. ಸೌಲೆಕನ್ ಜೋ ಓನ್ ಯಹೂದಿ ವಾಳೆನ್ ಪರನ್ ಓರ್ ರಾಜೇನ್ ಪರ್ ಇಸ್ರಾಯೆಲುನ ಮಾರ್ ವಡಿ ಕೇರ್ ವಾಸ್ ವಾರ್ ಸೇವಾ ಕರೆಸಾರಕು ಓನ್ ನಿಯಮ್ ಕರ್ಲಿದಿನೊಂಚು ಮಾ ಕೂಜು ಕರ್. ¹⁶ ಉ ಮಾರ್ ನಾಮೇರ್ವಾಸ್ ಕರ್ತಾಯಿಕೊ ವಾಕಪಡನುಕನ್ ಮಾಜ್ ಓನ್ ಮಾಲಂ ಕಿದೊಂಚು. ¹⁷ ಜನ್ನಾ ಅನನಿಯಾ ಜಾನ್ ಓ ಗರೇಮಾ ಸೌಲಾನ್ ದೇಕ್ಲೇನ್ ಪರನ್ ಗರೇಮಾ ಸೌಲನ್ ದೇಕ್ಲೇನ್ ಪರನ್ ಗರೇಮಾ ಜಾನ್ ಜನ್ನಾಜ್ ಸೌಲಕಿ ವಾತೆ ಕರನ್ ಉಪರ್ ಹಾತ್ ಮೇಲನ್ ಬಾಯಿ ಸೌಲ ತು ಸಿಯಾಜಕೋ ವಾಟೀಮ ತೂನ್ ದಿಕಯೊಕೋ ರಕ್ಷಕ ಕಜಕೋ ಯೇಸು ಅಂಕಿ ದಿಕಾವಜೋ ತು. ಪವಿತ್ತರ್ ಆತ್ಮ ಭರನ್ ಮನ್ನ ತಾರ್ಕನ್ ಮೆಲೋಚ ಕನ್ ಕೊ. ¹⁸ ಜನಾಜ್ ಸೌಲೇರ್ ಆಂಕಿಮಾತಿ ಪರ್ರ ಜಗಡೋ ಪರನ್ ಉ ದೆಕೆನ್ವೋ ಪರನ್ ಜಾನ್ ದೀಕ್ಷಾ ಲೆಲೀದೋ. ¹⁹ ಪರನ್ ಕಾಣೋಕಾನ್ ಜೋರ್ ಲಿದೆ. ²⁰ ಪರನ್ ಸೌಲ ಗಾಮೆಮಾ ಯೆಶವಸಿಕನ್ ತೊಡ್ಸೆಕ್ದಾನ್ ವೆತ್ತೋ ದಾಡ್ ನಕಾಮ್ ನಾ ಕಾಡಜು ದೇವೆಳಮ ಊಜ್ ದೇವೇರ್ ಬೇಟಾ ಕನ್ ಕೆಸಾರು ಶುರು ಕಿದೊ. ²¹ ಓರ್ ವಾತ್ ಸಾಮ ಳೆಕೋ ಜನ್ ಘಭ್ರಾಗೆ ಈ ನಾಮ್ ಪಾಡೇವಾಳೇನ್ ಯೆರುಸಲೆಮಾ ಹಾಳ್ ಕರತೊತೋ ಕೊ ಈಜ್ ಈ ಯೇಸೂರ್ ಆದ್ಮಿವುನ್ ಬಂದ್ ಕರೆಸಾರ್ಕು ಆಯೋಚ್ ಕರನ್ ಕೇಳಿದ್. ²² ಜನ್ನಾ ಸೌಲ್ ಆಜ್ಜೀ ಯೇಸೂಜ್ ದೇವಕನ್ಕೊ ಯಹುದಿವಾಳ್ ಸಾಸಿಜ್ಕನ್ ಕೆಲಿದಿನೆ. ²³ ತೊಡ್ಸೆಕ್ ದಾಡ್ ಜಾಯಿದೇನ್ ಯಹುದುವಾಳ್ ಓನ್ ಮಾರನಾಕಣು ಕರನ್ ಕೆಳಿದೆ. ²⁴ ಓರ್ ಸೊಚ್ ಸೌಲೀನ್ ಮಾಲನ್ ವೇಗಿ ಜನ್ ಮಾರನ್ನಾಕಿ ಸಾರು ರಾತನ್ ದಿಯೆ ಜಫಲೆನ್ವೆತ್ತೆ. ²⁵ ಜನಾ ಓರ್ ಚೆಲಾ ರಾತ್ ಸೌಲೆನ್ ಗೊಕ್ ಲೇನ್ ಜಾನ್ ಗೋಡಾರ್ ಭಾರ್ ದರ್ಸಾಯೇ . ²⁶ ಸೌಲ್ ಯೆರುಸಲೆಮೆನ್ ಆನ್ ವಿಶ್ವಾಸಿತಿ ಬಳನುಕನ್ ಗೊಜನ್ನಾ ಓ ದಾಕ್ ಪಡೆ. ²⁷ ಜನ್ನಾ ಬಾರ್ನಬಾ ಓನ್ ಸಾತ್ ಲೆಲೀವಾತೆಕಿ ಅಪೋಸ್ತಲರ್ ಕನ್ ಗೊ ಯೇಸು ಅಪೋಸ್ತಲೆರೆತಿ ದೊಜಕೊ ಆದ್ಮಿವುನ್ ದೈರ್ಯಾತಿ ಮಾಲಂಕಿದೋ ಈ ಸಾಮ್ಳನ್ ದಾಕ್ ಪಡೆ. ²⁸ ಪರನ್ ಸೌಲ್ ಅಪೋಸ್ತಲೀರ್ ಸಾತ್ ಬೋಲನ್ ದುಸರ್ ಬಕ್ತಿದಾರುನ ಬಳೆನ್ ಕಿದೊ ಪರನ್ ಯೇಸು ಕ್ರಿಸ್ತುರ್ ಬೋದ ಆದ್ಮಿನ್ ಕಿದೊ. ²⁹ ಪರನ್ ಸೌಲದೆವರ್ ವಾತೆ ಯಹುದ್ಯಲೀತಿ ಗ್ರೀಕ್ ವಾತೇಮ ಬೋದಕೀದೊ ಸೌಲನ್ ಮಾರ್ನಾಕೆವಾಸ್ ವಾಟ್ ದುಂಡ ರ್ರೆ. ³⁰ ಏನ್ ಮಾಲನ್ ಕರ್ಲೆವಾಲ್ ಕೈಸರಿಯಾತಿ ತಾರ್ಸೀಸನ್ ಮೆಲ್ದಿನೆ. ³¹ ಜೇರ್ ವಾಸ್ ಯೂದಾಯ ಗಲಿಲಯ ಪರನ್ ಸಮರ್ಯ ದೇಶೆಮ ಮಳಾವ್ ಭಕ್ತಿಮಾ ವದ್ದೇ ದೇವೆರ್ ದಾಕೆಮ ಚಾಲನ್ ಪವಿತ್ರೆರೊ ಆತ್ಮಾತಿ ಜೋರ್ ಲೆಲೆನ್ ಬಡತೆ ಆಯೆ. ³² ಜೇರ್ ಪಚ್ ಪೇತ್ರ ಸೇ ಜಾನ್ ಸಂಚಾರ್ ಕರೋ ಜನ್ನಾ ಉದ್ದಾನ್ ಆಯೊ. ³³ ಓತ್ ಪಾರ್ಶ್ ರೊಗೇತಿ ಆಟ್ ವರ್ಶೆತಿ ರೋಗೆತಿ ಆಟ್ ವರ್ಷೆತಿ ವಾಚಾನೆಪರ್ ಸುತೊತೋ ಐನೆಯ ಕಜಕೋ ಏಕ್ ಆದ್ಮಿಯ ದಿಟೋ. ³⁴ ಪೆತ್ರು ಓನ್ ಐನೆಯಾ ಯೇಸು ಪ್ರಭು ತೊನ್ ವಾರು ಕರಚ್ ತು ಊಟನ್ ಸಾದ್ರಿ ಪಾಲ್ದೆನ್ ಜೊಕನ್ ಕೆಜನ್ನಾ ಜನ್ನಾಜ್ ಓರ್ ಸಾದ್ರಿ ಪಲ್ದೆನ ಚಲೊಗೊ. ³⁵ ಉದ್ದಮಾನ್ ಸಾರೋನ ಪ್ರಾಮ್ತಮೆಮ ಚಕೊಸೆ ಓನ್ ದೇಕೆನ್ ಯೇಸೂರ್ ಸಾಮ್ ಫರ್ ಗೆ. ³⁶ ಯೋಪ್ಪಾಮಾ ತಬಿಥಾ ಕಕೋ ಸೇವಕಿ ವೆತ್ತಿ ದುಕರ್ ಕನ್ ಎ ನಾಮೇರ್ ಅರ್ಥ. ಉ ಭೆನ್ ಆಚ್ ಗೊಣ್ ಪರನ್ ಧರ್ಮ ಭಾರಿ ಕರ್ತಿತಿ. ³⁷ ಓ ದಾಡ್ ಉ ಬೀರ್ ರೊಗೇಮ ಪಡನ್ ಮರ್ಗಿ ಓನ್ ಹೋಂಗೊಳಿ ಕರಾನ್ ಉಪ್ಪರ್ ಘರೇಮಾ ಮೇಲೆ. ³⁸ ಯೋಪ್ಪಾನ್ ಲುದ್ದಾ ಕಂಚಜನ್ನಾ ಪೇತ್ರ ಓತ್ತ್ ಚಕನ್ ಮಾಲಮ್ ಕರ್ಲೆನ್ ದಿ ಮನಿಕ್ಯಾನ್ ಓರ್ ಕನ್ ಮೇಲೆ ಜರೂರ್ ಹಮಾರ್ ಕನ್ ಆವಣುಕನ್ ಪುಚಲೀದೆ. ³⁹ ಪೆತ್ರು ಉನೂರ್ ಸಾತ್ ಗೊ ಜಾಯೇಸಾತ್ ಓನ್ ಉಪ್ಪರ್ ಘರೆಮಾ ಬಲಾಲೆಗೆ ಓತ್ ರಾಮ್ದೇ ರೋರೆ ತ್ ಧುರ್ಕಾ ಹಮ್ಮಾರ್ ಕನ್ ವೆರೆರೆ ಜನ್ನಾ ಕರನ್ ದಿನಿಜ ಕ್ಕೊ ಉಪ್ಪರೇ ರ್ ಮಾಯಿರ್ ಲತ್ತಾ ದೆಕಾಳೆ. ⁴⁰ ಪೇತ್ರ ಉನುನ್ ಸಿನ್ನುನ್ ಭಾರ್ ಮೇಲ್ ದೇನ್ ಗೋಡಿ ವಾಳೆನ್ ಮರ್ಗಿಜೆರ್ ಸಾಮ್ ಫ ರನ್ ತಬಿಥಾ ಊಟ್ ಹೋಕೊ ಚೊರಿ ಊಟನ್ ಆಂಕಿ ಕಾಡನ್ ಪೆತ್ರು ದೇ ಕನ್ ಊಟನ್ ಹುಭ್ರೆಗಿ . ⁴¹ ಉ ಚೊರಿನ್ ಹಾತ್ ದೇನ್ ಓಟ್ಟಡನ್ ಶುದ್ದಂ ಚಜೀನ್ ಪರನ್ ರಾಂಡವುನ್ ಬಲಾನ್ ಬಂಚ್ ಗಿಜಕೊ ಚೊರಿನ ಉನೂರ್ ವಸ್ ಕಿದೊ. ⁴² ೪೨. ಈ ವಾತ್ ಯೊಪ್ಪಾಮಾ ಸೇ ಮಾಲಮ್ ವೆಗೊ ಗಣ್ ಆದ್ಮಿ ದೆವೆಪರ್ ಭುರೊಸಾ ರಕಾಡೆ. ⁴³ ಪರ್ನ್ ಪೆತ್ರು ಯೊಪ್ಪಾಮ ಖಲ್ದೆರ್ ಕಾಮೆವಾಳೋ ಸಿಮೋನ್ ಕಜೇರ್ ಕನ್ ಗಣ್ಧಾ ಧಾಡ್ ವೆತ್ತೋ.