¹ ಅಪನೇರ್ ಬಾಪ್ ದೇವೆಮಾಯಿ ಪ್ರಭು ಯೇಸುಕ್ರಿಸ್ತು ಮಾಯಿ ಛಕೋ ಥೇಸಲೋನಿಕ ವಾಳೆ ರ ಸಬಾನ್ ಪೌಲ ಸಿಲ್ವಾನ ತಿಮೊಥೆಯ ಕಜಕೊ ಹಮ್ ಲಾಕೇರೋ ಕಾಂಯಿಕತೋ. ² ಬಾಪ್ ದೇವೇತಿನ್ ಪ್ರಭು ಯೇಸುಕ್ರಿಸುತಿನ್ ತಮೆನ ಕ್ರುಪನ್ ಶಂತಿವೆದ. ³ ಭಾಯಿಯೋ ,ಹಮ್ ಕಾನ್ನಾಯಿ ತಮಾರ್ ಖಬರೇಮಾ ದೇವೆನ ಕ್ರುತ್ನತಾಸ್ಹುತಿ ಕರೇನ ಖುಣೆ ವಾಳ್ ಛಾ ,ಹನು ಕರೇರೋ ಸಮೊರಜ್; ಕಾಸೇನ್ ಕತೋ ತಮಾರ್ ವಿಶ್ವಸ್ ಘಂಹೋ ವದತೊಆರಿಚ, ಎಕೆರ್ ಎಕ್ ಪ್ರೇಮ್ ತಮಾರ್ ಸೇರ್ ಮಾಯಿ ಘಂಣ್ ವೇತಿಅರಿಚ. ⁴ ಹನುವತೋ ತಮೆನ ಆವಜಕೋ ಸೇ ಭಾವೇಟಿ ಮಾಯಿ ತಮ್ ಪಾರೇಜಕೋ ವೇಲಾಮಾ ದಕಾಯಿಜಕೋ ಧೀರೆನ ವಿಶ್ವಸ್ಮನ ಹ್ರದಿಲಾನ್ ತಮಾರ್ ಖಬರೇಮಾ ಮೋಟ್ಟನೆ ತಿ ದೇವೆರ ಸಭಾಮಾಯಿ ಹಮಾರ್ ವಾತೆಕರಾಚಾ. ⁵ ದೇವ್ ನಿಯತೆರ್ ನೇವ್ ಕರಾಚ ಕಜೆನ ತಾಮಾರ್ ಧೀರೇತಿ ರೇರಾಜ್ ನಿಶಾನ್ ವೇನ ಛ. ಕುಣಸ್ ದೇವೆರ್ ರಾಜ್ಯಮೇರ್ವಾಸ್ ಭಾವೆಟಿ ಪಾರೆಚೋಕೊ ಒನತಮ್ ಛಾಜೇವಾಳ್ ರೇಣುಕೇರೋಜ್ ದೇವೆರ್ ಸಾ. ⁶ ತಮೇನ್ ವೇಲಾ ಪಡಾಯೆವಾಳೆನ್ ಫರಾನ್ ವೇಲಾನ ಆಡೇವಾಳ್ ವೆನ ಛೂಕೊತ ಮೇನ ; ಹಮಾರ್ ಸಾತ್ ಅರಾಮನ್ ಪ್ರತಿಫಳೇರ್ ನ್ಯೆ ದೆರೋದೇನ ನಿಯತ ಛ. ⁷ .ಯೇಸು ಪ್ರಭು ಓರ್ ಜೋರೆನ್ ದಕಾಳಜಕೋ ವಗತೇಮಾ ಓನ್ ದಚ್ಚ. ⁸ ಜನಾ ಅಪಣೆರ್ ಪ್ರಭು ಯೇಸು ದೇವೆನ ಮಾಲಾಮ್ ಕರ್ಲಿದೆಕೊನಿಜೆನ್ ಓರ್ ಆಚ್ ಖಬರೆನ್ ಸಾಮಳೇಕೋನಿ ಜೆನುರ್ ಧಸ್ನೆನ ಫೆಡಚ. ⁹ ಓ ದಾಡಾ ಮಾ ಉ ಓರ್ ಪವಿತ್ರೆಡಿತಿ ಮಹಿಮಾ ಪಾಯೆವಾಳೂ ವೆನ್ ಹಂತಮೆನ್ ಕೆಜಕೋ ಸಾಕ್ಸ್ ಸ್ ವಿಶ್ವಸ್ ಕರೆವಾಳೆ ಡೀತಿ ಓರ್ ಖಬರೆಮಾ. ¹⁰ ವಿಚಿತ್ರರ್ ಕರೇವಳೋ ವೇನ್ ಅವಜನ ಅಸ್ ಜನ್ ಪ್ರಭು ಮುಂಡಾಗ್ ಓರ್ ತಾಕತೇರ್ ಮಹಿಮತಿ ಛೆಟಿಜಾನ್, ಶಾಶ್ವಿತ್ ಹಾಳೇರ್ ಸಾಜನ್ ಪಲಚ. ¹¹ ಉ ದಡೇನ್ ಹಮ್ ವಾಟ್ ದೇಕೇ ತಮಾರ್ ವಾಸ್ ಕನ್ನಾಯಿ ಅರಜ್ ಕರನ್ ಹಮಾರ್ ದೇವ್ ತಮೆನ್ ಬಾಲಾಯೋಜೇರ್ ವಾಸ್ ಉಜ್ ತಮೆನ್ ಮಾವಾಳ್ ಕನ್ ಕೇಲೆಣು` ಕನ್ ಆಚ್ ಖಬರೇವೂಮಾ ಖುಷಿ ಪಾಯೇವಾಳ್ ತಮ್ ಸೊಳಿ ಸೋಸೆನನ್ ವಿಶ್ವಸೇರ್ ಫಳೇನ್ ತಮಾರ್ ಕಾಮೇವೂನ್ ಜೊರೇರ್ ಭರ್ ಫೂ ರೇತಿ ಪುರೋ ವೇ ಜಾಣು ಕನ್ ಪ್ಹುಚೆರೋಚು. ¹² ಹನುವತೋ ಅಪನೆರ್ ದೇವನ ಫರಾನ್ ಪ್ರಭು ಯೇಸು ಕ್ರಿಸ್ತು ಕೃಪಾತಿ ತಮಾವಡಿತಿ ಅಪಣ್ ಪ್ರಭು ಯೇಸುರ್ ನಾಮೆಮಾ ಮಹಿಮಾ ವೆಜಾಯೇದ .ಓರ್ ವಡಿತಿ ತಮೆನ್ ಮಹಿಮಾ ವೇ ಜಾಯೇದ.