¹ ಭಾಯಿಯೋ , ಮೇಕೇದೋನ್ಯಾ ಸಬಾಮಾ ದೇವೇ ರ್ ಕೃಪಾನ್ ದೆತಾಲೋಜೇರ್ ಕಾನ್ ತಮೇನ್ ಮಾಲಂಕರೋಚು . ² ಉ ಸಬಾವಾಲ್ ಘನೋ ವೇಲಾ ಖಮಾಲೆವಾಳ್ವೇನ್ ಅನ್ ಘನೋ ಗರಿಬೇಮಾರತೋಯಿ ಘನೋ ಖುಶಿಮಾ ಭರಾನ್ ಭಾಪುರ್ರ್ ದಲೆತಿ ಡಿನೆ. ³ ಓಉನೇನ್ ವಂಗಾವತ್ರಾಜಾ ಕೋನಿ ಉಜ್ಜಿ ಜಾದಾದೆರ್ ಡಾಲರ್ ವಿಗೆಜೇನ್ ಮಜ ಸಾಕ್ಯಾಚು. ⁴ ಉನೇರ್ ಮಾಡದತೇನನ್ ಪವಿತ್ತರ್ ಜೇನ್ನ್ ಓ ಕರಾಜಕೋ ಧಮೆರ್ ಸೇವಾರ್ ಹಂಸೋನ ಹಂ ಮಾನೆನುಕನ್ ಹಮೆನ್ ಘ್ನೋ ನೋರಾಕಿದೇ. ⁵ ಹಂ ಕೆಲೆಜು ಓ ಡಿನೆಜಕೋಜ್ ಕೋನಿಪಾನ್ ಅಗಡಿಯಾ ಓ ಉನೇನ್ ದೆವೆನ ನ್ ಪವ್ಚಹ್ಚಾ ಹಮೆನ್ ಸದಾ ದೇವೆರ್ ಖಾತ್ರೆರ್ ರೈ ದಿನೇ. ⁶ ಹನುರೇತು ತೀತು ಈ ಕೃಪಾರ್ ಸೇವಾನ್ ತಮಾರ್ ಡಂಯಿ ಸುರುಕೀದೋಜು ಓನ್ ಪೋರೋ ಓನ್ ಪೋಚಿದೆಚಾ . ⁷ ತಮೆನ್ ಚ್ಜೆಸೇಮಾ ಕತ್ತೋ ವಿಶ್ವಸೆಮಾ ವಾಟೆಮಾ ಗೇನೆಮಾ ಮದ್ದ್ತ್ ಕರೆಮ , ಹಮಾರ್ ವಾಸ್ ತಮೆಅ ಛಜಕೋ ಪ್ರೇಮಮಾ ತಮ್ ಧಾನೆವಾಲ್ ಚೊ ; ಪ್ರೆಮೆತಿ ಛಜೇ ಎ ಸೇವಾಮಾ ಸದಾ ತಮ್ ದಲ್ ಡಕಾಲೇನೂಕ ಅಸಾಕರೆಚಾ. ⁸ ಎನ್ ಮ ಅಜ್ನ್ಯಾರ್ ನ್ಯೆ ಕೇನಿಜು ದುಸರ್ ಜನ್ನೇರ್ ಬಾರಮಾ ದಕಾಳನ್ ತ್ಮಾರ್ ಪ್ರೇಮೇರ್ ಸಾಸ್ಪನೆನ ಪರಿಚೋಕರನ್ಜ್ ಮಾಲಂ ಕರಲೆನುಕನ್ ಕೇರೋಚು . ⁹ ಅಪನ್ ಪ್ರಭು ಯೇಸು ಕ್ರಿಸ್ಥೂರ್ ಕೃಪಾ ತಮ್ ಮಾಲಂ ಕಮೆರ್ಲೋಚೊ ಉ ಸಾವುಕಾರವೆನ್ ತಮ್ ವೇರ್ ಗರೀಬ್ ಪಾನೇತಿ ಸಾವುಕಾರ್ ವೇನ್ ತಮಾರ್ವಾಸ್ ಗರೀಬ್ ವೇಗೋ. ¹⁰ ಎವರ್ದಿಮಾರ್ ಸೋಸೇನ್ ತಮೆನ್ ಮಾಲ್ಮ್ಕರುಚು ಏಕ್ ವಸೆರ್ ಅಂಗ್ ಎ ಕಾಮೇನ್ ಕರೆನ್ ಅಸಾತಿ ವೇತೇಕೊಜ್ ಕೋನಿಪಾನ್ ಓನ ಹನುಕರಿನಿ ಪುಉರೋಕರೋ. ¹¹ ಈ ಕಾಮೆನ್ ಸುರುಕರೆನ್ ಕಿಮ್ ತ್ಮಾರೆಮಾ ಅಚ್ಹೋದಲ್ ರಕೋ ಹನುಉಜ್ ತ್ಮಾರ್ ತ್ಮಾರ್ ಜೋರೇರ್ ನ್ನ್ಯೇ ಪುರೋಕರೋ . ¹² ಎಕ್ಲೊಂ ದೇರ್ ಸಾರು ದಲ್ಮ ಭರಾನ್ ರಾತೋ ಓ ಆನ್ ರಜೆಮಾಯಿತಿ ದತ್ತೋ ಉ ಸಮರ್ಪನ್ನೇನ್ ರಚ್ಚ; ಓನ್ ಛೆನಿಜೇನ್ ದೇವ್ ಮಾಂಗೆವಾಳೋ =ಕೋನಿ. ¹³ ದುಸರೆನ್ ಮದತನ್ , ತಮೆನ್ ಬೋಜಾವೆನ್ ಕೋನಿಪನ್ ಬಾರೋಬಾರೆನಜ್ ಕೇರೋಚು. ¹⁴ ಕಿಮ್ಕತೋ ಘನೋ ಗೋಲಾಕೀ ದೋಜೇನ್ ಜಾದಾವೋಕೋನಿ ಕಮ್ ಗೋಆಕಿದೇಜೇನ್ ಕಾಂಯಿಕಮ್ ವೋಕೋನಿಕನ್ ಲಕ್ಕನ್ ಚಜೇರ್ ನ್ಯೆ . ¹⁵ ಬಾರೋಬರೋರೇರ್ ನಿಯಾಮೆರ್ ನ್ಯೆ ಉನೇರ್ ಧನ ತ್ಮಾರ್ ಗರಿಬ್ ಪಾನೇನ್ ಅಬ್ಬ ತಮಾರ್ ಧಾನ್ ಉನ್ನೇರ್ ಗರಿಬ್ ಪಾನೇನ್ ಪೂರೋವಚ್ಚ. ¹⁶ ಉಜ್ಜಿ ತಮಾರ್ ಬಾರೆಮಾ ಅಸ್ಸೋ ತಮಾರ್ ಡಾಲರ್ ಅಸಾನ್ ತೀತುರ್ ದಲೆಮಾ ಫಾಳೋಜಕೋ ದೇವೇನ್ ಸ್ತುತಿಕರುಚು. ¹⁷ ಹಂ ಪುಚಿದೆಜೇನ್ ಓ ಮಾನೋ ಜಕೋ ಜ್ ಕೋನಿ ಪಣ್ ಉ ಘನೋ ಜತೆತಿರೇನ್ ಓರ್ ದೆಲರ್ ಅಸಾರ್ ನ್ಯೆಜ್ ತ್ಮಾರ್ ದಾಂಯಿ ಆಯೆನ್ ನಿಕಳೋಛ. ¹⁸ ಓರ್ ಸೋಬಂತೆಮಾ ಉಜ್ಜೆ ಕೋ ಭಾಯಿನ್ ಮೇಲೇಚಾ ; ಈ ಭಾಯಿ ಅಚ್ ಖಬರೆಮಾಯಿ ಸೇ ಸಬಾಮಾಯಿ ಅಚ್ಹೋನಾಮ್ ಲೆಮೊಳೋಜಕೋ ಛ , ¹⁹ ಉಜ್ಜಿ ಅತ್ರಾಜ್ ಕೋನಿ ಪಣ್ ಹಂ ಛಲರೇಕೋ ಈ ಅಚ್ಹೋಕಾಮೇರ್ ವಾಸ್ ಸಬಾವಾಲ್ ಎನ್ ಹಮಾರ್ ದಾಂಯಿ ಸೋಗನ್ ಖಾನೂಕೇನ್ ಮಾಲಂಕೀದೇಚಾ ಓ ಹನೂ ಕಿದೆಜೆರ್ ಕಾನ್ ಪ್ರಭೂನ್ ಮಹಿಮಾ ಹಮಾತಿ ಅಚೊ ದಲೆತಿ ವೇನ್ ಛ. ²⁰ ಹಮಾರ್ ಸೇವಾತಿ ಗೋಲಾಕಿದೇಜಕೋ ಈ ಜಾದಾ ಧಮೆರ್ರ್ ಪಿಸಾರ್ ರ್ ವಾಡಿ ಕೋಯಿತೋಯಿ ಹಮಾಪರ್ ದೋಷ ದಾಲೆಲೇನಿಜು ಹಂ ಜತ್ತೆರ್ ನ್ , ²¹ ಕಸ್ಸೆನ್ ಕತೋ ಪ್ರಭುರ್ ನಂಜರಮಾ ಅತ್ರಾಜ್ ಕೋನಿ ಪಣ್ ಮನಕಯರ್ ನಂಜರೇಮಾಯಿ ಮಾನ್ವೇಛಕೋ ಸೋನ್ ಲೇಲೇವಾಳ್ ಚಾ, ²² ಇನೂರ್ ದೋಯಿರ್ ಸೋಬ್ಯಾಟ್ ಹಮಾರ್ ಭಾಯಿಮಾ ಅಜ್ಜೆಕೇನ್ ಮೇಲೇಚಾ ಹಂ ಘನೆ ವಗತೆಮಾಯಿ ಘನೆ ಕಾಮೇಮಾಯಿ ಓನ್ ಪರಿಚೊ ಕರನ್ ಅಸಕ್ತೆವಾಳೋಕನ್ ಮಾಲ್ಮ್ ಕರ್ಲಿದೇಚಾ ಅಬತೋಯಿ ಉ ತ್ಮಾಪರ್ ಘನೋ ಆಚೋ ವಿಶ್ವಾಸೇತಿ ಉಜ್ಜಿ ಘಂನೋ ಆಸಕ್ತಿತಿಚು . ²³ ತಿತೂರ್ ಕಣ್ ಉಮಾರ್ ಸೋಬಂತೆರ್ ಕಮ್ ಕರೆವಆಲೋ ತಮೆನ್ ಮದತ್ ಕರೆನ್ ಮಾತಿ ಭಲನ ಕಂ ಕರ್ ರೋಚ ಒತ್ತಿ ಸದಾ ಜಾವಜಕೋ ಪರಲ್ ಭಾಯಿಬಂದ್ ಸಬಾಸಾಮೂತಿ ರೇನ್ ಕ್ರಿಸ್ಥೂನ್ ಮಹಿಮಾಳರೋಛ. ²⁴ ಜೇರ್ವಾಸ್ ತಮಾರ್ ಪ್ರೇಮ್ ಕರೆರ್ ಧಾರಮೇರ್ ಖಬರೆವರ್ಡಿ ಜಾಡಾ