¹ ಮ ತಾಮೆರ್ ದಾಂಯಿ ಆಯೇರೋ ಇ ತಿನ್ನಮ ಹಪ್ತಾ , ಡಿ ಟಿನ್ ಗವಾಯಿರ್ ಮುಂದೆತಿ ಸೇಮಾ ಖಬರ್ ಮಾಲಂ ವೇಣು. ² ಮ ಡಿಮೋ ಹಪ್ತಾ ತ್ಮಾರ್ ದಾಂಯಿ ರುಜ ನಾ ಫ ರನ್ ಆಮ್ವುತೋ ತಮೆನ್ ಸಜಾ ಕರೆನಿಜು ಚೊದೇನಿಕೇನ್ ಕಿಮ್ ಕೋ ಹನುಜ್ ಅಬ್ಬಿ ತಮೆನ್ ಘನಂ ರೇನ್ ಪೇನಾರ್ ಪಾಪೇ ರ್ ಕಾಮ್ ಸೇ ವಜ್ಜಿ ಕರೆಜೆನೂನ್ ದುಸರೇವಾಳುನ್ ಸೇನ್ ಕೆರೋಚುಚು. ³ ಕ್ರಿಸ್ತು ಮಾರೆಮಾ ವಾತೆಕರಜಕೋನ್ ತಮೆನ್ ಚಾವನೂಜಕೋ ಸೋಗ್ಯಾನ್ ಜನಾ ಡಕವಚ , ಉ ತ್ಮಾರ್ವಡಿತಿ ಕಮ್ ನವಜು ರೇನ್ ಜೋರೇರ್ ಕಾಮೇನ್ ತಮೆಮಾ ಕರೆವಾಲೋ ಛ. ⁴ ಉ ಕಮ್ ಜೋರೆವಾಲೋ ವೆಂರಜೆತಿ ಸಿಲ್ವಾನ್ ಘಲಾಗೋಕೋ ಸಾಸಿಜ್ ; ಅಟೋಯಿ ದೇವೆರ್ ಜೋರೇತಿ ಬಂಜ್ನಾವಛ; ಹಂ ಸದಾಓರ್ ಕಮ್ ಜೋರೇಮಾ ಹಂಸೋಲೇವಾಳ್ ವೇನ್ ಛ . ಅಟೋಯಿ ಓರ್ ಸೋ ಬತ್ ದೇವೇರ್ ಜೋರೇತಿ ಬಂಛೆವಾಲ್ ವೇನ್ ಚಾ ; ಈಸೆ ತಮೆನ್ ಡಕಾವಚ . ⁵ ಕ್ರಿಸ್ತು ವಿಃವಸೆಮಾ ಛ=ಕೋ ಕೋನಿಕೋ ಕನ್ ತಮನ್ ತಮ್ ಪರಿಚೋ ಕರ್ಲೋ ; ತಮೆನ್ ಘೋಲನ್ ಮಾಲಂ ಕರ್ಲೋ, ಕಾಂಯಿ , ಯೇಸುಕ್ರಿಸ್ಥೂ ತಮೆಮಾ ಛೆಕೇನ್ ತ್ಮಾರ್ವಡಿತಿ ತಮೆನ್ ಅಚ್ಹೋ ಮಾಲಂ ವೇನಿ ಕಾಂಯಿ ? ಉ ತಮೆಮಾ ನರತೋ ತಮ್ ಕಾಮ್ದೋನಿಕೋ ಚು. ⁶ ಹಮ್ ತೋ ಚಾಜೆನಿಕೋ ವೇನ್ ತಮೆನ್ ಮಾಲಮ್ ವೇನುಕೇನ್ ಭರೋಸಾ ಕರು ಚ ಉ. ⁷ ತಮ್ ಭೋರೋ ಕಾಮ್ಯೋ ಕರುನಕೋನಿಕೇನ್ ಹಂ ದೆವೆನ್ ಅರಜ್ ಕರಾಚಾ; ಎಮಾ ಹಮಾಜ್ ಛಾಜೇವಾಲೇನ್ ದಕಾನೂಕನ್ ಹಮಾರ್ ಖಾತರ್ ಕೋನಿ; ಹಂ ಹಾಜೆನಿಕೋ ರೇಣುಕನ್ ಹಮಾರ್ ಖತಾರ್ ಛ. ⁸ ಸತ್ತೆರ್ ದ್ವೆಷೆತಿ ಹಮ್ ಕಾಂಯಿ ಕೋಯಿ ಕರಣಿ, ಪಣ್ ಸತ್ತೆರ್ ವಾಸಜ್ ಸೋಲಿನ ಕರಾಚಾ. ⁹ ಹಂ ಕಮ್ ಜೋರೇರ್ ವೇನ್ ತಮ್ ಜೋರೇವಾಲ್ ಕನ್ ಖುಷಿಕರಿಯಾ ತಮ್ ಬಾರೋಬರ್ ವೇನು ಕಜಕೋಜ್ ಹಮಾರ್ ಅರಜ್. ¹⁰ ಏರ ಸಾರುಜ್ ಮ ತಮೆಮಾ ಛೆನಿಜನಾ ಈ ವಾಟೆನ್ ಅಲ್ಕೋಚು ತಮೆನ್ ಪತ್ತಾರ್ ವಾಸ್ ಕೋ , ಭಾಮ್ದೆರ್ ವಾಸ್ ಪ್ರಭು ಮನ ದಿನೋಜಕೋ ಹಮೆರ್ವಡಿ ಮ ತ್ಮಾರ್ ಡಾಂಯಿ ಘಾಟ್ ದಲೆತಿ ರೆಸಕುನಿಕನ್ ಅಸಾಕರುಚು. ¹¹ ಅಖಾರಿರ್ ವಾಟೆ ಕಾಮ್ಯಿ ಕತೋ ಭಾಯಿಯೋ ಖುಷಿಕರೋ, ಸಮೋರ್ಕರ್ಲೋ; ಹಿಮ್ಮ್ತೆತಿರೋ , ಎಕ್ಕ್ಜ್ ದಲೆವಾಳ್ ಇನರೋ, ಸಮಾಧಾನೆತಿರೋ ಳ್ ಜನಾ ಪ್ರೇಮೆನನ್ ಶಾಂತಿನ್ನ್ ದೇವಾಳೋ ದೇವ್ ತಮಾರ್ ದಾಂಯಿ ರಚ್ಚ. ¹² ಪವಿತ್ರೆರ್ ಚುಮ್ಮಿ ಏಕೆನ್ ಏಕ್ ಕೋಸಲ ಕರೋ ¹³ ದೇವೆರ್ ಜನ್ ಸೇ ತಮೆನ್ ಕೋಸಲ ಕೆರೆಚ. ¹⁴ ಹಮಾರ್ ಪ್ರಭುಚಕೋ ಯೇಸು ಕ್ರಿಸ್ಥೂರ್ ಕೃಪಾ ದೇವೇರ್ ಪ್ರೇಮಾ ಪವಿತ್ರಾ ಅತ್ಮಾರ್ ಸೋಬ್ಯಾಟ್ ತ್ಮಾರ್ ಸೇರ್ ರೇದ.