¹ ಮನ ಮಜ ಮೋತ್ತನ್ನ್ಕ್ರೆವಡಿ ತ್ಹೊದ್ಸೆ ಬಣಾ ಅಕ್ಕಲೆತಿ ವಾತೇಕರುಚು; ತಮ್ ಓನ್ ಸಮಾಲಲೋ ಚೊ ಕೋ . ಮನ್ನಾ ಸಮಲ್ಲೇನುಕಣ್ ತಮೆನ್ ಪೋಚೊರೋಚು . ² ದೇವೇರ್ ನ್ಯೆ ಮ ತ್ಮಾರ್ ಕಾನ್ ಅಸಾತಿ ಚು ; ಕಸ್ಸೇನಕತೋ ಮ ಎಕೇನಜ್ ಕತೋ ಕ್ರಿಸ್ತುನಜ್ ವಾಯಾನ್ ವಾಟೆ ಡಿನೆಜಕೋ ಪವಿತ್ತರ್ ಛಜೇ ಕುಮ್ವಾರ್ ಚೊರಿರ್ ನ್ಯೆ ತಮ್ ಚೊ. ³ ಪಣ್ ಕಿಮ್ ಹವ್ವ ಸ್ಪೆರ್ ಥೋಕಾಮಾ ಪದನ್ ಹನುಜ್ ತ್ಮಾರ್ ದಲ್ ಸದಾ ಕ್ರಿಸ್ತರ್ ಬಾರೆಮಾ ರೆನೂಕೋ ಸಸ್ಪನೆನ , ಪ್ರತಿಸದಾನ್ ಚೊಡದೆನ್ ನಸ್ಪೆಜಾಯೋ ಕಣ್ ಚಮಕ್ಕಿ ಛ . ⁴ ಏಕ್ ತ್ಮಾರ್ ಡಾಂಯಿ ಅನ್ ಹಂ ಪ್ರಚಾರ ಕೀದೇಜೇ ಕ್ರಿಸ್ಥುನ್ ಕೋನಿ ಪಣ್ ಉಜ್ಜೆಕೇನ್ ಪ್ರಚಾರ ಕೀದೋಜನನಾ ತಮ್ ಓನ್ ಖುಷಿತಿ ಸಮಾಲ್ಲೇರೆಚೋ ತಮ್ ಹಮಾತಿ ಲೆಲೆಜಕೋ ಅತ್ಮಾತಿನ್ ಅಚ್ ಖಬರೆತಿ ಫರಕ್ ಚೆಜೆ ಅತ್ಮಾಣನ್ ಅಚ್ ಖಬರೆನನ್ ತಮ್ ಸಮಾಲ್ಲೇರೇಜೇವಾಸ್ ವಿಚಿತ್ತರ್ ಪಾಡುಚು. ⁵ ಪಣ್ ಶ್ರ್ಸ್ತಮ್ ಅಪೋಸ್ತಲ್ ಕಣ್ ಕೆಲೆರೆಕೋ ಉನೆತಿನಿ ಮ ಎಕೆಮಾತೋಯಿ ಹಲ್ಲೋಕೋನಿ ಕಣ್ ಕೆಲುಚು. ⁶ ವಾತೆಮಾ ಕಮ್ ರೂತೋಯಿ ಗೇನೆಮಾ ಕಮ್ ಛೆನಿ; ಈ ವಾಟ್ ತಮೇನ ಸೇ ವಗತೆಮಾ ಸೇ ಹಾಲತೆಮಾ ಕಳಜು ಕರ್ಡಿನೆ. ⁷ ಮ ತಮೆನ ಅಚ್ ಖಬರ್ ಪ್ರಚಾರ ಕೀದೋಜನಾ ತ್ಮಾರ್ ದಾಂಯಿತಿ ಪಿಸಾ ಲೆಲೇಕೋನಿ ತಮೆನ್ ಮೊತ್ತೋ ಕರ್ನ ಮಾರ್ ಮಜ ಕಮ್ ಕರ್ಲಿದೋ ಉ ಮಾರ್ ಕಸೂರ್ ಕಾಂಯಿ ⁸ ಮ ತಮಾರ್ ವಚ್ಚ ಕಾಂ ಕರ್ತೋ ರೋಜನಾ ಪರಲ್ ಸಭಾವಾವಲ್ ಮಾಬಾಂಯಿಲೆನ್ ಕತೋ ತಮೆನ್ ಮದತ್ ಕರೆನ್ ಉನೇರ್ ಡಾಂಯಿ ಮ ಚೊರಿಕೀದೋ. ⁹ ಮ ತ್ಮಾರ್ ಕ ನ್ ರುಜನಾ ಮನ ಪಿಸಾ ಚಾವಜನಾ ಮತ್ಮೆನ ಮಂಗೋಕೋನಿ ; ಕಸೇನ್ ಕತೋ ಮೇಸೀದೋಯಾತಿ ಆಯೆಜಕೋ ಭಾಯಿ ವೋ ಮನ್ ಚಾವಜಕೋ ಸೇ ಲಾಯೇ , ಗೋಜೆ ದಾಡುಮಾ ಕಿಮ್ಕೋ ಅಬ್ಬಸಡಾ ಹನೂಮ ತಮೆನ್ ಭಾರಿರ್ ನ್ಯೆರುನಿ. ¹⁰ ಕಸ್ಸೇನ್ ಸತ್ ಮಾರೆಮಾ ರಾಜು ಮ ಬಡಾಯಿತಿ ಕುಜಕೋ ಎ ವಾತೇ ಆಖಾಯ ಮಲ್ಕೆಮಾ ಕತ್ತಸದಾ ಕೋಯಿತೋ ಯಿ ಆಡೋಕೇಸಕೇನಿ ಕನ್ ಸಾಸಿಜ್ ಕೆರೋಚು . ¹¹ ಕಸ್ಸೆನ್ ಮ ತ್ಮಾತಿ ಕಾಮ್ಯಿ ಲೆರೋಕೋನಿ? ತ್ಮಾಪರ್ ಪ್ರೆಮಾ ಛೆನಿಜೇರ್ ಕಾನ್ ಕಾಂಯಿ? ದೇವೆನಜ್ ಮಾಲಮ್ . ¹² ಹಮ್ ಕರ್ರೆಜೂಜ್ ಓ ಅಪೋಸ್ತ್ಲಲ್ಲೇ ಹಂಸದಾ ಕರ್ರೆಚ್ಕನ್ ಓ ಬಡಾಯಿ ಕರೆನ್ ಕಾರಣ್ ನರಾಜು ಮ ಅಬ್ಬಕರ್ರೋಜು ಆಂಗ್ ಸದಾ ಹಮಾರ್ ಜುಜ್ ಚಾಲೆವಾಲ್ ವೇನ್ ದಕಾಯೇದ. ¹³ ಪಣ್ ಅಸ ಲಬಾರಿ ಅಪೋಸ್ತಳಳ್ ವೇನ್ ದಕಾಯೇಸಾರು ಸಾಂಗ್ ಘಾಲೆವಾಲೆರ್ ನ್ಯೆವೆನ್ ಛ. ¹⁴ ಇಸೇ ವಿಚಿತ್ತರ್ ಕೋನಿ; ಸ್ಯೆತಾನ್ ಉಜ್ ವಜಾಲೆರೋ ¹⁵ ದೇವೇರ್ ಸೋಜಾರ್ ಸಾಮಗ್ ಘಲಜನಾ ಓರ್ ಸೇವಕ ಸದಾ ನಿಯತೇನ್ ಸೇಜಾರ್ ಸೋಗ ಘಾಳಜನಾ , ಓರ್ ಸೇವಕ ಸಡಾ ನಿಯತೆನ್ ಸೇವಕವೇನ್ ದಕಾಯೇನ ಸಾಮಗ್ ಫಲ್ಲೇರೋ ಮೊಟೊಕೋನಿ . ಓನೆರ್ ಆಖ್ರೀರ್ ದಾದ ಓನೆ ಕಾಮೇರ್ ದಾಕಲ್ ಹನೂಜ್ ವೇಜಾವಚ . ¹⁶ ಮನ ಅಕ್ಕಲೋಕರೋ ಕೋಯಿ ಕೇಲೇನುಕೋನಿ ಫರ್ ನ್ ಕೇರೋಚು ಹನೂ ಕೇಲತೋ ಮ ಅಕ್ಕ ಲೇರೋಕೋನಿ =ಜು ರೂತೋಯಿ ಭಲ್ಲೋ;ಕಸೇನ್ಕತೋ ಮಸದಾ ಕಾಮ್ ಜಾದಾ ಮೊತ್ತನ್ ಕಲೇನು ಕಣ್ ಛ. ¹⁷ ಮ ಅಬ್ಬ ಕುಜಕೋ ವಾಟೆವೂನ್ ಪಭು ಹಾಲೇವಾಳೋವೇನ್ ನಕಜು ಹಿಮ್ಮಾತೆತಿ ಆನ್ ಮೊತ್ತ್ನ್ ಕರ್ಲೆವಾಲೋ ಅಕ್ಕಲ್ ಚೇನಿಜು ವಾತೆಕರುಚು. ¹⁸ ಘನ್ ಜಗತಿರ್ವದಿರ್ ಕಾಮೆಮಾ ಮೋತಟ್ ನ್ ಕಳರ್ಜೆತಿ ಮ ಸದಾ ಮೊಟ್ ನ್ ಕರುಚು. ¹⁹ ತಮ್ ಗೇನೆವಾಳ್ ವೇನ್ ಬಣಾ ಗೇನೆವಾಲುನ್ ಖುಷಸಮಾಲ್ಲೇರೇಚು. ²⁰ ಏಕ್ಲೋ ತಮೆನ್ ಓರೋ ಕರ್ ಲ ತೋಯಿ ಏಕ್ಲೋ ತಮೆನ್ ಗಳ ಜಾವತೋಯಿ ಎಕ್ಲೊಂ ತ್ಮೆನ್ ವಸ್ಸೆಮಾ ಕರ್ಲಾನ್ ಪಕದತೋಯಿ , ಎಕ್ಲೊಂ ಪಕದತೋಯಿ , ಏಕ್ಲೋ ಓನ್ ಮೊತ್ತನ್ ಲರ್ಲತೋಯಿ ಎಕ್ಲೊಂ ತ್ಮಾರ್ ಮುಂದೆ ಉಪರ್ ಮಾರತೋಯಿ ಖಮ್ಮೋಚೊ ಕೇನಿಕಾಂಯಿ . ²¹ ಹಂ ಕಮ್ ಜೋರೆರ್ ವೇಗೇಜೇತಿ ಹಮೆನ್ ಆಯಿಜಕೋ ಅವಮಾನೀವಾರ್ಡಿ ವಾಟೆಕರುಚು , ಕೋಯಿಯೇಕಾದ ಕೆಮಾ ಹಿಮ್ಮಾತೆರೋ ಚಾಕೊ ಓಮಾ ಮ ಸದಾ ಹಿಮ್ಮತೆವಾಳೋ ಚು; ಹನು ಬಗರ್ ಗೇಣಿರ್ ನ್ಯೆ ವಾಟೆಕರಯಚು. ²² ಎನ್ ಬನಾಗೆನಿರ್ ನ್ಯೆ ಕೇರೋಚು ಓ ಇಬ್ರಿವಾಲಕ? ಮ ಸದಾ ಇಬ್ರಿವಾಳೋ ಓ ಇಶ್ರ್ಯೇಲೇವಾಲ ಕ; ಮ ಸದಾ ಅಸ್ಸೋಜ್ ²³ ಓ ಕ್ರಿಸ್ತುರ್ ಸೇವಕ ಕ ? ಮ ಜಾದಾಚು ಬಗರ್ ಗೆನಿರ್ ನ್ಯೆ ವಾಟೆಕರುಚು , ಓರ್ ಸೇವಾಮ ಓನೆತಿನ್ ಜಾದಾ ಬಗರ್ ಗೇನಿರ್ ನ್ಯೆ ವಾಟೆಕರುಚು. ಓರ್ ಸೇವಾಮ ಓನೆತಿನ್ ಜಾದಾ ಭಾವೇಟಿಕೀದೋಚು; ಘನೋ ಖ್ಯೆದೆಮಾಯಿ ರೋಚು; ಖಮೆರ್ ವೇಣಿಜು ಚೋಟೆನ್ ಮರಾಖಾದೋ , ಘನಿ ಹಪ್ತಾ ಮೋತೇರ್ ಮುಮ್ದೆಮಾ ಹಲ ಜಾಗೋತೋ. ²⁴ ಪಾಂಚ್ ಹಪ್ತಾ ಯುಉದಲೆತಿ ಮನ ಏಕ್ ಕಮ್ ಚಾಳಿಸ್ ಚೊತೇ ಮಾರೆತೆ; ²⁵ ಟಿನ್ ಹಪ್ತಾ ಸರ್ಕಾರೆವಾಲ್ ಹ್ಮ್ಸೋದೆತಿ ಮನ ಮರಾಯೇ; ಎಕ್ ವಾನಾ ಮಂಕ್ಯಾಮನ ಆನರ್ಕೆಸಾರು ಭಾತಾಪೇಕೇ ; ತಿನ್ ಹಪ್ತಾ ಮ ರುಜ ಕೋ ಜ್ಹಾಜ್ ಪುಡ =ಗೋ ; ಏಕ್ ರಾತ್ ಏಕ್ ದಿಮ್ಯೇಸಮುದ್ರಾ ರೇಮಾ ದಾದೋ ಕಾಡೋ. ²⁶ ಓರ್ ಸೇವಾಮಾ ಕತ್ರಾಯಿಕೋ ಪ್ರಯಾಣ ಕೀ ದೋ; ನಂಡಿಮಾರ್ ವೇಲಾ ಚುಯರ್ ವೇಲಾ ಖಾಸ್ ಜನುತಿ ವೇಲಾಪರಲೇರ್ ಜನುತಿ ವೇಳಾ ಫೆರ್ ಮಾ ವೇಲಾಟಿ ಝಾಡಿಮಾರ್ ವೇಲಾಟಿ ಸಮುದ್ರಾಮಾರ್ ವೇಲಾತಿ ಲಬಾರಿ ಭಾಯಿಯೇಮಾ ರುಜನಾ ಮನ ಚಾಳಿ; ²⁷ ಕಷ್ಟಮಾ ಬಾದಾಮ ಕಂಕರನ್ ಘನೆ ಹಪ್ತಾ ನೋಮ್ದ್ ಬಂದಾನ್ ಭುಉಕ್ ತರಸೇನನ್ ಸೀಯಾಲಿಮಾ ಅತ್ತಾಚೆನಿ ಜು ರ್ ನ್ ಓನ್ ಸೆವಾಕಿದೊ. ²⁸ ಉಜ್ಜಿ ದುಸರ್ ಖಬರ್ ಅತ್ರಾಜ್ ಕೋನಿಸೇ ಸಬರ್ ಖಬ್ ರಮಾ ಸೋಸೇಮಾ ದಾಡಿ ದಾಡಿ ಮನ ಪಿಡಾಗ್ಹಾಲಛ. ²⁹ ಕೋಯಿ ತೋ ಜೋರ್ ಛೆನಿ =ಜು ರತ್ತೋ ಮ ಓರ್ ಸಾತ್ ಜೋರ್ ಛೆನಿಜು ರಿಮ್ಯೂ ಕಾಂಯೋ? ಕೋಯಿತೋಯಿ ಪಾಪೇಮಾ ಹಲ್ ಜಾರೋವಾತೋ ಮಾರ್ದಲ್ ಬಲೆನಿ ]ಜು ರಿಯೇಕ? ³⁰ ಮ ಮೊಟ್ನ್ ಕಲರ್ ನು ಕತೋ ಮಾರ್ ಕಮ್ ಜೋರೇನ್ ದೇಕಾಲಜಕೋ ಖಬರೆಮಾಯಿ ಮಪ್ ತಟ್ ನ್ ಕಳುರ್ಚು. ³¹ ಮ ಲಾಬಾರಿ ಕೋನಿಕಣ್ ಪ್ರಭು ಯೇಸುರ್ ಬಾಪೆನ್ ಕನ್ನಾಯಿ ಸ್ತುತಿ ಲೇವಳೋನ್ ವೇನ್ ಚೊ ದೇವೇನಜ್ ಮಾಲಂ ಛ. ³² ದಮಸ್ಕಮಾ ರಾಜ್ ಅರೆತನರೆ ಹೇತಟ್ ವೇಟ್ಟೋ ಕೋ ಹಾಕಮ್ ದಾರ್ ಮನ ಪಕಡ್ಣು ಕೇನ್ ದಮಸ್ಕವಾಲೇರ್ ಷೆರೆಮಾ ಗ್ಹಾಸ್ ಲೇನ್ ರ. ³³ ಮ ಏಕ್ ಓಲ್ವಡಿ ಮಾ ಬೇಸ್ನ್ ಭಿ ತೇಮಾ ರಕೋ ದರಿಚಾಮಾಯಿನ್ ವತಾರ್ಮನ್ ಓರ್ ಹಾತೆಮಾಯಿತಿ ಚೋದಾಲಿದೋ.