¹ ಅಕಾರಿ ವಾತ್ ಕಂಯಿ ಕತೋ ಬಯಿಯೋ , ಅಂ ಪ್ರಭು ಯೇಸುರ ಅಕಮೇಥಿ ತಮೆನ್ ದಿನೋಜಕೋ ಆಜ್ಞಾ ಮಲಂ ಕರ್ಮ ಲೆಚೋ ² ತಮ್ ಕಿಮ್ ಚಲಂ ದೇವೆರ್ ಕತಾರ್ ಮೆನ್ ಒನ್ ತಮತಿ ಸಿಕಲೆನ್ ಒರ್ನ್ ಯೀರ್ ಚಲನ್ ಛು . ತಮ್ ಅನುಜ್ ಉಜ್ಜಿ ಗಣೂ ಚಳುನೋ ಕೆನ್ ತಮೆನ್ ಪುಜೆನ್ ಯೇಸು ಪ್ರಭುಮ ನೂರಕ ರೋಚು. ³ ದೇವೆರ್ ಕತಾರ್ ಕಂಯಿ ಕತೋ ತಮ್ ಪವಿತ್ರ ವೆನ್ ರೆನುಕಜ ಕೋಚ್ ; ಜೋರ್ ವಾಸ್ ಚನಲೆತಿ ಚೇತಿ ರೆನೊ . ⁴ ದೇವೆನ್ ಮಾಲಂ ಕಿದೆ ಪೋನಿಜಕೋ ಪರಲ್ ಜನೂರ್ ನೈ ಗಣಲರ್ ಅಯಿಮ ಪೆದೆನಿಜು ರೋ . ⁵ ತಮೆ ಮಾ ಹರ್ ಕೀ ಪವಿತ್ರ್ ರ್ ದಲ್ಲೆ ರೇ ಮನೆತಿ ರೋ . ೬. ಖಾಸ್ ಘರೆ ವಲಿನ್ . ಕಾಮಲೇ ವಾಸ್ ಮಲಂ ಕರಲೆ ಣೂ ; ಇ ⁶ ಖಬರೆಮ ಕೋಯಿ ಒರ್ ಬಯಿನ್ ದೊಖನ ಕರನು ಅನ್ಗರ್ ಕೆನ್ ತಮೆನ್ ಘಟೋ ಕೋಜು ಏಸೇ ಕಬರೆಮ ಪ್ರಭು ಢ ಸೆನ್ ಢಸ್ ಪೆದೆವಲೋ ವೆನ್ ಘ . ⁷ ದೇವಾ ಅಪಾನೆನ ಬಂದ್ ಜಿವೆನ್ ರಾಸ್ ಪೋಣಿ ಬಳಯೋ; ಪವಿತ್ರ ವೆವಾಸ್ ಬಳಯೋ. ⁸ ಅನುವತೂ ಇ ವತೆನ್ ಕಂದೆನಿಜು ಕರೆವಲೋ ಮನಕ್ಯನ್ ಗೆತಿಕರೆ ವಾಳ್ ಅತ್ಹ್ರಾಜ್ ಕೋಣಿ ಪವಿತ್ರ್ ತ್ಮಾರ್ ವಾರನ್ ತಮೆನ್ ದೇವಜಕೋ ದೇವನ ಗೆತಿಕರಚ. ⁹ ಬಾಯಿರ್ ಪ್ರೇಮೆರ್ ಕಬರಿಮಾ ತಮೆನ್ ಲಕೆರ್ ಬಯಿನಿ ; ಏ ಕೆನ್ ಏ ಕ್ ಪ್ರೇಮ್ ಕರುನೋ ಕಜಕೋ ಬೋದನ್ ತಮಚ್ ದೇವತಿ ಪಳಚೋ ಸೋಲಿ ಮದೊನ್ಯ ಮಾ ಛ ಕೊ ಬಯಿಒನ್ ಸೆಸ್ ಪ್ರೇಮ್ ಕರೆ ವಲೋನ್ ವೆನ್ ಜೊ. ¹⁰ ಅತೊಯಿ ಬಾಯಿ. ತಮ್ ಪ್ರೆಮೇಮ ಉಜ್ಜಿ ಜಡ ವೆತೆರೆ ನಕನ್ ತಮೆನ್ ಬೋದಕರುಚ . ¹¹ ಅತ್ಹ್ರಾಜ್ ಕೊನಿ ಮಾ ತಮೆ ಅಗಣ್ಯ ದಿನೋಜೋರ್ ನೈ ತಮ್ ವಜ್ರ ಕೇರ್ ಕಮೆಮಾಮಾ ತಾನ ಪಳಜು ಗಜಬ್ ರೇನ್ ಕಸ ಕಮೆನಜ್ ಕರ್ಲೆನ್ ಅಟತಿ ಕಮ್ಕೆ ರೆರಾಜ್ ಮಂಕೊನ್ ಸಮೋ . ¹² ಅಣು ರತ್ತೋ ತಮ್ ಬರೆರ್ ಮಂಕ್ಯ್ ಉರ್ ಅಂಗ್ ಮನೆ ರೇನ್ ರೂಚೋ ಅನ್ ತಮೆನ ಕುನೆಸಿ ಕಮಿತ್ ರೆನಿ. ¹³ ಬಾಯಿ ಯೋ . ಸೋಯೇ ವಲರ್ ಗಾತ್ ತಿ ಕಮಿಕನ್ ತಮ್ ಮಲಜೆನಿಜು ರೇನ್ ಬರೋಸ ಚೇನಿ ಜಕೊ ದುಸರೆನ್ ನೈ ದು:ಖ ಪಯಣ ಅಮರ್ ದಲೇನ್ ಛ ಜೆನಿ. ¹⁴ ಯೇಸು ಮರಣ ಜಿವ್ಯಯೋ ಕಜಕೋ ಅಂ ನಮೆಜೋರ್ ಪಚ ಓರ್ ನೈ ಯೇಸುಮರೆನ್ ತಮೆಜನುನ್ ದಾಸ ದೇವ ಓರ್ ಸೋಬತ್ ಬಳಲೆನ್ ಅವಜೆನ್ ವಿಶ್ವಾಸ್ ಕನುಕೋ ನಿಕಂ ಇ . ¹⁵ ಅಂ ಪ್ರಬುರ್ ಪತೆರ್ ಅದರತಿ ತಮೆನ್ ಕೆರೆ ಕೊ ಕಂಯಿ ಕತೋ ಪ್ರಭು ದಕವೆಲಗು ಜೀವೆತಿ ಚಚಕೋ ಅಪನ್ ಸುತೆ ಜನುಥ್ ಟಿನ್ ಮುಂದಾಗ್ ವೆಮಣಿ ಪ್ರಭು ಉಚ್ ಮೊಟೊ ಅತೆನಿನ್ . ¹⁶ ಮೊಟೊ ಸೋಜತಿನ . ದೇವೆರ್ ತುತು ರಾರ್ ರಾರ್ ಅಜೋತಿನ್ ಅಸ್ಮನೆತಿ ಉತರನ್ ಅವಚ ; ಜನ ಕ್ರಿಸುಮ ರೇನ್ ಮರೆಜಕೋ ಅಗಡಿ ಉತನ್ ಅವಚ. ¹⁷ ಓರ್ ಪಚ್ಶ್ ಬಂಚೆ ಜಕೊ ಅಪನ್ ಅಸ್ಮನೆಮ ಪ್ರಭು ಸಾಮನ್ ಒರೆನ್ ಸೋಬತಜ್ ವದಲೆಪರ್ ಉಪಡ ಜಮಚ ಅಣು ಅಮೇಶ ಪ್ರಭುರ್ ಸೋಬತೆಮ ರೆಮಚ . ¹⁸ ಜೋರ್ ವಾಸ್ ಇ ವತೆತಿ ಎ ಕೆನ್ ಎಕ್ ಸಂಜವೋ.