¹ Məni Shawulu, ka ji sura yəmni bwirai ajiya bwiranəm ba Tajiyuwuməng, ka yəga gwa nigra nəbbə tʊng jəni a chəriyaNiya jiyuwi ² ka gʊl hangu waniyəng bərarə kantətta nyiniruwaniyu tə ka Damaskai, go ki gǝbǝ nyabagi bə fung wai Juwiwum ki, ki nǝb bǝbarəm ki kin nyim ki, na gə be gəra Urshalima buwa-buwai. ³ A fəla ka jiya yommi, na diye do rə Dimaskang, nyǝlbatang ka jǝre wa ji tʊng, kǝ kwetǝrei ka kawure hangngu; ⁴ ka yar a təmməng, bo ka nui dagi jir a ji sotənə go, ''Shawulu, Shawulu, wula nəngnga kəmən ni kunangngəng?'' ⁵ Shawuluhi ka jautǝn go, ''Mənǝ wune, Tiyajiyu?'' Ka suwe go, ''Nən me Yesu wumən ne kunangngi; ⁶ məni gun na dəga mura bər, bən sʊnʊn jiwa ci kwag bən nəngngai.'' ⁷ Nəbbə yəgi yom tən Shawuluwum ka sira sau, ka buna ji ba suwei, məni a kautənsu a jirhən bong, a chubə ni. ⁸ Shawulu ka gun məna təm, məni a wumən kəmtangnguwung, me bə chure guji ka tau kanangngu a wuwa degi gəra bərda Dimaskang. ⁹ Ka nəngnga kote tə bwanbi mebə chure, mebə jare, mebə nore. ¹⁰ Kagu bwira a Dimaska wu bəre mo Hannaniyai; kə Tajiyu a sotən yəm a mura wulʊ go, ''Hananiya,'' hangu go, ''Jəga mən gwe Tajiyu.'' ¹¹ Tajiyu ka sotənǝn go, ''Gun, na diya juwi sarni wu bərə mo juwi Sabbi, a kaita gu ni wu bərə mo Yahuzai na nǝngnga gulǝn da gu niya Tarsussi wu bǝrǝ mo Shawuluwi, bǝrki ka ruwa nyini; ¹² Məni bo ka chu a mura churang niwu bərə mo Hananiyai dəgiyere tiya gəmǝn kani, naki nutanggu a wumənbwi.'' ¹³ Məni Hananiya ka nga, ''Tajiyu kən nui jiya nəngnga bwiyu a gwa nəbbi mwam ajiya niwaiwe, rə ji bwira wu təmtəna nəbbə kaluriyəm ba Urshalimam. ¹⁴ Kən ne da a gwa nigra nǝbbǝ tʊng jini a kakka Niyajiyuwung naki a tuwa nəbbə burə dundamunnən.'' ¹⁵ Məni Niyajiyu a sotəngo, ''Ya, bǝrki hangu jiya sweri ya miyu wun sammən-samǝn niyu, wuba wau dunda miyən a gwa nəbba kumməm narə dʊbe na bətəm ba Israilam; ¹⁶ Bəraki bən nʊng kunang kəba nong bəra rə dundamiyən.'' ¹⁷ Kən Hananiya diya dəgi a kai hiyǝng. Ka titən kani a durdanggənǝng, ka suwe go, "Chiyamiyu, Shawulu, Tajiyu Yesu, wa jirnənne a juwi fəla mən beri, ga təmiye go naki nya chutang a təm na bo rə we yʊlgoi.'' ¹⁸ A gai go nyəng guji ka yare nyira wula a nuta Shawuluwi, meni ka nya chutang a təm ka gun kən nǝngngatǝn batismang; ¹⁹ a jau jəni jauriyǝng ka nya kumniyǝng. Ka ci tən bwiranəm a Dimaska kotə mwam. ²⁰ A gai go nyəng ka su wautang a yəmba Yesuwum a gun ruwanyiniwi, suwerə go hangu Yǝla Niyajiyuwi. ²¹ Wargu nəbba nui hanguwum ka nəngnga mənatang a buni go, ''Me niwu juwo nəbba Urshalimam ba bərə a mura dundandən ga? Məni bo a be gaiwe go naki gə nəbbən ban hanjim na buwa a gwa ni gra nəbbə tʊng jini a chǝriya niya jiyuwum.'' ²² Məni Shawulu ka nya kumni deni, bo ka lʊkte juggər da nəbbəng narə wutanka furniyəng jugərda Yahudawan bəka ci a Dimaskam a gwa nʊngtang a Yesuwi go gənǝn Kristi. ²³ A bukka kotə mwamməng kə Yahudawa kurabwi go natǝ mukte hanguwung. ²⁴ Məni kuratang ka bwiyəng kajiyəng ka yəlo jiwo Shawulu a yəm-yəmiyu. Ban hanjim bə damən a fugong kum rə ko naki tə ju hanggu. ²⁵ Məni rə juggudda kummən bwiranəmbanggəm ka dəb hanggu a kelǝn ka yagga buk a mura fʊgong ka səmbangka kanəng. ²⁶ A jiwa be Urshalimai, Shawulu kəna faugo gə mʊrga dur tən bwiranəm, məni wargəm ba jiyəm bə lema lema hanggu, bəraki a ngabe go hanggu ka yəlo bwira. ²⁷ Mənni Barnaba ka dəb hanggu abe gəra gwa nəbbə təmrəm. Ka sotən a ban hanjimi nyəngkə Shawulu a chiga tən Niyajiyu a juwi ka sotən yəm, na nyəngki Shawulu a wau yəm a mura dunda Yesʊwʊn dur a səssi a Dimaska. ²⁸ Ka cigamən ban hanjim dəgirə jǝrera Urshalimang. Kawau yəm dur a səssi a mura dunda Tajiyu Yesʊwʊn. ²⁹ Məni ka wuga yəmni tən Yahudawan Helenawai; məni ka jaukak go tə juu hanggu. ³⁰ Chətta yəm go nyəng ka digəra Kaisariya, ka tʊng yəgira Tarsusǝng ³¹ A fulla wu kʊlən da nəbbə fʊnggrəm bə ka təm ba Yahudiyam, Galili narə ba Samariyam ka nya chiyəm bə ləmmangngəm na yəktən tang a kaggi, ka jaukag rə yom a mura tata Tajiyuwi, narə səng tang ka fəriyəng ka We Yʊlgoyəng, kʊlǝn da nəbbə fʊngrəmǝn ka yəgtənbwi rə nəb mwam. ³² Məni ka lau jiwʊng Bitrus a yogo a murta təmi warguwi, ka kawebwi a gwa nəbbə fʊngrəmi bə ka təmba Liddamǝm. ³³ Agaiwurere ka nya gʊ ni wu dundangngən mo Iniyasu wa bubburiyu, ka dəddai a sete jətte naru. ³⁴ Bitrus ka sotən go, ''Iniyasu, Kristi ka nən bwiləmmangngi. Gʊn na dəb gudaramu.'' Rəkwa-rəkwang ka gun a səssi. ³⁵ Wargu nəbba chiya təmba Liddam tən təmba Saronam a chu nihiyəng, ka kawebwi a gwa Tajiyuwi. ³⁶ Nyang a mura Yafa kagu bwira nyiyuwe bərə mo Tabita, Jəgga tang mo, ''Dokas.'' Wai nyi karə serda nətən narə nuitang a kunang ka nəbbə me rə jǝna kaniyuwung. ³⁷ Ka lau jiwun merə bwi ləmmangngi wa lauka bwiyatangngi. Ban hanjim a waitən hi a libota guwung ka tiya kanda jiyǝnǝng. ³⁸ A chi go Lidda nəndo rə Yafang, bwiranəm kanui go Bitrus ka gai, ka təm nəb bəsʊ agwa giyu, chəlare go, ''Be gwanəniyu me təktang a bwiwe.'' ³⁹ Bitrus ka gunna di kin, a lawe gayəng, kən dəgi gəra kanda jiyənəng. Go nyəng yʊkyonəm warigu ka sira do nəng hanggu tiro wite, ka dəbbawu dute narə jini buri yəng Dokas a Sarai a fəlo ka kini. ⁴⁰ Bitrus ka jəg ban hanjim wargu a mura kan hən, ka ru, ka ruwa nyiniyəng, go nyəng ka fəlga bwi a gwa libotiyəng, ka suwe go, ''Tabita, gun.'' A wumən nuitangguwung na chu Bitrusəng ka ciciyəng. ⁴¹ Bitrus bo ka yak kang ka gəng ka gʊkgəng; Go yəng ka buwe nəbbə fʊngrəm narə yʊkyonəm, ka yaktən hanggu rə yum a bang hanjiməng. ⁴² Wai jiya nəngnga bwiyu ka yəlo ji yəm yəmmiyu a mura Yafa wargu, məni bo nəb mwam ka nəbbən yəmbə nyam agwa Niyajiyuwi. ⁴³ Ka yəlo ji Bitrus a ci kotə mwammi a Yafa tən gʊ ni wu bərə mo saminu, w fiyʊ biti.