¹ A mura kotiye, mwami a bwiranəmi a chi yəktənbwiyǝng; Kə yahudate bəka a təmba Helenawam a su yəmni kətǝl-kətəlli a jiya Yahudawa Israila bəraki mebə jigare yugniyom bajiyəm, aji wutəgo jinijauriyu, jitəkong. ² Nəb təmrəm hǝm kwau a jir bəsu ka buwe kurgarang ka bwiranəməng ka sotən go, ''A dautənbe nə du yəmba Niyajiyuwum naki nəndəgi a sweda wutotang ka jinijauriyəng. ³ Bəra grənyang tə sammən chite nəbə baram nyibi bə ka chure rə kaluriyǝm, a ri rə Wem, na rə bərsan, na nən ne swedande. 4 Nənbo nən jaukag rə ruwaninyini narǝ sweda wautang a bwanən.'' ⁵ Yəmbajiyəm ka dəg nəb wargu a nui bwiləmri deni. Kən sammən Istifanus, gə ni wari rə nəbbəntang a yəmbə nyam na rə We Yʊlgoi na Filibus, na Timan, na Barminas, nabo Nikolas, Niya Antakiya wa nəbbən butang ka kangngəng ka Yahudatəng. ⁶ Nəbbə fʊngrəm ka berə nəb bambe a kakka nəb təmrəmǝng, kən ban hanjim a ruwatən nyiniyǝng rə tiyatang a kani a duteta jiyu. ⁷ Kə yəmba Niyajiyu a yəktən bʊyəng; meni bwiranəm ka yəktənbwi deni a Urshalima; nəbbə tʊng jini a chəriyǝm mwam ba Yahudawatəm ka nəbbən yəmbə nyam. ⁸ Məni Istifanus, wa ri rə swerda nətǝttǝ dautəmbuwui rə kumni, ka təmrə graji ya sweda mənatangnga buniyǝn a nəb. ⁹ Məni bo, bagi nəbba jəre a dagi fungkur dən bəre mo fungkur da yiyarangngǝn bən yəmmo Kuramiyawa na Iskandiriyawa nabo bagi a mura təmba Kilikiyam natən Asiya. Bam nəbbo ka wuga yəm tən Istifanus. ¹⁰ Mənni bo a dəmənba yənkə ba ti Istifanus rəgəng bərarə bərsan da gən narə We Yʊlgoiyangu wu surə yəm gəri. ¹¹ Məni a ne kang kə rə bugǝng bagi nǝbbǝng, ka swii go a yigi ya suwe go, ''Kənən nui Istifanus sura yəmni rə kunni ajiya Musa tən Niyajiyu.'' ¹² Ka swii nəb həm, rə tabe na rə nəb mularəm, ka yatən na Istifanusi a tau a digəra a kakka nəbbə mwe duutəmǝng. ¹³ Kabe re nəbbə nəbbən yemba nyattəm ka suwe go, ''A lawetənku ni waiwe a dube sutang a yəmba kakgəm agu yʊlgoiyu rə duutətangu. ¹⁴ Bəraki kənən nui suwerə go Yesu Banazaret waiwe ba luktǝ təm a wulga sori Musa dubǝmǝnni.'' ¹⁵ Wargəm bajim bə ka ci a dəntələn da duutən ka kwitən kəmte, go nyəng ka chu kakkagəng nyirarə ka we təmri.