Urang Banyak di Serugak memujik Allah 1 Udah nganah akuk mendangai suarak nyang kuat macam sekumpalan basar urang becakap, "Haleluya! Keselamatan, kemuliaan,dan kekuasa an adalah punyak Allah kitak. 2 karnak pengakiman Nyak bujur dan adil; karnak nyak udah mengdil pelacur basar nganah, nyang merusak bumik aman bejatnyak, dan udah membalaskan darah ulun-ulun-Nyak aman pelacur nganah." 3 Untuk keduak kaliknyak, sadih becakap, "Haleluya! Asap pelacur nganah udah datang selelambatnyak am." 4 Laluk duak puluh ampat urang tuak-tuak dan keampat makhluk nganah sujut menyambah Allah, nyang duduk dipucuk takhta, aman becakap,"Amin! Haleluya!" 5 Laluk kedangaian suarak bangkit di takhta, " Pujilah Allah kitak, ai kandih segalaknyak nyang melayanik Nyak, baik nyang kacik andakpun nyang basar, nyang menghormatik Nyak!" Pestak Perkawinan Anak Dombak 6 Laluk kudangai macam suarak urang banyak bekumpul, macam bunyik arai bah, dan macam bunyik guntur nyang ibat, becakap, "Haleluya! Sabab, Tuhan Allah kitak nyang mahakuasak menyiuh. 7 Indam kitak besukaksukak dan besurak, kemuliaan amannyak kitak dumankan karnak arik kawin Anak Dombak udah datang, dan pengantin betinak-Nyak udah sediak. 8 8Kain linen halus nyang berasih dan cemerlang udah didumankan amannyak, untuk dipakai karnak kain linen nganah pulahan bujur nyang dilakukan urang-urang kudus." 9 Laluk malaikat nganah becakap amankuk, "Tuliskanlah nganih: Diberkatiklah urang nyang diundang ke jamuan perkawinan Anak Dombak!" Dan nyak becakap lagik aman kuk," Nanganihlah cakap-cakap nyang bujur bangkit di Allah." 10 Laluk akuk sujut di batis malaikat untuk menyambah nyak. Namun nyak becakap amankuk,"Jangan lakukan nganah karnak akuk ugak ambak macamkalai jum dan dulur-dulurkalai nyang setiak aman kesaksian Yesus. Sambahlah Allah karnak kesaksian Yesus adalah ruh nubuat. Penunggang Kudak Putih 11 Laluk akuk menampai serugak tebukak, dan keluarlah sikur kudak putih; Nyak nyang duduk di pucuknyak bedamak setiak dan bujur, dan dalam kebanaran nyak mengakimik dan beparang. 12 Mataknyak macam nyalak apik, di kepalak-Nyak bisik banyak mahkutak, dan Nyak bisik namak nyang tetulis, nyang puang bisik surangpun tauk kecualik diriknyak surangan. 13 Nyak memakai jubah nyang udah dicalupkan kedalam darah, dan damak-Nyak adalah Firman Allah. 14 Segalak pasukan nyang bisik di serugak membasingik Nyak aman menunggang kudak putih dan bepakaian kain linen halus nyang putih dan bersih. 15 Bangkit di mulut-Nyak keluar sebutik padang tajam nyang di gunakan untuk memangkung bangsak-bangsak. Nyak akan memerintah atas sadih aman tungkat basik. Nyak andak memaras anggur dalam batuk kilangan, nyang adalah murka Allah nyang mahakuasak. 16 Padak Jubah dan punggung-Nyak tetulis damak nganih: RAJA ATAS SEGALAK RAJA DAN TUAN ATAS SEGALAK TUAN. 17 Laluk, akuk menampai surang malaikat betelanjung di dalam matak arik. Nyak mengkaung aman suarak kuata aman segalak burung nyang terabang di langit," Indam, bekumpul dam andak membasing dalam jamuan makan basar Allah, 18 Biar kalai dapat makan isik para panglimak, isik urang-urang kuat, isik kudak-kudak dan sadih nyang duduk di pucuknyak, dan isik segalak urang, baik itu urang bebas andakpun urang mardikak, urng kacik andakpun urang basar." 19 Kutampai jejaluk nganah dan rajak di bumik sertak pasukan sadih bekumpul tuk beparang melawan Nyak nyang duduk di pucuk kudak putih dan melawan pasukan-Nyak. 20 Laluk, jejaluk nganah ditangkap aman nabik palsuknyak nyang udah mengadakan tandak-tandak ajaib di adapan jejaluk nganah, amannyak nyak menyasatkan sadih nyang muntik tandak jejaluk nganah dan sadih nyang menyambah patungnyak. Segalak sadih di tengkalungkan idup-idup ke dalam lautan apik nyang menyalak-nyalak ulih belirang. 21 Dan, sisaknyak dibunuh aman padang nyang keluar bangkit di mulut Nyak nyang duduk dipucuk kudak putih dan segalak burung dikanyangkan aman isik sadih.