Salam dan Pujian untuk Gayus 1 Bangkit dipenatua pada Gayus terkasih, nyang kukasih ik dalam kebanaran. 2 Akuk bedoa semogak kalai jangak-jangak jak dalam segalak al, semoga tubuhkalai siat, macam jiwakkalai jugak siat. 3 Akuk sangat sukak waktuk dulur-dulur datang dan bersaksik tantang kebujuran, macamngapak kalai waktuk nganih idup bujur. 4 Akuk puang punyak sukakcitak nyang labih basar daripada mendangai bahwak anak-anakkuk bejalan dalam bujur. 5 Dulurkuk nyang kekasih, kalai betindak aman setia dalam segalak usahakalai bagik dulur-dulur, maskipun sadih urang asing. 6 Sadih udah besaksik tantang kasih diadapan jemaat. nyang baik udah kalai lakukan menulung sadih menaruskan pejalanan aman carak nyang berkanan aman Allah. 7 Sabab, sadih udah bejalan demi namak Allah, puang bisik muntik ngapapun bangkit di urang-urang nyang puang pecayak. 8 Karnak nganah, kitak arus menulung urang-urang macam sadihinggak kitak jadik kaban pelayanan bagik jalan bujur. Diotrefes dan Demetrius 9 Surat udah kutulis aman jemaat,tapik Diotrefes, nyang sukak menunjulkan dirik diantarak sadih, puang andak menerimak kaik. 10 Nganahlah aman kuk datang akuk ingatkannyak atas tindakannyak, nyang memfitnah kaik aman katak-katak jahat! Puang anyak nganah jak, nyak ugak puang andak menerimak dulur kaban nyang datang dan menggadikan sadih nyang andak menerimak dulur kaban serta mengucilkan sadih bangkit di jemaat. 11 Dulur-dulurkuk jangan meniruk al jat al jangaknam ditiruk. Orang nyang bulak kebaikan berasal di Allah, tapik urang nyang bulah jat balum menampai Allah. 12 Segalak urang udah besaksik nyang jangak tantang Demetrius, bujur bersaksik macam nganam.Kaik ugak besaksik, dan kalai tauk bahwak kesaksian kaik bujur. Salam Penutup 13 Banyak al andak kutuliskan aman kalai, tapik puang andak kutulis aman pena dan tinta. 14 Harapankuk akuk andak betamuk capat aman kalai becakap secarak tatap mukak. 15 Damai sejahtera tuk kalai. Kaban-kaban dinganih mengirimkam salam tuk kalai. Sampaikan ugak salam kaik aman segalak dulur kaban dinganuh.