Pasal 8 -

1 Ne alo baken,hatta lino are petukung ma nyaan pun danu-danu nean de kuman,Yesus ngi'va murid-murid-En ma puba'k piang de. 2 Nai nasi pe Jek ipe lino are eni,balum talu alo de peta'van Jek,ma nyaan pun danu-danu nean de kuman. 3 Ma, aje Jek peso de muli usa la'vu de suang de biti,luhang de makiap de akan pingsan karena biti,de eni sung tat kota na muju. 4 Ma, murid-murid-En mute-En,"Tarama te nyua roti akun de nean de banga' kuman? Nehani sepi muju tat lino. 5 Perajo, Yesus pamat de,"Pire roti nai kem?" De mute," Kilit roti." 6 Balum ena, Yesus peso lino are ena muruk ne tana', ma En ala kilit roti ena,ma mengucap syukur,ma En mata'-mata nin,ma ikan nin piang murid-murid-En nean pata nin piang lino are.De pata nin piang lino are. 7 Ma,murid-murid pe pun isit ajen berihei. Balum mengucap syukur pupung nin, Yesus peso murid-murid En membagikan ajen-ajen ena piang lino are. 8 Lino are ena kumang sung banga, ma de petukung pulek-pulek daku lele' ena kilit pasu panu'. 9 Karen lino na kuman ena kira-kira apat ribu karing. Balum ena, Yesus peso de muli. 10 Parajo, Yesus mesaring masek haloi peta'van murin-murid-En ma sung ne daerah Dalmanuta. 11 Ma,lino Farisi sung ma tui petenanyai piang Yesus,de manyik tanda tat sorga,nean de mencobai Yesus. 12 Balum Yesus ngehingat lo'eng suang Bujen-En,En puba'k, 13 "Danu genarasi eni nyua' tanda? Jak ta'vat tete-tete piang kem,nyaan pun tanda ine ikan piang generasi eni." Balum ena Yesus mu'vo de, masek pekate suang haloi, ma pai mapit. 14 Murid-murid keleliun itet roti,ma aipulek beat roti neng de suang haloi . 15 Ma Yesus berpesan piang de," Jan-jan kem! Berhati-hati mene piang ragi lino Farisi ma ragi Herodes. 16 Perajo de tui' peketa'vat itup piang na baken soal de nyaan pun roti. 17 Ma,balum to na biak nana, Yasus ta'vat piang de, "Danu me kem peketa'vat, kem nyaan pun roti?Aje kem nyaan pe to ma mengerti? Aje sangam maren? 18 Aje kem pun mate,ma nyaan to ipe? Ma,pun bakip ,ma nyaan to kelingo? Nyaan kem situk, 19 hatta Jek mata- mata lime roti untuk lime ribu karing lino, pire karen pasu na isi nin panu' lele' daku ine kem petukung?"De mute,"Ai pulu due pasu. 20 Ma,hatta kilit roti untuk apat ribu karing lino ena,pire pasu na panu' lele daku na ine kem petukung? De mute, "Kilit pasu." 21 Parajo, En ta'vat piang de," Aje kem masih nyaan pe mengerti?" 22 Balum ena, Yesus ma murid-murid-En sung ne Betsaida. Nehana lino iten aikaring lino pasek, ma de manyik tasi piang En agar Yesus karo en. 23 Yesus nyala langen lino pasek ena ma iten en pusit tat desa. Parajo, Yesus monong maten lino pasek ena ma peli'va langen- En pupung en.En pamat, Aje pun do kitam?" 24 Parajo,lino ena ipe ke'vui ma ta'vat,"Jek ipe lino,tetapi de kitak bia' kiau' makia. 25 Balum ena,Yesus peli'va langen-En pupung maten lino ena pekate,parajo lino ena nguka maten en,maten en balum sembuh,ma en agep ipe luhi molang, 26 Parajo,Yesus peso en muli usa la'vu en,ma ta'vat,"Ai masek suang desa ena. 27 Balum ena, Yesus pai,peta'van murid-murid-En usa desa-desa higet Kaisarea Filipi.Ma,ne luhang tandung, Yesus pamat piang para murid ma ta'vat piang de, kalin de,he Jek eni?" 28 De mute," Pun pe na ta'vat: Yohanes Pembaptis, nabaken ta'vat: Elia,pun pe nabaken ta'vat itup tat nabi ena 29 Balum ena, Yesus pamat piang de,Aje kem, he Jek eni? "Petrus mute-En,"Ko eni Kristus." 30 Ma,Yesus ngokon de, ai petuli'k he En piang lino. 31 Balum ena, Yesus tui' ngebara murid-murid-En bahwa Anak Lino harus menderita are hal, ma ine tokan-tokan Yahudi, katangen imam-imam piang ahli-ahli Taurat menolak, ma ine ngabei',ma balum talu alo murip pekate. 32 Yesus ta'vat biak nana secara tenguka. Kelingo lai ena,Petrus maruk Yesus usa en ma menegur-En. 33 Ageppe biak nana sambil pesuli ma ipe murid-murid-En, Yesus menegur Petrus ma ta'vat,"Pai mene tat Jek,hai Iblis! Sebab ko nyaan pesene danu na ine pesene Aman Tingai,nangen tat danu ine lino pesene. 34 Balum ena, Yesus ngi'va lino are piang muridmurid-En, ma ta'vat piang de,Aje lino bieng lemaja Jek, en harus menyangkal arep en nangen, ma nyaung salib en nangen, parajo lemaja Jek. 35 Sebab,he bear na bieng menyelamatkan kehingat en, en akan penyaan kehingat en, tetapi he bear na nyaan kehingat en karena Jek ma injil akan menyelamatkan nin. 36 Sebab danu menemet untung nin ne lino sa'va dunia eni luhi,ma kehingat en nyaan? 37 Danu na agep ine lino ikan menebus kehingat en? 38 He bear na nga'va karena Jek ma firman-Ku ne generasi na nyaan setia ma berdosa eni,biaknape Anak Lino pe nga'va ngaku lino ena hatta En sung suang kemuliaan Ama-En pata'van piang malaikat-malaikat na kudus.