5 Balum ena,Yesus pejoak ngelibung de ma nai busin. En nai mangala pare sanga ine kejiet sangan de. Perajo Yesus ta'vat piang lino na langen en ka've tarai' ena. Petehuruk langem."Ma lino ena petehuruk langen en,ma langen en balum jan. 6 Ipe biaknana,lino Farisi mesaring mu'vo,ma pesatu piang lino Herodes na petenanyai piang En nean de ngebei'En. 7 Yesus piang murid-murid En usa danau,ma nai mangala are karen lino lemaja,tat wilayah Galilea,ma tat Yudea, 8 tat Yerusalem, Idumea,daerah liva' sungai Yordan,ma biak nape tat higet Tirus,are lino hatta kelingo na Yesus me,sung luhi usa En. 9 Ipe lino nai mangala are,Yesus ta'vat piang murid- murid-En peso' nyua' itup haloi neng- En nangen nean de nyaan mendesak En. 10 Yesus balum are menyembuhkan lino,ipe na ina lino na pun ahat de ine ro perajo berdesak-desakan nean agep ngehama-En. 11 Ma,hatta buje'-buje'najis ipe Yesus,de sujud ne irap-En ma manga'ap,"Ko eni Anak Lole Aman Tingai!" 12 Ageppe biak nana,Yesus ngelarang de ai petuli he En. 13 Perajo,Yesus niket usa unyuk ma ngi'va lino kebieng-En piang-En,de sung usa En. 14 En milih aipulu due karing na agep peta'van piang En ma na ine peso berkhotbah, 15 ma ikan kuasa pu'vo setan-setan. 16 Yesus milih na aipulu dua karing ena: Simon (na piang en Yesus ikan aran Petrus), 17 Yakobus,anak Zebedeus,ma Yohanes,arin Yakobus (na piang en Yesus ikan de aran Boanerges,artinin"Anak-anak Guruh"), 18 Andreas, Filipus,Bartolomeus,Matius, Tomas,Yakobus,anak Alfeus, Tadeus,Simon lino Zelot, 19 ma Yudas Iskariot,na menghianati En. 20 Balum ena, Yesus masek usa itup la'vu,ma are lino petukung ngerumun En ma murid-murid-En me de nyaan agep kuman roti. 21 Hatta ahat-En kelingo rongo ena,de sung nyua iten Yesus pelekot kalin de: En balum bangen. 22 Ma,Ahli-ahli Taurat na temaga tat Yerusalem ta'vat,"En kerasukan Beelzebul!" ma "En pu'vo setan piang kuasa ketangen setan." 23 Perajo, Yesus ngi'va de usa En,ma ta'vat itet perumpamaan,Kamake to Iblis pu'vo Iblis? 24 Aje itup kerajaan pebagi-bagi ngela'van arep en nangen,kerajaan ena nyaan tuen. 25 Ma,aje itup kajan petenanyai suang kajan ena sama de nangen,la'vu ena nyaan agep bertahan. 26 Aje Iblis nekaring petenanyai piang arep de nangen,en nyaan tuen,teren ena na urip nin. 27 Nyaan pun lino agep masek usa la'vu lino na kehe' ma merampok u'vut en,aje nyaan amoi ine moto lino na kehe'ena,balum ena en agep merampok la'vu en." 28 "Jek petuli na tete piang ko',dosa ma hujatan anak- anak manusia agep ine ampuni na de ta'vat. 29 He na menghujat Roh Kudus nyaan kala ine ampuni,ena dosa teren ma teren. 30 Ahli-ahli Taurat ta'vat, "En kerasukan buje najis." 31 Balum ena,inyen ma arin- arin Yesus sung ma nekaring ne abeng la'vu.De peso' lino usa-En nean ngi'va-En. 32 Lino are muruk ngelibung Yesus ma de ta'vat piang-En,"Ipe ina'Nu ma arim pun nahai abeng la'vu eni nyua' Ko." 33 Ma,Yesus mute'de ma ta'vat, "He ina' Ku ma ariK?" 34 Balum ena, En ipe lino na muruk ngelibung En ma ta'vat,"Ipe mene,eni ina'Ku ma ariK. 35 He bear na me kebieng Aman Tingai ena na arin lole'- Ku, ma ,ma arin doro'-Ku, ma ina'-Ku."