Pasal 4

1 Obai nian, bolo somadikanku nyo ku kasihi agan ku rinduan, inyo monjadi sukacita agan kobanggaanku, bodiritn cam agan toguh dalapm Tuhan. 2 Aku sangatn momuhun kopado Euodia agan kopado Sintikhe pakai hidup rukutn dalapm Tuhan. 3 Au, aku mominto ko kulo, balo Pokawaln sojatiku, tulukng botina' - botina' nin obai sia' tolah bokorojo koras bosamoku pakai polayatan Injil, ongko bosamo Klemens agan kokawalan korojoku nyo bukai, inyo namo nyo totulis dalamp kohidupan. 4 bosukacita solalu dalapm Tuhan,sokali lagi kupandiran,bosukacita cam! 5 biaram kolombutan hati kulo dikotohui somuo urakng.Tuhan udah dampikng 6 janganlah kuatir tontakng apo pan.apo,dalapm sogalo sosuatu nyatoan kohonda kulo ko Allah dalapm Doa agan pormuhunan agan ucapan syukur. 7 Damai sojahtera Allah nyo molampaui sogalo pongorotian akan momolihara hati agan pikiran kulo dalapm Yesus Kristus. 8 ahirnyo,balo somadikan,somuo inyo bondar,somuo nyo mulia,somuo nyo adil,somuo nyo suci,somuo nyo indah,somuo nyo topuji,somuo nyo sompurna,somuo nyo patut dipuji,pikiran cam somuo nyo nian. 9 apo nyo udah kulo polajari,torima,dinga,agan tiat doi' aku,lakuancam somuo nian,ongko Allah sumber damai sojahtera monyorotai kulo. 10 aku maha bosukacita dalapm Tuhan obai sokarakng,akhirnyo kulo momboritoan lagi porhatian kulo kopadoku.momang,sobolum nyo aku moonjii pohatian kopadoku,apo kulo kinyo momiliki kosompatan. 11 aku momandiran hal ni'in bukai obai aku togahan kokurakngan,obai aku udah bolajar moncukupi diri dalapm koadaan apo pan. 12 aku tohu apo rotinyo kokurakngan,agan aku pan apo rotinyo kolimpahan.dalapm sogalo agan sotiap koadaan,aku udah bolajar rahasia hidup bokocukupan,apokah agan konyang kolaparan,apo kah hidup banya duit ongko kinyo ado duit. 13 Aku dapat molakuan sogalo sosuatu molalui Sio nyo moonjii kokuatan kopado ku. 14 apo,kulo udah bobuat boi bobagi boban kopadoku. 15 kulo siku tohu,jomaat Filipi,bahwo kotika awal portamo polayatan injil,sotolah aku moninggalan erahanan Makedonia,bilo ado jomaat nyo honda'bobagi beban aganku dalapm hal mo onjii agan monorima,kocuali kulo. 16 bahkan,kotika dikota Tesalonika,kulo mongiripm bantuan akai kopontingan ku lobih doi sokali. 17 Apo,bukai bantuan nian nyo aku cari,molaintan aku moncari buah inyo akan mompobosar kountukan kulo. 18 Aku udah monorima pombayaran ponuh,bah kan lobih.aku momiliki somuo nyo aku porluan obai pomborian inyo kulo kiripm kopado ku molalui epafroditus.pongonjian kulo nian monjadi posombahan nyo harupm kurban nyo bokonan,agan monyonangan Allah. 19 Allah ku akan momonuhi sogalo koporluan kulo mo nurut kokayaan nyo inyo mulia dalapm Yesus Kristus. 20 Komulian bagi Allah agan bopai kito akai solamo-lamonyo.Amin. 21 Sampaian salam koi kopado sotiap urakng kudus dalapm Yesus Kristus.salapm akai kulo doi balo somadikan soiman nyo ado bosamo ku disiit. 22 Somuo urakng kudus mongiripm salapm pakai kulo,kususnyo sia inyo bokorojo molayati di istana Kaisar. 23 Anugerah doi tuhan Yesus Kristus monyertai Roh kulo. Amin.