¹ Ma migyii nih rivin ri rhi un Kristoh, maku renem i chotti, u lamire unang usin sakseh inung a mazir mavur, ² awoh mini seri a sugwho sir nabgwing nan tikanci a sugwhu kanang. ³ Inku pok kinne godu renem anoeh, a ghhanem nang Kristoh a warka chegyhi, ayah natireh ayhaor aroeh aripum. ⁴ Areh Isra'ilawa, ama zuwa u sennu, u changwhy, mateh, ku tutu ko siri, nang anang u rene ko sugwhu. ⁵ Nang a puteh yhaon na Kristoh ima chiram imuzu ripum dina-yhi umi ire Kasiri ka koyen. Uchanghhu ure ukan karen nang karen ken. ⁶ Mu zakure kinne kurene ko sugwhu na Kasiri kama reniri kuma rigyhi. Azang umi iri in Isra'ila ire piyu Isra'ila. ⁷ An zakureayah chira unaok ki Ibrahim are nono nayhi na rivin. ''Kure ti Ishaku na anka yelli uvaru nan.'' ⁸ Ku koh, nono na ripum na za kure nono na Siri Nono nu rene sugwhu nan nare nono ni Ibrahim. ⁹ Anang arah are avere u rene sugwhu: ''A dhaor kana manka ruva, anka roh i Saratu kano.'' ¹⁰ An zan kini nazik, kure atini ku zukanu u riviri na ki Rabeka kima zika a wori nang piyhoar uraoh, titah u wuri Ishaku ¹¹ ama roto ma regghye nono nami nan roto ma rene koyen Irip boko kiyikin, asa usunu o Siri awarku teskenu un ka rim, anzan awarka manang, anreh awarka yhi umi eh kangreh- ¹² ama verukin, ''Piya chirvu enka dorkoro utan''. ¹³ Ari kenna ama nyakara:''Yakubu na nsuni, Isuwa na nzamu su.'' ¹⁴ Yen na man gura vere? kuri anang a zaku vura nang Kasiri? ko na chini. ¹⁵ Ima woh u Musa, ''Manka yelli u ririllipovo upiyah na man yelli yi u ririllipovoh a pokoro rillipovoh upiyah na mang pokoro rillipovoh''. ¹⁶ Nan ken, an zang awarka pi yhi rusu, zah awarka pi yah eh zika u suru, kure awarka Siri, kami kaku pokoro Lillipovoh. ¹⁷ Kenna Avah ama woh u Fir'auna, ''Awarka nan avah na ma chone vuh, asa nsa Usuru nang un yhin, agura sa an wagghha rizagyhi usukuyah na sang '' ¹⁸ Ken na ani, Kasiri kaku pokoro lillipovoh u piyah na ka rusu, piyah na ka suni, kan rene yhi uroh u utih. ¹⁹ In nanka woh nang mini, ''Yene rene eku puru ayhi vang? Wani tabanu zaku rume nang usunu yhi?''. ²⁰ Ana nang azakuriken, piyhaor, pigyhi wan, peku mane eh napsa kin, ''Yene pi napsan kini?'' ²¹ Piyu napsa kon ruruk ku zayi usuru in ross Inapsa isep ke rong anang arip, nang ki manzu kimi na ku yelli anan ko kazike tuk? ²² Yenen wana? inna Kasirih karusu kansah uwantanu o sugwhu agura rene an yeghhetekeh usuru khan, kan nuzuruwoh nang ayah ma wanu woh kan yhitiri a rene ivurah in toru yhoan? ²³ In na ka rene ken asa kan ren an yegwheteh a tikarama tu daukaka ukan ana yah naka pokoro Lillipovoh, ana yah na ima tara awoh enka daukaka yhoan? ²⁴ Yenen ka wana inna ka yelli kan nang awuri nasang, awure mi na ka kangreh, an zang ana Yahudawa nazik, na ayah wori ana allll'ummai? ²⁵ Kama vereh ana vah a Hosea: ''Manka kanngreh yhaor anang ana yah a zakureh anang, ayah na nzamusuh an wana ayah na nsuni. ²⁶ Monka nu wana atek na ama veru yhoan awoh, 'In zakureh ayhoar anang ,'' kan na anka kangreh yhoan awoh 'avezeneh a Siri ku voh.' ²⁷ Ishaya ima zoakpwoah ring nyhi awarki Isra'ila, ''ko nang uvaruh nono ni Isra'ila kirku wana ne Isan u teku, a dun dun anka zuwa u ghhaska, ²⁸ pikarma enka yelli mateh mayhi urikuyah, nasnang zah ku nazeh dhoar.'' ²⁹ Kenna Ishaya imah vere, Annareh pikarma nasang kuma rotoh Joeh yhirim nono, teh nang wana neh u Saduma, ³⁰ Yenna tenka vereh? Akoh a al'ummai, ami ama zaku dorkoni mavur, kuma vurka, uvur u bangaskiya. ³¹ Isra'ila, umi o dorkoro mateh mu wana ayah vur, a roto maka zuwa uni. ³² Yene wana? Awar ku woh ama rotoh dorkoro inung u bangaskiya, anreh un tuma. Ama rupkwuruwoh a ripkwang a rigyhi, ³³ Kenna ama nyakera, ''Rehye, man nome un sihiyona ripkwang ru rupkwuruwoh nang ku riksih. Piyeh rume nan rin enka zaku pokoru gbwor.''