1 Bulus , pirehru Yesoh Kiristoh nkangwu iwahn kagbweng, piya nah a marevene yhi awar ku tumu Sirih. ² Masara mana mahn na imah alkawarta cetti ranga tuh Anabawa ayhi inung ana vah avur. ³ A majagha nang pivezene, umi na amah rehye yhi tunhaok ku Dauda turinu ripuhm. ⁴ Tuh chonu yhi inung anaya kini, Amih rene yhi iwana pirogwo uh pivevenu Sirih turimu mazir mavur Yesoh Kiristoh titugwaki." ⁵ Turina uyhi tima sereh mapes nanku wana nafoweng, awar ka matini inung ama yhaor atepampana (al'ummai) awar katewomoh kah rizayi riyhi. ⁶ Inung a mayinzi mana, a yini amah kanghi ni inka rhi nan Yesoh Kiristoh. ⁷ Avah ara areh a makanu Romawa nasang aya na Kasirih Kasun, ami na amah kangha an wan a yhaor avur, mapes mahn wan mayhin, nang mavok manu ma cirah nan Kasirih, Titigwaki uwurhi nang Titugwaki Yesoh Kiristoh. ⁸ Azohn, nseri usanjinghi nan Kasirih kanang turinu Yesoh Kiristoh awar kayhin nasang, awar kuwoh kasugwhu (ubangaskiya) kayhin asi misu ni inung urikuya nasang. ⁹ Kasirih kaeh ushaida unang, uminan ndorkoro ni yhi inung a mazir manang inung ana vereh a pivezenu yhi. ¹⁰ Ana dhaor na vaktazi maku si tanzana Asirih awar kuwoh nzuk awara kama ruva nan a yhini, imna Kasirih Karume. ¹¹ Awar kuwoh nrhi urhaon ku rehye ni, sa nrumi a peruh ka mazir, awar kawo npiri ni unirghanuhn (unizazanu unasuwu) ¹² Nrhi nan ku rhaon ku zuwu unirghanu suwu kanang inung uyhin, inung amatih ana swu na yhin nang kanang ina khoni. ¹³ Neh kimi nzah musu invis yhao, a madung (ana dhaor na vaktazi) nrhi nan kasugwhu kama ruwa nan a yhini, maka rava ukeru muroto wana ken. Nrhi asugwhu ku reneken awar kuwoh nzuk a nhono na mazir inung uyhin neh kenna murhi inung atipanpana tivaktazi. ¹⁴ Mini nyhaop mazip mhu Helinawa nan timanzu tipanpana, aya tipanva nan aya azayhaon atipanva. ¹⁵ Avar kuwoh nmah kupsana nmiseh nbishara manwa nan a yhini, a yhini aya arhi inung un Roma ¹⁶ Awar kuwoh mini ritih rinang nzaku pok ugbor urisenu ubishara, awar kuwoh uni ureh tiwomoh teh Sirih awar kuzuru uwaska nang piye rume, unsenenu nan aYahudawa maka rava a Helinawa. ¹⁷ Awar kinung urisenu mariva ma Sirih kamah verke inung unbangaskiya maka rava ubangaskiya, neh kenna inyakarani, "piriseni matini anka harah turinu bangaskiya. ¹⁸ Awar kuwoh rikhaozhao reh Sirih rimah verkunuwo izoh, amagudana nan aya marehve nan uzaku seri mariva, ma yhaor. Aya aku norkoro a rivin turinu zaku seri mariva mayhaon. ¹⁹ A risohn ruwo ankusu munhina ayhao amajagha nan Kasirih muh verkeneni nang yhaon. Awar kuwoh Kasirih kamah verkene yhaon muhn atihari. ²⁰ Awar kuwoh anang a yhi (Sirih) nah amaku zaku suska rehye averkeneni cettu thaosi (anapsanu urikuya) aku susku yhaogthaoike muhn turinu ankusu na amah napsa ayhaor ara a zayhaon uwujja. ²¹ A risohn ruwo anku puk uyhao kho Sirih, a nken aroto roh yhi tiwomoh a nkar reh Sirih, vah an sayhi usanginghi. Tukini, amah wana mapana inung undinnenu yhaon, na sugwhu nayhaon nazu dinnenu namah sirhi. ²² Ayhaor ara ama zika ateh yhaon ayu yhao na ama wana mabana. ²³ Ama shaoskhao udaukaka oh Sirih uzah marara unsuwh ankusu mumi moku rarah, neh piyhaor, ankinhaon, nang uvigha umi urizzi anavina na nannas, nan magbuwollozon arbari. ²⁴ Awar kuken Kasirih kamah jhao yhaon mihm urhaon kunasugwhu na yhaon inung uyhaon (anatih ayhaon) ²⁵ Ayhaon ama shaoskhao a rivin reh Sirih nan icotti, nanku riseh usujada nang ku dorkoroni ikusu na areh kunapsa, unshaoskhaonu upi napsana, umi iseri ankusu mu cangwu zak marara mowanaken. ²⁶ Awar kuken Kasirih kamah jhao yhaon mihm, urhaon kunasugwhu na yhaon nu lallata nan uwulakanci anyogwu ayhaon ama shaoskhao kenna ama mina ku tapsana ara seri mayhiman pinyogwu nang pinyogwo anku rah manah. ²⁷ Arumi ayhaon, ayhaon an shaoskhao kenna ama minah ku tapsana (manah) pinyogwu nang pirumi an vandare ara seri utuma utallata pirumi nang pirumi, arumi anku mosoh nan arumi a seri ankusu miziziama si puva ureze utuma ankusu muyhaon mizizi. ²⁸ Tunna arotoh rume nang Kasirih inung ana nang ayhaon, Kasirih kamah jhao yhaon mihm inung uwurunu (uwunnu) una suwa na yhaon, sah an rise anan ara ayhieni ²⁹ Ayhaor ara a kori na anang azah matini, magunta, ukiyashi, kucok, agura kori nan ripuvu, uwunzanu tih, utarzama, umakirci agura arhi asugwhu kurise mayhieman. ³⁰ Ayhaor ara aku rise ugulma, nan ukage, avononi a Sirih, aya zaku suhni a zohm kamarentu, aya roksi ritih nan ayu ruba, aya aku pogho icotti ankusu mu yhiemun mu vaktaza ³¹ Nasugwhu nayhaon areh marini, aya aku rhao amana aya azah yhaon usunu, nanku zaku ririllipovo. ³² Ayhaor ara ariken a yhao nan matazzana ma Sirih awo aya a seri imuzong kusu mu ama chaonchaonci a mateh mukhao, a zakure ankusu mu nah a seri nazik, nanku gura ghava atini kaya a seri muhm